ປກສ ຊ່ວຍຜູ້ປະສົບໄພພິບັດຫວຽດນາມ 90 ລ້ານກວ່າກີບ

   ເພື່ອປະກອບສ່ວນໃນການຊ່ວຍ ເຫຼືອຜູ້ປະສົບເຄາະຮ້າຍ ຈາກໄພພິບັດ ພະຍຸໝາຍເລກ 12 (ດຳເຣ) ຢູ່ພາກ ກາງ ແລະພາກໃຕ້ຂອງ ສສ ຫວຽດ ນາມໃນປີຜ່ານມາ, ກະຊວງປ້ອງກັນ ຄວາມສະຫງົບ (ປກສ) ຈຶ່ງໄດ້ລະດົມ ທຶນ

ສົມທົບຈຳນວນ 90 ລ້ານກວ່າກີບ, ຊຶ່ງພິທີມອບ-ຮັບ ຈັດຂຶ້ນໃນວັນທີ 9 ກຸມພາ 2018, ທີ່ກະຊວງແຮງງານ ແລະສະຫວັດດີການສັງຄົມ (ຮສສ), ໂດຍຕາງໜ້າມອບຂອງທ່ານ ພັອ ອານຸ ເດດ ຄູນຄຳ ຮອງຫົວໜ້າຫ້ອງວ່າການ ກະຊວງ ປກສ ແລະຕາງໜ້າຮັບແມ່ນ ທ່ານ ລີປ່າວ ຢ່າງ ຫົວໜ້າຫ້ອງການ ກະຊວງ ຮສສ, ພ້ອມດ້ວຍຄະນະທັງ ສອງຝ່າຍເຂົ້າຮ່ວມ.

    ທ່ານ ພັອ ອານຸເດດ ຄູນຄຳ ກ່າວວ່າ: ພາຍຫຼັງທີ່ໄດ້ຮັບຂ່າວວ່າ ສສ ຫວຽດນາມ ໄດ້ຮັບເຄາະຮ້າຍຈາກໄພພິບັດພະ ຍຸໝາຍເລກ 12(ດຳເຣ) ຢູ່ພາກກາງ ແລະພາກໃຕ້, ພ້ອມກັບການໄດ້ຮັບແຈ້ງ ການຈາກໜ່ວຍງານທີ່ກ່ຽວຂ້ອງ, ທາງ ກະຊວງ ກໍໄດ້ຮ່ວມກັນລະດົມທຶນຈາກບັນດາກົມກອງອ້ອມຂ້າງກະຊວງກຳລັງປ້ອງກັນຄວາມສະຫງົບເພື່ອທີ່ຈະປະກອບສ່ວນຊ່ວຍເຫຼືອຜູ້ໄດ້ຮັບເຄາະຮ້າຍ ແລະໄດ້ນຳມາມອບໃນເທື່ອນີ້, ຊຶ່ງລວມ ເປັນເງິນ 94,46 ລ້ານກວ່າກີບ, ພ້ອມ ກັບເງິນສະກຸນດົງ ຈຳນວນ 5 ແສນດົງ.

   ທ່ານ ລີປ່າວ ຢ່າງ ກ່າວວ່າ: ໃນ ນາມກະຊວງ ຮສສ, ກ່ອນອື່ນກໍສະແດງ ຄວາມຂອບໃຈມາຍັງຫ້ອງວ່າການກະຊວງ ປກສ, ທີ່ໄດ້ລະດົມທຶນສົມທົບຈາກ ບັນດາກົມກອງອ້ອມຂ້າງ ເພື່ອປະກອບ ສ່ວນຊ່ວຍຜູ້ເຄາະຮ້າຍໃນເທື່ອນີ້, ດັ່ງທີ່ ຮູ້ແລ້ວວ່າ ໃນເດືອນພະຈິກ 2017 ຜ່ານ ມາ, ໄດ້ມີພະຍຸໝາຍເລກ 12 (ດຳເຣ) ໄດ້ພັດຜ່ານເຂົ້າເຂດພາກກາງ ແລະພາກ ໃຕ້ ຂອງ ສສ ຫວຽດນາມ, ຊຶ່ງເຮັດໃຫ້ປະ ຊາຊົນ ສສ ຫວຽດນາມ ໄດ້ຮັບຜົນກະ  ທົບຢ່າງໜັກໜ່ວງບໍ່ວ່າຈະເປັນເຮືອນ ຊານບ້ານຊ່ອງ, ບ່ອນທຳມາຫາກິນ ແລະ ອື່ນໆ, ດັ່ງນັ້ນລັດຖະບານເຮົາຈຶ່ງໄດ້ມອບ ໝາຍໃຫ້ກະຊວງ ຮສສ ເປັນໃຈກາງໃນ ການປຸກລະດົມການບໍລິຈາກ ຈາກບັນ ດາຂະແໜງການ, ກົມກອງ, ບັນດາບໍລິ ສັດຫ້າງຮ້ານ ເພື່ອປະກອບສ່ວນວັດຖຸ ປັດໄຈ ແລະທຶນຮອນຕ່າງໆ ເພື່ອນຳໄປ ຊ່ວຍເຫຼືອ, ໂດຍໄລຍະຜ່ານມາ ກໍໄດ້ນຳ ໄປມອບໃຫ້ກັບສະຖານທູດແລ້ວເປັນ ຈຳນວນ 166 ລ້ານກວ່າກີບ, ແຕ່ເຖິງ ຢ່າງໃດກໍຕາມ ພວກເຮົາໃນນາມກະ ຊວງກໍຍັງສືບຕໍ່ຮັບບໍລິຈາກຢູ່ຫາກໜ່ວຍ ງານໃດ, ຂະແໜງໃດ ຫຼື ກົມກອງໃດ ຢາກມາຮ່ວມບໍລິຈາກກໍສາມາດມາໄດ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ