ຍີ່ປຸ່ນຊ່ວຍທຶນປັບປຸງໂຮງໝໍ 2 ແຫ່ງ

    ວັນທີ 9 ກຸມພາ 2018 ໄດ້ຈັດພິທີເຊັນສັນຍາຊ່ວຍເຫຼືອລ້າຂອງໂຄງການປັບປຸງໂຮງໝໍເຊດຖາທິລາດ ແລະໂຮງໝໍແຂວງຈໍາປາສັກ ມູນຄ່າ 17,7 ລ້ານໂດລາ ຫຼື ປະມານ 141,6 ຕື້ກີບ ຂຶ້ນທີ່ສຳນັກງານນາຍົກລັດຖະມົນຕີ

 

    ນະຄອນຫຼວງວຽງຈັນ ລະຫວ່າງທ່ານ ທາເຄຊິ ຮິຄິຮາຣະ ເອກອັກຄະຣາຊະທູດ ຍີ່ປຸ່ນປະຈຳລາວ ແລະທ່ານ ນາງ ຄຳເພົາ ເອີນທະວັນ ຮອງລັດຖະມົນຕີກະຊວງ ການຕ່າງປະເທດ ໂດຍມີທ່ານ ອາລຸນ ແກ້ວກິດຕິຄຸນ ລັດຖະມົນຕີປະຈຳສຳນັກ ງານນາຍົກລັດຖະມົນຕີ ແລະທ່ານທີ່ປຶກສາພິເສດຂອງນາຍົກລັດຖະມົນຕີຍີ່ປຸ່ນ ພ້ອມດ້ວຍພາກສ່ວນກ່ຽວຂ້ອງໃຫ້ກຽດເຂົ້າຮ່ວມ.

    ໃນແຜນພັດທະນາເສດຖະກິດ-ສັງ ຄົມ ຄັ້ງທີ 8 ລັດຖະບານ ສປປ ລາວ ໄດ້ ຖືເອົາຂະແໜງສາທາລະນະສຸກເປັນຂະ ແໜງການໜຶ່ງທີ່ມີຄວາມສຳຄັນ ແລະ ການປັງປຸງບໍລິຫານທາງດ້ານສາທາ ລະນະສຸກຍັງເປັນຂະແໜງບຸລິມະສິດໃນແຜນພັດທະນາຂະແໜງສາທາລະນະສຸກ 2016-2020 ຄັ້ງທີ 8 ນອກຈາກນີ້ກະ ຊວງສາທາລະນະສຸກຍັງມີແຜນສົ່ງ ເສີມການຈັດຕັ້ງ “ແຜນປະຕິຮູບຂະແໜງ ສາທາລະນະສຸກ” ໂດຍຕັ້ງເປົ້າໝາຍ ການບັນລຸການປະກັນສຸຂະພາບທຸກ ທົ່ວໜ້າ (Uniersal Helth Coverag: UHC) 2025.

    ສຳລັບໂຮງໝໍເຊດຖາທິລາດເຊິ່ງ ເປັນໜຶ່ງໃນ 5 ໂຮງໝໍທີ່ນະຄອນຫຼວງ ວຽງຈັນ ແລະໄດ້ຮັບການສ້າງຕັ້ງຂຶ້ນ ໂດຍການຊ່ວຍເຫຼືອລ້າຈາກປະເທດຍີ່ ປຸ່ນໃນປີ 2000 ກໍ່ແມ່ນໜຶ່ງໃນໂຮງໝໍທີ່ຕົກຢູ່ໃນກຸ່ມເປົ້າໝາຍໂຄງການດັ່ງກ່າວ ໃນປີຜ່ານມາສິ່ງອຳນວຍຄວາມສະດວກ ຕ່າງໆແມ່ນມີສະພາບທີ່ຊຸບໂຊມເນື່ອງ ຈາກວ່າຜ່ານການໃຊ້ງານມາເປັນເວລາ ດົນນານ ພ້ອມດຽວກັນນັ້ນຜູ້ປ່ວຍກໍ່ມີ ຈຳນວນຫຼາຍຂຶ້ນພາໃຫ້ການວິນິດໄສ ແລະການປົກປັກຮັກສາປະສົບຄວາມ ຫຍຸ້ງຍາກ ສ່ວນໂຮງໝໍຈຳປາສັກແມ່ນຕັ້ງຢູ່ໃນເມືອງປາກເຊ ແລະໄດ້ຮັບການ ບໍລິການດ້ານການແພດທຽບເທົ່າກັບ ລະດັບໂຮງໝໍໃຫຍ່ແນວໃດກໍ່ຕາມເຄື່ອງມືທີ່ທັນສະໄໝແມ່ນມີຄວາມຈຳເປັນໃນການຮັບມີຈຳນວນເຫດສຸກເສີນ ແລະ ການຜ່າຕັດທີ່ເພີ່ມຂຶ້ນ ແລະຄາດວ່າໂຄງ ການດັ່ງນີ້ຈະສາມາດຊ່ວຍເຫຼືອລັດຖະ ບານລາວຍົກລະດັບການບໍລິການດ້ານແພດໃຫ້ດີຂຶ້ນ. 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ