ມອບ-ຮັບສູນຜະລິດເມັດພັນເຂົ້າປາກແຈ້ງ

     ພິທີມອບ-ຮັບສູນຜະລິດເມັດພັນ ເຂົ້າປາກແຈ້ງໃຫ້ໄປຂຶ້ນກັບກົມສົ່ງເສີມເຕັກນິກ ແລະປຸງແຕ່ງກະສິກຳ ກະຊວງກະສິກຳ ແລະປ່າໄມ້ມີຂຶ້ນໃນວັນທີ 22 ທັນວາ 2017 ທີ່ພະແນກກະສິກຳ ແລະປ່າໄມ້ແຂວງວຽງຈັນ ໂດຍມີທ່ານ ຄຳພູທອນ ເທບສຸພົມ ຫົວໜ້າຫ້ອງວ່າການປົກຄອງ ແຂວງຕາງໜ້າໃຫ້ແຂວງວຽງຈັນເປັນຜູ້ມອບ ແລະທ່ານ ພູມີ ພູມະນີວົງ ຫົວໜ້າກົມສົ່ງເສີມເຕັກນິກ ແລະປຸງແຕ່ງກະສິ ກຳຕາງໜ້າໃຫ້ກະຊວງກະສິກຳ ແລະປ່າໄມ້ເປັນຜູ້ຮັບ.

 

     ການມອບສູນຜະລິດເມັດພັນເຂົ້າປາກ ແຈ້ງໃຫ້ໄປຂຶ້ນກັບກົມສົ່ງເສີມເຕັກນິກ ແລະປຸງແຕ່ງກະສິກຳຄັ້ງນີ້ແມ່ນເປັນການມອບທັງກົງຈັກການຈັດຕັ້ງ, ບຸກຄະລາກອນ, ຫ້ອງການ, ພາຫະນະ, ເຄື່ອງຈັກການກະເສດ ແລະທີ່ດິນ ສຳລັບກະສິກຳພ້ອມນີ້ຍັງໄດ້ມີການແຕ່ງຕັ້ງທ່ານ ສີທວນ ສີດາວົງ ເປັນຫົວໜ້າສູນດັ່ງກ່າວ ຊຶ່ງດຳ ລົງຕຳແໜ່ງປະເພດ 4, ແຕ່ງຕັ້ງຮອງຫົວໜ້າສູນຈຳນວນ 2 ທ່ານດຳລົງຕຳ ແໜ່ງປະເພດ 5 ແລະວິຊາການຈຳນວນໜຶ່ງ ຊຶ່ງສູນແຫ່ງນີ້ໄດ້ສ້າງຕັ້ງຂຶ້ນມາແຕ່ປີ1986 ເຮັດໜ້າທີ່ສະໜອງເມັດພັນເຂົ້າປັບປຸງທີ່ມີຄຸນນະພາບໃຫ້ແກ່ຊາວກະສິກອນ ຊຶ່ງປະຈຸບັນສາມາດຜະລິດເມັດພັນເຂົ້າປາກແຈ້ງຮຸ່ນ I ໄດ້ປີລະ 100 ໂຕນ.

     ທ່ານ ພູວົງ ບຸນຊູຫົວໜ້າພະແນກກະ ສິກຳແລະປ່າໄມ້ແຂວງວຽງຈັນຊີ້ວ່າການມອບ-ຮັບໃນຄັ້ງນີ້ ເປັນການປັບປຸງ ກົງຈັກການຈັດຕັ້ງໄປຕາມທິດຂອງກະຊວງກະສິກຳ-ປ່າໄມ້ເພື່ອປະຕິບັດຕາມ ແນວທາງຂອງພັກເປັນຕົ້ນແມ່ນຕາມທິດຄ້ຳປະກັນສະບຽງອາຫານ ແລະມີສ່ວນ ແຮໄວ້ທັງເປັນການສ້າງໃຫ້ສູນແຫ່ງນີ້ ເປັນສູນລວມດ້ານຄວາມຮູ້ກ່ຽວກັບເຕັກນິກກະສິກຳເພື່ອຖ່າຍທອດໃຫ້ແກ່ຊາວກະສິກອນໃນແຂວງວຽງຈັນ ແລະແຂວງ ອື່ນໆອີກດ້ວຍ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ