ດອນຈັນພາເລດໂຮງແຮມແຖວໜ້າເມືອງລາວກຽມພ້ອມທຸກດ້ານຮອງຮັບປີທ່ອງທ່ຽວ

   ດອນຈັນພາເລດ ໜຶ່ງໂຮງແຮມລະດັບລະແຖວໜ້າຂອງປະເທດລາວມີສະຖານທີ່ກວ້າງ ຂວາງຮອງຮັບແຂກຈຳນວນຫຼາຍໄດ້ຢ່າງສະດວກສະບາຍທີ່ຮັບປະກັນຄືຄຸນນະພາບໄດ້ມາດຖານລະດັບ 5 ດາວ ຊຶ່ງຜ່ານມາລູກຄ້າໃຫ້

ຄວາມ ໄວ້ວາງໃຈ ແລະມາໃຊ້ບໍລິການເພີ່ມ ຂຶ້ນທຸກໆປີ ຂະນະທີ່ປະຈຸບັນໂຮງແຮມກຳລັງເລ່ັງປັບປຸງຫຼາຍດ້ານເພື່ອຮອງຮັບແຂກທັງພາຍໃນ ແລະຕ່າງປະເທດທີ່ຈະເຂົ້າມາໃນປີທ່ອງທ່ຽວລາວ 2018 ທັງນີ້ຜູ້ອຳນວຍການໂຮງແຮມຄາດວ່າ ລູກຄ້າຈະມາໃຊ້ບໍລິການເພີ່ມຂຶ້ນ 50% ເມື່ອທຽບໃສ່ປີກ່ອນ.

   ເມື່ອບໍ່ດົນມານີ້ ທ່ານ ຢາງຟູນິງ ຜູ້ອຳນວຍການໂຮງແຮມດອນຈັນພາເລດໃຫ້ສຳພາດຕໍ່ນັກຂ່າວໜັງສືພິມເສດຖະກິດ-ສັງຄົມວ່າ: ໂຮງແຮມດອນຈັນພາເລດ ເປີດໃຫ້ບໍລິ ການລູກຄ້າມາເປັນເວລາ 14 ປີແລ້ວ ເປັນຕົ້ນ  ແມ່ນບໍລິການດ້ານທີ່ພັກແຂກພາຍໃນ ແລະ ຕ່າງປະເທດທີ່ເຂົ້າມາໃຊ້ບໍລິການ ນອກນີ້ຍັງມີ ການຈັດກອງປະຊຸມ, ງານລ້ຽງຕ່າງໆຊຶ່ງຜ່ານ ການບໍລິການນັບແຕ່ເລີ່ມຕົ້ນມາຈົນຮອດປະຈຸບັນຖືວ່າມີຄວາມເພິ່ງພໍໃຈ ລູກຄ້າເຂົ້າມາໃຊ້ ບໍລິການເພີ່ມຂຶ້ນທຸກໆປີ ໂດຍລູກຄ້າຕ່າງປະ ເທດສ່ວນຫຼາຍແມ່ນມາຈາກ ສປ ຈີນ.

   ຕະຫຼອດໄລຍະຜ່ານມາໃນການບໍລິການນັກທ່ອງທ່ຽວທາງໂຮງແຮມແມ່ນໄດ້ມີການທຸ້ມ ເທທັງແຮງກາຍ ແລະແຮງໃຈຕໍ່ລູກຄ້າດີພໍສົມຄວນ ໂດຍເນັ້ນການບໍລິ ການໃຫ້ໄດ້ມາດຖານບວກກັບປະສົບ ການຕ້ອນຮັບຈັດກອງປະຊຸມຕ່າງໆ ທີ່ຫຼາຍປະເທດເຂົ້າມາຮ່ວມຈັດກອງປະ ຊຸມ ຈຶ່ງເຮັດໃຫ້ປີນີ້ທາງໂຮງແຮມໄດ້ຮັບລາງວັນດີເດັ່ນລະດັບອາຊຽນ ແລະຜ່ານມາກໍ່ໄດ້ຮັບອີກຫຼາຍໆລາງວັນໃຫຍ່ໆໃນປະເທດລາວທີ່ແຕ່ລະກະຊວງມອບໃຫ້.

   ແນວໃດກໍດີ ເພື່ອເປັນການກະກຽມ ຄວາມພ້ອມຮອງຮັບແຂກມາພັກເຊົາ ໃນປີ 2018 ຊຶ່ງເປັນປີທ່ອງທ່ຽວລາວກ່ອນໜ້ານີ້ທາງໂຮງແຮມໄດ້ມີການກະ ກຽມທຸກດ້ານ ໂດຍສະເພາະຫ້ອງພັກໄດ້ ມີການປັບປຸງໃຫ້ມີຄວາມໂດດເດັ່ນຂຶ້ນ ສ່ວນອາຫານ ແລະການບໍລິການຂອງ ພະນັກງານກໍມີການປັບປຸງໃຫ້ມີມາດ ຖານຂຶ້ນສົມກັບເປັນໂຮງແຮມລະດັບ 5 ດາວ ສຳລັບເລື່ອງອາຫານມີບໍລິການ 2 ຢ່າງຄື ອາຫານລາວ ແລະຈີນ ນອກ ຈາກນີ້ຍັງຊອກວິທີໃຫ້ບໍລິການອາຫານ ທຸກປະເທດທີ່ລູກຄ້າຕ້ອງການ ໂດຍໃນປີທ່ອງທ່ຽວລາວນີ້ທາງໂຮງແຮມມີສ່ວນ ຫຼຸດພິເສດໃຫ້ກັບແຂກທີ່ມາໃຊ້ບໍລິການ ແລະຄາດວ່າປີນີ້ຈະເພີ່ມຂຶ້ນ 50% ເມື່ອ ປຽບທຽບໃສ່ປີ 2017.

   ທ່ານຜູ້ອຳນວຍການໂຮງແຮມດອນ ຈັນພາເລດ ໃຫ້ຮູ້ຕື່ມວ່າ: ເພື່ອເປັນການ ຕອບແທນລູກຄ້າທີ່ໃຫ້ຄວາມເຊື່ອໝັ້ນ ແລະໄວ້ວາງໃຈມາໃຊ້ບໍລິການ ເນື່ອງໃນ ໂອກາດບຸນປີໃໝ່ພີ່ນ້ອງຊາວຈີນໃນວັນທີ 15 ກຸມພາ 2018 ນີ້ທາງໂຮງແຮມ ແມ່ນຈະສ້າງໃຫ້ມີຫຼາກຫຼາຍກິດຈະກຳ ເປັນຕົ້ນແມ່ນການຈົກສະຫຼາກມອບລາງ ວັນໃຫ້ແກ່ລູກຄ້າໄດ້ມີບັນຍາກາດຄຶກ ຄື້ນ ແລະມີຄວາມເບີກບານມ່ວນຊື່ນຕະຫຼອດການພັກເຊົາ.

   ໂຮງແຮມດອນຈັນພາເລດແມ່ນເປັນ ໂຮງແຮມທີ່ມີອາຄານສູງກວ່າໝູ່ໃນປະ ເທດລາວ ລວມທັງໝົດ 14 ຊັ້ນຢູ່ຕັ້ງຕິດ ແຄມຂອງນະຄອນຫຼວງວຽງຈັນ ສາມາດເບິ່ງເຫັນທີວທັດທີ່ສວຍງາມຂອງຕົວ ເມືອງບວກກັບສະຖານທີ່ກວ້າງຂວາງ,  ມີ 215 ຫ້ອງໄວ້ຮອງຮັບແຂກ ໄດ້ 2 ພັນກວ່າຄົນ ພິເສດທາງໂຮງແຮມຍັງມີຫ້ອງສະເພາະຮັບແຂກລະດັບຜູ້ນຳຂັ້ນ ສູງ ຊຶ່ງປະຈຸບັນນີ້ ທັງໝົດໂຮງແຮມສາ ມາດສ້າງວຽກເຮັດງານທຳໃຫ້ກັບປະ ຊາຊົນໄດ້ທັງໝົດ 370 ຄົນ ໃນນັ້ນ ຄົນ ລາວກວມ 80%.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ