ຫ່ວງບັນຫາໄມ້ເຖື່ອນ ນາເພົ້າດ່ານດຽວພົບເກືອບ 50 ຄະດີມີ 100 ກວ່າແມັດກ້ອນ

     ດ່ານສາກົນນາເພົ້າແຂວງຄຳມ່ວນ ແມ່ນດ່ານໜຶ່ງທີ່ມີການບໍລິການສິນຄ້າຜ່ານເປັນເສັ້ນທາງເຊື່ອມຕໍ່ອອກສູ່ຫວຽດນາມທີ່ຢູ່ ລະຫວ່າງກາງຂອງທັງສອງປະເທດອັນເປັນເງື່ອນໄຂເຮັດໃຫ້ເສັ້ນທາງດັ່ງກ່າວມີສິນຄ້າ ເຂົ້າ-ອອກຜ່ານດ່ານນາເພົ້າຢ່າງຫຼວງຫຼາຍ ພຽງ 9 ເດືອນສາມາດເກັບລາຍຮັບໄດ້ 77 ຕື້ກວ່າກີບ ທຽບໃສ່ແຜນການປີ 2017 ເທົ່າກັບ 116% ໄປຄຽງຄູ່ກັນນັ້ນຍັງສະກັດກັ້ນການລັກລອບສົ່ງອອກສິນຄ້າເຖື່ອນຈຳພວກໄມ້ໄດ້ເກືອບ 50 ຄະດີມີ 100 ກວ່າແມັດກ້ອນ.

 

     ທ່ານ ພູເມືອງ ແກ້ວຈັນທະລາ ຫົວໜ້າ ດ່ານພາສີສາກົນນາເພົ້າໃຫ້ສຳພາດຕໍ່ນັກຂ່າວບໍ່ດົນມານີ້ວ່າ: ດ່ານພາສີສາກົນນາເພົ້າປະ ກອບ ມີ 4 ຈຸງານ ແລະ1 ດ່ານປະເພນີທີ່ຂຶ້ນ ກັບຄື: ດ່ານໜອງມ້າ, ປະກອບມີ 2 ຈຸດບໍ ລິການຄື, ຈຸດສາງຫຼັງຄັງເຊິ່ງເປັນຈຸດບໍລິ ການການເກັບລາຍຮັບ ແລະຈຸດຢູ່ຊາຍແດນ ແມ່ນຈຸດແຈ້ງຄົນ, ພາຫະນະສິນຄ້າເຂົ້າ-ອອກສະເພາະປີ 2017 ດ່ານນາເພົ້າແມ່ນໄດ້ ຮັບມອບໝາຍເກັບລາຍຮັບທັງໝົດ 67 ຕື້ກີບ ແຕ່ການຈັດຕັ້ງປະຕິບັດຕົວຈິງ ຊຶ່ງນັບແຕ່ວັນທີ 1 ມັງກອນ ຫາ 30 ກັນຍາສາມາດ ເກັບລາຍຮັບໄດ້ທັງໝົດ 77,81 ຕື້ກີບ ຫຼື ເທົ່າກັບ 116,14% ຂອງແຜນການປີ.

     ສາເຫດທີ່ເຮັດໃຫ້ເກັບລາຍຮັບໄດ້ລື່ນແຜນທ່ານຫົວໜ້າດ່ານພາສີສາກົນນາເພົ້າ  ເປີດເຜີຍວ່າແມ່ນໄດ້ຈາກພາສີການນຳເຂົ້າຈາກນ້ຳມັນເຊື້ອໄຟ, ຄ່າທຳນຽມທີ່ ມີພາຫະນະເຂົ້າ-ອອກເພີ່ມຂຶ້ນ ແລະຄ່າ ບໍລິການອື່ນໆຄາດວ່າໝົດປີ 2017 ດ່ານ ນາເພົ້າຈະເກັບລາຍຮັບໄດ້ທັງໝົດ 86 ຕື້ກີບ ຫຼື ເທົ່າກັບ 129% ຂອງແຜນການ.

     ສຳລັບການຕິດຕາມກວດກາການ ລັກລອບສົ່ງອອກໄມ້ ທ່ານ ພູເມືອງແກ້ວ ຈັນທະລາ ກ່າວຕື່ມວ່າ: ແມ່ນໄດ້ມີການ ຄຸ້ມຄອງຢ່າງເຂັ້ມງວດນັບແຕ່ການແຈ້ງເອກະສານຕ່າງໆ, ການຊັ່ງນ້ຳໜັກສິນ ຄ້າແມ່ນມີການກວດກາລະອຽດລວມ ເຖິງການກວດກາສິນຄ້າດ້ວຍເຄື່ອງເອັກ ສະເລທີ່ທັນສະໄໝ ຊຶ່ງໄລຍະ 9 ເດືອນສາມາດຈັບກຸມການລັກລອບສິນຄ້າຜິດ ກົດໝາຍໄດ້ 49 ຄະດີ ໃນນັ້ນມີຄະດີໄມ້ ຈຳນວນ 47 ຄະດີ, ມີໄມ້ 100 ກວ່າເມັດ ກ້ອນໃນນັ້ນສະສາງແລ້ວ 43 ຄະດີ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ຂ່າວໜ້າໜຶ່ງຍອດນິຍົມ

ໄປເທິງສຸດ