ຕັງຈະເລີນ ຂະຫຍາຍຮ້ານຄ້າທີ່ນະຄອນຫຼວງວຽງຈັນ

     ພາຍຫຼັງປະສົບຜົນສໍາເລັດໃນການດໍາເນີນທຸລະກິດຮ້ານຄ້າວັດສະດຸກໍ່ສ້າງ ແລະເຄື່ອງໃຊ້ພາຍໃນເຮືອນຄົບວົງຈອນ ຢູ່ປາກເຊ ແຂວງຈໍາປາສັກ ກຸ່ມບໍລິສັດ ຕັງຈະເລີນ ກໍ່ໄດ້ຂະຫຍາຍສາຂາມາສູ່ນະຄອນຫຼວງວຽງຈັນ

ໂດຍໄດ້ລົງທຶນກໍ່ສ້າງຮ້ານຂະໜາດໃຫຍ່ (ຮ້ານຄ້າຕັງຈະເລີນ TCR Home Store) ແລະມີສິນຄ້າແບບຄົບຊຸດ ເພື່ອ ຕອບສະໜອງຄວາມຕ້ອງການຂອງລູກຄ້າ ແລະມີການບໍລິການຫຼັງການຂາຍທີ່ເປັນເລີດດັ່ງຄໍາຂວັນຂອງຮ້ານ ທີ່ວ່າ: “ສະດວກຄົບຄັນ ບໍລິການປະທັບໃຈ”.

     ທ່ານ ເດັ່ນໄຊ ແສງອາລຸນ ຜູ້ບໍລິຫານ ຮ້ານຄ້າຕັງຈະເລີນ TCR Home Store ໄດ້ກ່າວໂອກາດພິທີທາງສາສະໜາໄຂບໍລິການຮ້ານດັ່ງກ່າວເປັນທາງການ ວັນທີ 9 ກັນຍາ 2017 ວ່າ: ຮ້ານຄ້າຕັງຈະເລີນ TCR Home Store ຕັ້ງຢູ່ຖະໜົນເລກທີ 13 ໃຕ້ (ວົງວຽນໃຫຍ່) ບ້ານໄຊສະຫວ່າງ ເມືອງໄຊທານີ ເປັນສາຂາທີ 2 ຂອງກຸ່ມບໍລິສັດ ຕັງຈະເລີນ ແຕ່ເປັນສາຂາທໍາອິດຢູ່ນະຄອນ ຫຼວງວຽງຈັນ ເປັນຮ້ານຈໍາໜ່າຍເຄື່ອງວັດສະດຸ ແລະເຄື່ອງໃຊ້ພາຍໃນເຮືອນຄົບວົງຈອນໝາຍຄວາມວ່າຖ້າຕ້ອງການປຸກສ້າງເຮືອນ ແລະອາຄານສໍານັກງານຕ່າງໆ ແມ່ນສາມາດມາບ່ອນ ດຽວແຕ່ຈະໄດ້ສິນຄ້າແບບຄົບຊຸດການຂະຫຍາຍສາຂາມາສູ່ນະຄອນຫຼວງວຽງຈັນ ກໍ່ເພື່ອແນໃສ່ຕອບສະໜອງຄວາມຕ້ອງການສໍາລັບການພັດທະນາເສດຖະກິດ-ສັງຄົມຂອງນະຄອນຫຼວງວຽງຈັນ ກໍ່ຄື ສປປ ລາວ ທັງເຮັດໃຫ້ປະຊາຊົນມີທາງເລືອກດ້ານສິນຄ້າທີ່ມີຄຸນະພາບຫຼາຍຂຶ້ນແຕ່ລາຄາທີ່ສົມເຫດສົມຜົນ.

     ຂ້າພະເຈົ້າຂໍເຊີນຊວນບັນດາທ່ານເຂົ້າມາສໍາຜັດດ້ວຍຕົນເອງໄດ້ ເຊິ່ງພວກເຮົາເປີດທຸກໆວັນນັບແຕ່ເວລາ 8:00-19:00 ໂມງ ພິເສດໃນໄລຍະໄຂບໍລິການຮ້ານໃໝ່ນີ້ພວກເຮົາມີຂອງແຈກແຖມຫຼາຍລາຍການ ແລະມີການຫຼຸດລາຄາພິເສດ ພ້ອມນີ້ຍັງຈະມີການຈັບສະຫຼາກມອບໂຊກໃຫ້ລູກຄ້າທີ່ມາອຸດໜູນ ເຊິ່ງລາງວັນໃຫຍ່ແມ່ນລົດເກງ MAZDA2 ລົດຈັກ Fino ແລະລາງວັນອື່ນໆ ລວມມູນຄ່າ 500 ລ້ານກີບ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ