ແຂວງວຽງຈັນກຽມພ້ອມຕອບໂຕ້ໄພພິບັດ

     ແຂວງວຽງຈັນໄດ້ຈັດຕັ້ງໃຫ້ມີການຝຶກຊ້ອມກຽມ ພ້ອມ ແລະຕອບໂຕ້ໄພພິບັດຂຶ້ນໃນວັນທີ 15-16 ພະຈິກນີ້ ເຊິ່ງມີກຳລັງພົນເຂົ້າຮ່ວມ 200 ຄົນ, ພາຫະນະ ແລະອຸປະກອນຮັບໃຊ້ໃນພາວະເກີດໄພພິບັໃນຍາມສຸກເສີນດ້ວຍການຈຳລອງເຫດ ການວ່າ ມີພາຍຸປາໂດພັດເຂົ້າເມືອງວຽງ ຄໍາເຮັດໃຫ້ນ້ຳງື່ມຍຶ່ງຂຶ້ນບ້ານ, ເຮືອນໄດ້ຮັບຄວາມເສຍຫາຍມີປະຊາຊົນຖືກນໍ້າ ໄຫຼຊຸຈົມນໍ້າ.

 

     ການຝຶກຊ້ອມດັ່ງກ່າວໄດ້ເລີ່ມຂຶ້ນ ດ້ວຍທີ່ພາກສ່ວນກ່ຽວຂ້ອງໄດ້ແຈ້ງ ເຕືອນໄປຍັງຄະນະກຳມະການຄວບຄຸມ ແລະຕອບໂຕ້ໄພພິບັດຂັ້ນແຂວງວ່າ ຈະ ມີພາຍຸພັດເຂົ້າເມືອງວຽງຄຳ ເຊິ່ງຈະສ້າງຄວາມເສຍຫາຍຕໍ່ຊີວິດ ແລະຊັບສິນຂອງປະຊາຊົນ.

     ຫຼັງຈາກນັ້ນພາກສ່ວນກ່ຽວຂ້ອງກໍ່ ໄດ້ຕັ້ງສູນບັນຊາການຂຶ້ນເພື່ອຄວບຄຸມໄພພິບັດໃນນີ້ມີກຳລັງຈາກກອງບັນຊາ ການທະຫານແຂວງ, ກອງບັນຊາການ ປ້ອງກັນຄວາມສະຫງົບ, ພະແນກແຮງ ງານ ແລະສະຫວັດດີການສັງຄົມ, ອົງ ການກາແດງ, ພະແນກໂຍທາທິການ ແລະຂົນສົ່ງ ແລະອື່ນໆ, ມີການຕັ້ງສູນຜູ້ອົບພະຍົບຊົ່ວຄາວມີການຊ່ວຍເຫຼືອບັນ ເທົາທຸກເບື້ອງຕົ້ນການປະຖົມພະຍາບານຂັ້ນຕົ້ນກ່ອນນຳສົ່ງໂຮງໝໍ.

     ດ້ານກຳລັງພາຫະນະປະກອບດ້ວຍລົດເຊອາ4 ຄັນ, ມີລົດດັບເພີງ 2 ຄັນ, ລົກບັນທຸກ, ລົດແຈກນ້ຳ, ເຮືອກູ້ຊີບ, ລົດປະຖົມພະຍາບານ, ລົດຈົກ ແລະອື່ນໆ.

     ໃນພາກສະໜາມຄື ຕາມລຳນໍ້າງື່ມ ໄດ້ການຝຶກຊ້ອມຈຳລອງເຫດການຊ່ວຍ ອົບພະຍົບຜູ້ຕິດຄ້າງຢູ່ເກາະດອນຂອງ ນ້ຳງື່ມບໍລິເວນບ້ານປາກກະຍຸງເມືອງ ວຽງຄຳຈຳນວນ 20 ຄົນ ພ້ອມດ້ວຍ ເຄື່ອງໃຊ້ຄົວເຮືອນຈຳນວນໜຶ່ງ, ຈຸດທີ 2 ມີຜູ້ໄດ້ຮັບບາດເຈັບຫົວແຕກ 1 ຄົນ, ໜ້າຜາກແຕກ 1 ຄົນ, ແຂນຂາຫັກ 1 ຄົນ, ກໍລະນີມີຄົນຕົກນ້ຳ ແລະຈົມນ້ຳສູນຫາຍ 1 ຄົນ ດ້ວຍການນ້ຳໃຊ້ເຮືອລາດ ຕະເວນ ແລະມະນຸດກົບດຳນໍ້າຊອກຄົ້ນ ໃນລຳນໍ້າງື່ມ, ຝຶກຊ້ອມປະຖົມພະຍາບານ ຄົນເຈັບຢູ່ພາກສະໜາມເພື່ອນຳສູ່ໂຮງໝໍໃນກໍລະນີຄົນຈົມນ້ຳຢຸດຫາຍໃຈ 1 ຄົນ, ຜູ້ໜ້າຜາກແຕກ, ແຂນຂາຫັກ 1 ຄົນ, ການບໍລິຫານຄຸ້ມຄອງສູນອົບພະຍົບ,ການແຈກຢາຍເຄື່ອງບັນເທົາທຸກ ແລະອື່ນໆ.

     ເຂົ້າຮ່ວມຊົມການຝຶກຊ້ອມຄັ້ງນີ້ມີ ທ່າຍ ວິີດົງ ໄຊຍະສອນ ເຈົ້າແຂວງແຂວງວຽງຈັນ, ທ່ານ ບຸນສອນ ເພັດລາວັນ ຮອງເຈົ້າແຂວງ, ທ່ານ ປະສົງ ວົງຄຳຈັນ ຫົວໜ້າກົມສັງຄົມສົງເຄາະກະ ຊວງແຮງງງານ ແລະສະຫວັດດີການສັງຄົມແລະຜູ້ສັງເກດການຈາກແຂວງຕ່າງແຂວງຈຳນວນໜຶ່ງ.

     ຂ່າວໃຫ້ຮູ້ອີກວ່າ: ສຳລັບແຂວງ ວຽງຈັນໃນປີ 2017 ນີ້ ໄດ້ຮັບຜົນເສຍຫາຍຈາກໄພພິບັດທາງທຳມະຊາດເປັນວົງເງິນ 1,4 ຕື້ກວ່າກີບ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ