ເປີດໃຊ້ກ້ອງວົງຈອນປິດ ແລະຫ້ອງການຄຸ້ມຄອງລະບົບດາຕ້າເຊັນເຕີ ເມືອງໄຊຍະບູລີ

     ໂຄງການຕິດຕັ້ງລະບົບກ້ອງວົງຈອນປິດ ແລະຫ້ອງຄຸ້ມຄອງລະບົບ  DATA Center (ດາຕ້າເຊັນເຕີ) ເມືອງໄຊຍະບູລີ, ແຂວງໄຊຍະບູລີ ໄດ້ເປີດການນໍາໃຊ້ຢ່າງເປັນທາງການພາຍຫຼັງສໍາເລັດການກໍ່ສ້າງເມື່ອທ້າຍປີ 2017 ຜ່ານມາ,

ເຊິ່ງພິທີມອບ-ຮັບໄດ້ຈັດຂຶ້ນໃນ ຕອນບ່າຍຂອງວັນທີ 17 ມັງກອນ 2018 ທີ່ກອງບັນຊາການ ປກສ ແຂວງໄຊຍະບູລີ, ເຂົ້າຮ່ວມເປັນກຽດມີທ່ານ ເພັງນິລັນ ຄໍາພັນເພັງ ຮອງເຈົ້າແຂວງໆໄຊຍະບູລີ, ທ່ານ ພັອ ຄໍາເກື່ອງ ຜິວວັນນາ ອະດີດຫົວໜ້າກອງບັນຊາການ ປກສ ແຂວງ, ມີຄະນະພັກ-ຄະນະບັນຊາ, ຫົວໜ້າບໍລິສັດ ແລະພະ ແນກການກົມກອງທີ່ກ່ຽວຂ້ອງ.

     ພິທີດັ່ງກ່າວທ່ານ ສະເໜຫາ ບຸບຜາ ຕາງໜ້າບໍລິສັດ ຄໍາປະເສີດ ຄອມພິວເຕີ ຈໍາກັດ ຜູ້ຮັບເໝົາໄດ້ລາຍງານໃຫ້ຮູ້ວ່າ: ໂຄງການຕິດຕັ້ງລະບົບກ້ອງວົງຈອນປິດ ແລະຫ້ອງຄຸ້ມຄອງລະບົບ DATA Center ເມືອງໄຊຍະບູລີ ໄດ້ເລີ່ມລົງມືປະຕິບັດ ນັບແຕ່ວັນທີ 30 ມີນາ 2017 ມາເຖິງ ວັນທີ 10 ທັນວາ 2017 ປະກອບມີ 21 ຈຸດ ກ້ອງວົງຈອນປິດ 40 ໜ່ວຍ ເຊີ່ງຕິດຢູ່ເທສະບານເມືອງໄຊຍະບູລີ ມີມູນຄ່າ ການກໍ່ສ້າງທັງໝົດ28 ຕື້ກວ່າກີບ ໃນນັ້ນໄດ້ແບ່ງເປັນ 2 ໄລຍະຄື: ໄລຍະທີ 1 ມູນຄ່າການກໍ່ສ້າງ 18 ຕື້ກວ່າກີບ ແລະໄລຍະທີສຸດທ້າຍ 10 ຕື້ກວ່າກີບ ເຊິ່ງແມ່ນງົບປະມານລັດ 100% ໂດຍແມ່ນບໍລິສັດ ຄໍາປະເສີດ ຄອມພິວເຕີ ຈໍາກັດເປັນຜູ້ຮັບເໝົາ ແລະກ່າວມອບໂດຍທ່ານ ສະ ເໜຫາ ບຸບຜາ ຕາງໜ້າບໍລິສັດ ຄໍາປະເສີດ ຄອມພິວເຕີ ໃຫ້ກຽດກ່າວຮັບໂດຍທ່ານ ພັອ ຄໍາເກື່ອງ ຜິວວັນນາ ອະດີດຫົວໜ້າກອງບັນຊາການ ປກສ ແຂວງໄຊຍະບູລີ ພ້ອມທັງສະແດງຄວາມຍ້ອງຍໍຊົມເຊີຍຕໍ່ບໍລິສັດທີ່ໄດ້ກໍ່ສ້າງລະບົບກ້ອງວົງຈອນປິດ ແລະຫ້ອງຄຸ້ມຄອງລະບົບ ( DATA Center ) ທີ່ເຮັດສຳເລັດຕາມກຳນົດເວລາ, ເພື່ອຕິດຕາມກວດກາຄວາມເປັນລະບຽບຮຽບຮ້ອຍທາງດ້ານການສັນຈອນ
ແລະຄວາມເປັນລະບຽບຮຽບຮ້ອຍທາງ ສັງຄົມ ພ້ອມນີ້ທ່ານຍັງໄດ້ຮຽກຮ້ອງມາຍັງພະນັກງານ - ວິຊາການ ຈົ່ງພ້ອມກັນເປັນເຈົ້າການໃນການປົກປັກຮັກສາແລະຄຸ້ມຄອງນຳໃຊ້ລະບົບກ້ອງວົງຈອນປິດ ແລະຫ້ອງຄຸ້ມຄອງລະບົບ( DATA Center ) ໃຫ້ເກີດປະໂຫຍດ ແລະນຳໃຊ້ໄດ້ຍາວນານ. ຈາກນັ້ນກໍ່ໄດ້ເຊັນບົດບັນ
ທຶກມອບ - ຮັບໂຄງການດັ່ງກວ່າຢ່າງເປັນ ທາງການ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ