ອົງການອາຫານໂລກ ແລະ ສປຊ ຮ່ວມມືຊຸກຍູ້ສົງເສີມໄວໝຸ່ມຍິງລາວ

     ອົງການອາຫານໂລກ (WFP) ແລະອົງການສະຫະປະຊາຊາດກອງທຶນສຳລັບປະຊາກອນ (UNFPA) ໄດ້ເຊັນສັນຍາຮ່ວມມືສົ່ງເສີມການປຶກສາຫາລື ແລະເພີ່ມການໃຫ້ທຶນຊ່ວຍເຫຼືອ ສປປ ລາວ ໃນດ້ານວຽກງານໄວໜຸ່ມ ເພື່ອເປັນຄູ່ຮ່ວມໃນຂອບແຜນງານນາງນ້ອຍປີ 2030 ພິທີໄດ້ຈັດຂຶ້ນວັນທີ 30 ພະຈິກ 2017 ທີ່ສຳນັກງາອົງການສະຫະປະຊາຊາດ ນະຄອນຫຼວງວຽງຈັນ

ເປັນກຽດເຂົ້າຮ່ວມໂດຍທ່ານນາງ ຊາ ຣາ ກໍດອນກິບສັນ ຫົວໜ້າອຳນວຍການອົງການອາຫານໂລກປະຈຳ ສປປ ລາວ, ທ່ານນາງ ເຟຼເດິຣິກາ ເມເຢີ ຜູ້ຕາງໜ້າ UNFPA ມີບັນດາແຂກທີ່ຖືກເຊີນ ແລະສື່ມວນຊົນເຂົ້າຮ່ວມ.

     ນາງນ້ອຍເປັນຕົວແທນໄວໜຸ່ມຍິງ ຊຶ່ງໄດ້ສ້າງ UNFPA ເພື່ອເປັນຈຸດເລີ່ມຕົ້ນໃນການສົນທະນາກ່ຽວກັບບັນຫາທີ່ໄວໜຸ່ມຍິງຢູ່ ສປປ ລາວ ແລະ ໄຝ່ຝັນ ຢາກໄດ້ຮັບການສຶກສາທີ່ດີ, ໄດ້ຮັບການປິ່ນປົ່ວສຸຂະພາບເວລາເຈັບເປັນ ແລະມີວຽກເຮັດງານທຳ ນອກນັ້ນນາງນ້ອຍ ເປັນຕົວແທນຂອງໄວໜຸ່ມຍິງຈຳນວນ 700,230 ຄົນໃນອາຍຸລະຫວ່າງ 10-19 ປີໃນທົ່ວປະເທດ ໂດຍໄດ້ຮັບການສະໜັບສະໜູນຈາກລັດຖະບານ ແລະຄູ່ຮ່ວມໃຈພັດທະນາຈາກອົງການ ສຳລັບ ສປປ ລາວ ມີອັດຕາການແຕ່ງດອງ ແລະການເກີດລູກໃນໄວໜຸ່ມສູງທີ່ສຸດໃນຂົງເຂດສູງສຸດອາຊຽນ ໃນນັ້ນໜຶ່ງໃນຫາໄວໜຸ່ມຍິງລາວໄດ້ອອກໂຮງຮຽນ ແລະສະແດງອອກວ່າໄວໜຸ່ມຍິງຍັງບໍ່ໄດຮັບການເອົາໃຈໃສ່ຄວາມສຳຄັນການພັດທະນາ, ຄວາມຮູ້ຄວາມສາມາດເທົ່າທີ່ຄວນ.

     ສະນັ້ນ ອົງການອາຫານໂລກໄດ້ໃຫ້ທຶນຊ່ວຍເຫຼືອ 70% ເພື່ອສຸມໃສ່ສ້າງຄວາມເຂັ້ມແຂງໃຫ້ໄວໜຸ່ມຍິງ ແລະເດັກນ້ອຍໃນທົ່ວປະເທດໃຫ້ເປັນທຶນໃນການພັດທະນາ ແລະສ້າງຄວາມເຂັ້ມແຂງຮຽນຮູ້ອະນາຄົດທີ່ດີ. ສຳລັບການຮ່ວມມືເຊັນສັນຍາໃນຄັ້ງນີ້ໄດ້ສະແດງເຖິງ ຄວາມສໍາເລັດຄັ້ງທໍາອິດຂອງການຮ່ວມມືພາຍໃນອົງການສະຫະປະຊາຊາດ ຂອງນາງນ້ອຍ ພ້ອມທັງສະແດງເຖິງ ຄວາມເຂັ້ມແຂງລະຫວ່າງສອງອົງການ ແລະຈະຮ່ວມມືຊຸກຍູ້ວຽກງານໂພສະນາການ, ຄວາມໝັ້ນຄົງດ້ານສະບຽງອາຫານໄປພ້ອມສົ່ງເສີມດ້ານສຸຂະພາບໃຫ້ແກ່ໄວໜຸ່ມຍິງ-ຊາຍລາວໃນທົ່ວປະເທດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ