ສວນອາຫານ, ກີລາ ແລະຣີສອດຫ້ວຍຂຸມຄຳ ສຳເລັດກວ່າ 90% ຈະເປີດຕົ້ນເດືອນໜ້າ

     ສວນອາຫານ, ກີລາ ແລະຣີສອດຫ້ວຍຂຸມຄຳ ທີ່ເຕັມໄປດ້ວຍປ່າໄມ້ ແລະສະຖານທີ່ທຳມະຊາດ 50 ເຮັກຕາທີ່ເຈົ້າຂອງສວນໄດ້ ທຸ້ມເງິນເຖິງ 80 ຕື້ກວ່າກີບ ເນລະມິດເປັນແຫຼ່ງທ່ອງທ່ຽວບ່ອນພັກຜ່ອນ ແລະມີຫຼາກຫຼາຍກິດຈະກຳໃຫ້ໄດ້ທ່ຽວຊົມ ປະຈຸບັນສ້າງສຳເລັດແລ້ວ 90% ແລະຈະເປີດໃຫ້ບໍລິການຢ່າງເປັນທາງການໃນຕົ້ນເດືອນກຸມພານີ້.

 

     ທ່ານ ຄຳສະຫວັນ ລັດຕະ ນະໄຊ ຜູ້ຈັດການສວນອາຫານ, ກີລາ ແລະຣີສອດຫ້ວຍຂຸມຄຳ ໃຫ້ສຳພາດວ່າ: ນັບແຕ່ປີ 2008 ເປັນຕົ້ນມາແມ່ນ ໄດ້ເລີ່ມພັດທະນາສະຖານທີ່ ດັ່ງກ່າວໃຫ້ເປັນສະຖານທີ່ ພັກຜ່ອນ ແລະໄດ້ຄ່ອຍໆປັບ ປຸງເທື່ອລະໜ້ອຍດ້ວຍທຶນ ຂອງເຈົ້າຂອງກິດຈະການ ທັງໝົດ 80 ຕື້ກວ່າກີິບມາ ຮອດປະຈຸບັນສວນອາຫານ, ກີລາ ແລະຣີສອດ ຫ້ວຍຂຸມຄຳ ແມ່ນສ້າງສຳເລັດແລ້ວຫຼາຍກວ່າ 90% ຄາດໃຫ້ບໍລິການຢ່າງເປັນທາງການໃນຕົ້ນ  ເດືອນກຸມພາທີ່ຈະມາເຖິງນີ້, ປະໄດ້ເປີດບໍລິການແບບຍ່ອຍໆໄປນຳແລ້ວສ່ວນໃດສ່ວນໜຶ່ງເປັນຕົ້ນແມ່ນຕູບນັ່ງຫຼິ້ນ, ສັງວຽນໄກ່ຕີ, ຫ້ອງພັກ ແລະການບໍລິ ການອື່ນໆ.

     ສະຖານທີ່ດັ່ງກ່າວແມ່ນມີເນື້ອທີ່ທັງໝົດ 50 ເຮັກຕາ ມີການຈັດສັນເປັນຈຸດໂດຍ ສະເພາະຮ້ານອາຫານ, ເຮືອນພັກ, ຕູບນັ່ງຫຼິ້ນ 31 ຕູບ, ຫ້ອງຄາຣາໂອເກະ, ສັງວຽນໄກ່, ໜອງປາ, ເດີ່ນເປຕັງ, ມີອາຫານຕາມສັ່ງແບບລາວໆ ແລະອື່ນໆ ນອກນັ້ນ ຍັງສາມາດຮອງຮັບການຈັດງານລ້ຽງ, ງານສ້າງສັນ, ງານປະຊຸມ ຕອບສະໜອງໃຫ້ທຸກອົງກອນ ແລະບໍລິສັດຕ່າງໆໄດ້ຫຼາຍຮ້ອຍຄົນ, ໂດຍເນັ້ນຮັກສາສະພາບແວດລ້ອມຂອງຄວາມ ເປັນທຳມະຊາດໄວ້ຢ່າງດີ ຊຶ່ງໄປສະຖານທີ່ດຽວສາມາດຫຼິ້ນ, ກິນ, ມ່ວນ ແລະນອນພັກຜ່ອນໄດ້ແບບສະບາຍ.

     ສວນອາຫານ, ກີລາ ແລະຣີສອດ ຫ້ວຍຂຸມຄຳ ພາຍຫຼັງສ້າງສຳເລັດ ແລະເປີດໃຫ້ບໍລິການແລ້ວຈະມີກິດຈະກຳຫຼາກຫຼາຍເຊັ່ນ: ກີລາເຕະບານ, ເປຕັງ, ສະນຸກເກີ, ສັງວຽນຕີໄກ່, ສັງວຽນງົວຊົນ, ສະໜາມແຂ່ງມ້າ, ສະລອຍນ້ຳ, ແຂ່ງເຮືອ, ໜອງຕຶກເບັດ (ມີປາຫຼາກຫຼາຍຊະນິດ) ຊີງຂັນປະຈຳເດືອນ, ນອກ ຈາກການບໍລິການທີ່ຫຼາກຫຼາຍແລ້ວຍັງ ສາມາດຊ່ວຍໃຫ້ປະຊາຊົນໃກ້ຄຽງມີອາຊີບການງານ, ມີລາຍໄດ້ໄລຍະຍາວ ນັບຫຼາຍສິບຄົນ, ເປັນທຸລະກິດທີ່ສັງຄົມ ມີສ່ວນຮ່ວມທີ່ອະນຸລັກສະພາບແວດລ້ອມທັງສັດລ້ຽງ ແລະຕົ້ນໄມ້ທຳມະຊາດໄປນຳ.

     ທ່ານ ຄຳສະຫວັນ ລັດຕະນະໄຊ ກ່າວຕື່ມວ່າ: ໃນປີທຳອິດທີ່ເປີດໃຫ້ບໍລິການຢ່າງເປັນຄາດຈະດຶງດູດລູກຄ້າເຂົ້າມາສວນອາຫານຫ້ວຍຂຸມຄຳບໍ່ໃຫ້ຫຼຸດ 500 ຄົນ ແລະຈະໃຫ້ເພີ່ມຂຶ້ນໃນແຕ່ລະປີປະມານ 20%, ປະຈຸບັນແມ່ນມີໂປຣໂມເຊິນ ຫຼາກຫຼາຍທ່ານໃດທີ່ສົນໃຈຢາກພັກຜ່ອນແບບທຳມະຊາດກັບອາຫານແບບ ລາວໆ ກໍສາມາດໄປລອງເບີ່ງກັນສະຖານທີ່ສວນອາຫານ, ກີລາ ແລະຣີສອດຫ້ວຍຂຸມຄຳ ຕັ້ງຢູ່ບ້ານດຸງ ເມືອງໄຊເສດຖາ ນະຄອນຫຼວງວຽງຈັນ ໃກ້ກັບ 4 ແຍກໄຟແດງນາຄວາຍເສັ້ນທາງ 450 ປີ ຫຼື ຕິດຕໍ່ໄດ້ທີ່ໝາຍເລກໂທລະສັບ 030 2202 300, 020 5560 4537.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ