ໂພນໂຮງ ກັກ 3 ຖືກຫາຄ້າຢາບ້າ

     ເຈົ້າໜ້າທີ່ໄດ້ຮັບແຫຼ່ງຂ່າວຈາກພົນລະເມືອງດີວ່າມີການເຄື່ອນໄຫວ, ມົ້ວສຸມຊື້-ຂາຍຢາເສບຕິດປະເພດຢາ ບ້າ ຢູ່ຂອບເຂດບ້ານໂພນໄຊ, ບ້ານໂພນງາມ ແລະບ້ານໃໝ່ ເມືອງໂພນໂຮງ ແຂວງວຽງຈັນ ຈາກນັ້ນຈຶ່ງໄດ້ລົງຕິດຕາມເປົ້າໝາຍຕົກມາຮອດວັນທີ 16 ມີຖຸນາ 2017 ຈ່ຶງສາມາດກັກຕົວເປົ້າໝາຍ ພ້ອມຂອງກາງຢາບ້າ

ໄດ້ ທ້າວລີ ອາຍຸ 29 ປີ ວ່າງງານ ບ້ານໂພນໄຊ ມີຢາບ້າ 37 ເມັດ, ນາງ ແສງມະນີ ຫຼື ຕິກ ອາຍຸ 35 ປີ ວ່າງງານ ຢູ່ບ້ານໂພນງາມ ຖືກກັກຕົວ ຄັ້ງວັນທີ 20 ມີນາ 2017 ຂອງກາງ 36 ເມັດ, ແລະທ້າວ ກີ ພຸດທະວົງ ອາຍຸ 23 ປີ ວ່າງງານ, ຢູ່ບ້ານໃໝ່ ພ້ອມຂອງກາງ 50 ເມັດ ທັງ 3 ຢູ່ເມືອງໂພນໂຮງມາທຳການສືບສວນ-ສອບສວນ.

     ຜ່ານການສືບສວນ-ສອບສວນຂອງ ເຈົ້າໜ້າທີ່ພວກກ່ຽວທັງ 3 ຄົນຮັບສາລະພາບວ່າ: ຈຳນວນຢາບ້າທີ່ເຈົ້າໜ້າທີ່ກວດພົບແມ່ນຂອງພວກຕົນແທ້ ແລະຜ່ານມາ ເຄີຍມີການພົວພັນກັບການຄ້າຂາຍຢາ ບ້າມາແລ້ວຫຼາຍຄັ້ງ ຊຶ່ງປະຈຸບັນເຈົ້າໜ້າ ທີ່ໜວ່ຍງານສະກັດກັ້ນ ແລະຕ້ານຢາເສບຕິດກອງບັນຊາການ ປກສ ເມືອງໂພນໂຮງ ກຳລັງດຳເນີນການສືບສວນ-ສອບສວນ ເພື່ອຂະຫຍາຍຜົນຫາກຸ່ມແກ້ງຮ່ວມ ຂະບວນການມາລົງໂທດຕາມລະບຽບກົດໝາຍບ້ານເມືອງ ເຊິ່ງການກະທຳດັ່ງ ກ່າວແມ່ນໄດ້ສ້າງຄວາມບໍ່ສະຫງົບ ແລະຄວາມບໍ່ເປັນລະບຽບຮຽບຮ້ອຍໃຫ້ແກ່ສັງຄົມ ເຊິ່ງການກະທຳດັ່ງກ່າວຜິດຕໍ່ລະບຽບກົດໝາຍອາຍາມາດຕາ 146 ແຫ່ງ ສປປ ລາວ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ