ອາກອນອັດຕະປືຈະເກັບລາຍຮັບໃຫ້ໄດ້ 81,7 ຕື້ກີບ ປີແລ້ວບໍ່ເຖີງແຜນ 41,4%

     ກອງປະຊຸມສະຫຼຸບການຈັດຕັ້ງປະຕິບັດວຽກງານສ່ວຍສາອາກອນທົ່ວແຂວງອັດຕະປືປະຈຳປີ 2017 ແລະວາງທີດທາງແຜນການປີ 2018 ໄດ້ຈັດ ຂື້ນໃນວັນທີ 7 ກຸມພາ 2018 ທີ່ຫ້ອງປະຊຸມສະພາປະຊາຊົນແຂວງ ໂດຍການເປັນປະທານຂອງທ່ານ ຄຳເຜີຍ ໂສມຖາວອນ ຫົວໜ້າພະແນກສ່ວຍສາອາ ກອນປະຈຳແຂວງອັດຕະປື, ມີພະນັກງານພາຍໃນພະແນກສ່ວຍສາອາກອນແຂວງ ແລະຫ້ອງການສ່ວຍສາອາກອນ 5 ເມືອງເຂົ້າຮ່ວມ.

 

     ໃນກອງປະຊຸມໄດ້ຮັບຟັງການຜ່ານບົດສະຫຼຸບການເຄື່ອນໄຫວຈັດຕັ້ງປະຕິບັດວຽກງານຮອບດ້ານປະຈຳປີ 2017 ຊຶ່ງສາມາດຈັດຕັ້ງປະຕິບັດລາຍຮັບໄດ້ 70,20 ຕື້ກີບ ເທົ່າກັບ 58,60% ຂອງແຜນການປີ, ໃນນັ້ນລາຍຮັບສູນກາງປະຕິບັດໄດ້ 472 ລ້ານກວ່າກີບ ເທົ່າກັບ 94,54% ຂອງແຜນການ ແລະລາຍຮັບທ້ອງຖີ່ນປະຕິບັດໄດ້ 69,7 ຕື້ກີບ ເທົ່າກັບ 58,45% ຂອງແຜນການປີ.

     ສຳລັບທິດທາງແຜນການ ແລະມາດຕະການການຈັດຕັ້ງປະຕິບັດໃນປີ 2018 ຂະແໜງສ່ວຍສາອາກອນປະຈຳແຂວງອັດຕະປື ໄດ້ຮັບຕົວເລກການຈັດເກັບລາຍຮັບຈາກກະຊວງການເງີນ 81,7 ຕື້ກີບ ເທົ່າກັບ 68,21% ຂອງແຜນການປີ 2017 ໃນນັ້ນແບ່ງການຄຸ້ມຄອງຈັດເກັບຄື: ແຂວງຄຸ້ມຄອງ 72, 5 ຕື້ກີບ, ເມືອງຄຸ້ມຄອງ 9, 18 ຕື້ກີບ, ເພື່ອເຮັດໃຫ້ການຈັດຕັ້ງປະຕິບັດເກັບລາຍຮັບໃຫ້ບັນລຸຕາມແຜນການຂະແຫນງສ່ວຍສາອາກອນປະຈຳ ແຂວງໄດ້ມີການກຳນົດທິດທາງວິທີການ ແລະມາດຕະການຄື: ຕ້ອງໄດ້ເຂັ້ມງວດການສືກສາອົບຮົມສະມາຊິກພັກພະນັກງານ-ລັດຖະກອນ ຢ່າງປົກກະຕິ ຢຶດໝັ້ນຄວາມຊື່ສັດບໍລິສຸດໂປ່ງໃສ, ປະຕິບັດລະບຽບວິໃນການເງິນຢ່າງ ເຂັ້ມງວດ ແລະນໍາໃຊ້ມາດຕະການເດັດຂາດຕໍ່ຜູ້ກະທຳຜີດ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ