ບິກບລູ ຜູ້ຜະລິດ ແລະຕິດຕັ້ງປ້າຍໂຄສະນາປີທ່ອງທ່ຽວລາວ

     ພິທີເຊັນສັນຍາການຜະລິດ ແລະຕິດຕັ້ງປ້າຍໂຄສະນາປີທ່ອງທ່ຽວລາວລະຫວ່າງກະຊວງຖະແຫຼ່ງຂ່າວວັດທະນະທຳ ແລະທ່ອງທ່ຽວ (ຖວທ) ແລະບໍລິສັດ ບິກບູລ ເອເຈນຊີລາວ (ບໍລິສັດ ຟ້າໃຫຍ່ ມີເດຍ ຈຳກັດ) ໄດ້ຈັດຂຶ້ນໃນວັນທີ 12 ມັງກອນ 2018 ທີ່ໂຮງແຮມຄຣາວພຣາຊາ, ນະຄອນຫຼວງວຽງຈັນ

ໃຫ້ກຽດເຂົ້າຮ່ວມເປັນສັກຂີພິຍານຂອງທ່ານ ສະຫວັນຄອນ ຣາຊມົນຕີ ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ, ໂດຍຕາງໜ້າລົງນາມຂອງທ່ານ ສູນ ມະນີວົງສ໌ ຫົວໜ້າກົມໂຄສະນາການທ່ອງທ່ຽວກະຊວງ ຖວທ ແລະທ່ານ ສັນທະລັກ ຈ່າສານ ປະທານ ບໍລິສັດ ບິກບູລ ເອເຈນຊີລາວ, ທ່ານ ນາງ ນັດທະອອນ ມະຫິດທິກຸນ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

     ທ່ານ ສູນ ມະນີວົງສ໌ ໃຫ້ຮູ້ວ່າ: ໂຄງການປີທ່ອງທ່ຽວລາວ 2018 ໄດ້ຈັດຕັ້ງຂຶ້ນເພື່ອເຜີຍແຜ່ແນວທາງນະໂຍບາຍຂອງພັກ-ລັດ ເພື່ອສົ່ງເສີມ ແລະພັດທະນາການທ່ອງທ່ຽວໃຫ້ກາຍເປັນອຸດສາຫະກຳການທ່ອງທ່ຽວທີ່ມີຄວາມເຂັ້ມແຂງ ມີຄວາມສາມາດໃນການແຂ່ງຂັນດ້ວຍການຍົກລະດັບຄຸນນະພາບຂອງການບໍລິການທ່ອງທ່ຽວໃຫ້ເປັນທີ່ປະທັບໃຈ, ຮັບປະກັນຄວາມປອດໄພຂອງນັກທ່ອງທ່ຽວ, ມີການຮອງຮັບມາດຕະການສາກົນ ແລະສົ່ງເສີມການທ່ອງທ່ຽວພາຍໃນປະເທດລາວທ່ຽວລາວເພື່ອຫຼຸດຜ່ອນການຮົ່ວໄຫຼຂອງເງີນຕາອອກໄປຕ່າງປະເທດ ແລະຄວາມສາມາດຮັບຮອງນັກທ່ອງທ່ຽວໃຫ້ນັບມື້ຫຼາຍ

ຂຶ້ນ.

     ສ່ວນ ທ່ານ ສັນທະລັກ ຈ່າສານໄດ້ ກ່າວວ່າ: ບໍລິສັດ ບິກບູລ ເອເຈນຊີລາວ (ບໍລິສັດ ຟ້າໃຫຍ່ ມີເດຍ ຈຳກັດ) ເຊິ່ງເປັນໜຶ່ງໃນບັນດາບໍລິສັດຊັ້ນນໍາຢູ່ລາວ ທາງດ້ານການຜະລິດສື່ໂຄສະນາທີ່ໄດ້ຮັບການແຕ່ງຕັ້ງໃຫ້ເປັນຜູ້ຜະລິດ ແລະ ຕິດຕັ້ງປ້າຍໂຄສະນາດ້ານການທ່ອງທ່ຽວທົ່ວ ສປປ ລາວ, ບໍລິສັດ ເປັນຜູ້ຊະນະການປະມູນ ແລະເພື່ອປະຊາສຳພັນໂຄງການປີທ່ອງທ່ຽວລາວ 2018. ໃນໂຄງການນີ້ທາງບໍລິສັດໄດ້ຮັບງານຜະລິດສື່ໂຄສະນາປະຊາສຳພັນກາງແຈ້ງ ໃນບໍລິເວນຈຸດສໍາຄັນທົ່ວປະເທດ ໂດຍສະເພາະຢູ່ດ່ານສາກົນ, ສະໜາມບິນສາກົນ ແລະຕາມຕົວເມືອງ ລວມທັງໝົດ 50 ປ້າຍ ໂດຍມີກຳນົດໃຫ້ແລ້ວສົມບູນ ພາຍໃນເດືອນກຸມພາ 2018 ນອກຈາກ ນັ້ນບໍລິສັດຍັງມີສ່ວນຮ່ວມໃນການສະໜັບສະໜູນສື່ຕ່າງໆໃນການໂຄສະນາການທ່ອງທ່ຽວລາວຂອງມູນຄ່າ 232 ລ້ານກີບ ເພື່ອສົ່ງເສີມການທ່ອງທ່ຽວລາວໃຫ້ມີການເຕີບໃຫຍ່ຂຶ້ນຢ່າງຕໍ່ເນື່ອງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ