ສະພາແຫ່ງຊາດສະຫຼຸບວຽກງານປະຈຳປີ

     ໃນວັນທີ 12 ມັງກອນ 2018, ທີ່ນະຄອນຫຼວງວຽງຈັນ ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານພາຍໃນສະພາແຫ່ງຊາດ ແລະວາງທິດທາງການ ເຄື່ອນໄຫວວຽກງານປະຈຳປີ 2018, ໃຫ້ກຽດເຂົ້າຮ່ວມເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ພ້ອມດ້ວຍຄະນະປະຈຳສະພາແຫ່ງຊາດເຂົ້າຮ່ວມ.

 

     ໃນໂອກາດດັ່ງກ່າວນີ້ ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດໄດ້ ໃຫ້ກຽດໂອ້ລົມ ແລະໃຫ້ທິດຊີ້ນຳໃຫ້ການຈັດຕັ້ງທຸກພາກສວ່ນຕໍ່ກັບການເຄື່ອນ ໄຫວວຽກງານການຕ່າງປະເທດເປັນຕົ້ນການກະກຽມບົດປະກອບຄຳເຫັນ ຂອງການນຳສະພາແຫ່ງຊາດໃນກອງປະຊຸມພາກພື້ນ ແລະສາກົນ, ບົດພົບປະ ແລກປ່ຽນບົດຮຽນຂອງຄະນະຜູ້ແທນຕ່າງປະເທດ, ການກະກຽມຂໍ້ມູນຮັບໃຊ້ ໃຫ້ແກ່ຄະນະຜູ້ແທນຕ່າງປະເທດທີ່ມາຢ້ຽມຢາມ ແລະເຮັດວຽກຢູ່ ສປປ ລາວ ແລະສິ່ງອຳນວຍຄວາມສະດວກອື່ນໆ.

     ທ່ານນາງ ປານີ ຢາທໍ່ຕູ້ ກ່າວຕື່ມ ອີກວ່າ: ການປະສານສົມທົບລະຫວ່າງຄະນະປະຈຳສະພາແຫ່ງຊາດກັບຄະນະພັກສະພາແຫ່ງຊາດໃນການປັບປຸງແບບ ແຜນວິທີນຳພາການເຄື່ອນໄຫວຂອງບັນດາຮາກຖານພັກ, ບັນດາກົມ ແລະອົງການຈັດຕັ້ງລັດທຽບເທົ່າກົມໃຫ້ເຄື່ອນໄຫວຕາມກົດລະບຽບພັກ, ມະຕິຂອງ ກອງປະຊຸມສະພາແຫ່ງຊາດ, ຕໍ່ການຈັດຕັ້ງພັກໃຫ້ແຕ່ລະຮາກຖານພັກອີງໃສ່ກົດລະບຽບພັກໃນການປະຕິບັດໜ້າທີ່ຢ່າງ ເຂັ້ມງວດ, ຕໍ່ກັບບັນດາກົມ ແລະອົງການ ຈັດຕັ້ງລັດທຽບເທົ່າກົມມອບໃຫ້ບັນດາກຳມາທິການ, ຄະນະເລຂາທິການ, ກົງຈັກທີ່ຄະນະປະຈຳສະພາແຫ່ງຊາດເອົາ ໃຈໃສ່ປັບປຸງແບບແຜນວິທີນຳພາ, ວິທີເຮັດວຽກຂອງຂັ້ນກົມໂດຍເລີ່ມຈາກການຍົກສູງຂີດຄວາມສາມາດໃນການ ນຳພາຄຸ້ມຄອງພະນັກງານໃນຂອບເຂດ ຄວາມຮັບຜິດຊອບຂອງແຕ່ລະພາກສ່ວນ ແລະອີງໃສ່ຂໍ້ຕົກລົງວ່າດ້ວຍການຈັດຕັ້ງ ແລະການເຄື່ອນໄຫວຂອງບັນດາກົມ ແລະອົງການຈັດຕັ້ງລັດທຽບເທົ່າກົມ ໃນການຈັດຕັ້ງປະຕິບັດທິດທາງວຽກງານພາຍໃນສະພາແຫ່ງຊາດປະຈຳປີ 2018 ຕາມສິດ ແລະໜ້າທີ່ຂອງແຕ່ລະພາກສ່ວນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ