ກະຊວງການເງິນຕິດຕາມການສຳຫຼວດຫົວໜ່ວຍທຸລະກິດ 4 ເມືອງໃນນະຄອນຫຼວງ

     ໃນທ້າຍອາທິດຜ່ານມາ, ຄະນະນຳກະຊວງການເງິນນຳໂດຍທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ແລະທ່ານ ບຸນເຫຼືອ ສິນໄຊວໍຣະ ວົງ ຫົວໜ້າກົມນະໂຍບາຍການເງິນ ແລະນິຕິກຳກະຊວງການເງິນ, ພ້ອມດ້ວຍຄະນະໄດ້ເຄື່ຶອນໄຫວຕິດຕາມຄວາມຄືບໜ້າໃນການເດີນສຳ ຫຼວດບັນດາຫົວໜ່ວຍທຸລະກິດ 4 ເມືອງນະຄອນຫຼວວຽງຈັນ

ໂດຍການຕ້ອນຮັບ ແລະລາຍງານຂອງທ່ານນາງ ຖະໜອມຈິດ ບໍລະວົງ ຕາງໜ້າສູນສະຖິຕິເມືອງຈັນທະບູລີ, ມີຕາງໜ້າຈາກສູນສະຖິຕິແຫ່ງຊາດກະຊວງແຜນການ ແລະການລົງທຶນ, ພ້ອມດ້ວຍນັກເດີນສຳຫຼວດ ເຂົ້າຮ່ວມ.

     ທ່ານນາງ ຖະໜອມຈິດ ບໍລະວົງ  ໄດ້ລາຍງານໃຫ້ຮູ້ວ່າ: ການເດີນສຳ ຫຼວດໃນຄັ້ງນີ້, ແມ່ນໄດ້ຮັບການຮ່ວມມື ຈາກບັນດາຫົວໜ່ວຍທຸລະກິດ, ຄະນະ ບ້ານແຕ່ລະບ້ານຕິດຕາມຢ່າງໃກ້ຊິດ ແລະໄດ້ນຳໃຊ້ອຸປະກອນທີ່ທັນສະໄໝ ເຂົ້າໃນການຕິດຕັ້ງຂອງຮ້ານ (GPS) ແລະບັນທຶກຂໍ້ມູນລະອຽດຂອງຮ້ານ. ສະເພາະເມືອງຈັນທະບູລີໄດ້ເລີ່ມການ ສຳຫຼວດມາແຕ່ວັນທີ 5 ກຸມພາ 2018 ມີທັງໝົດ 30 ບ້ານ ແລະໄດ້ສຳເລັດ ເບື້ອງຕົ້ນການເດີນສຳຫຼວດ 3 ບ້ານຄື: ບ້ານໜອງປີງມີທັງໝົດ 71 ຫົວໜ່ວຍ, ບ້ານບໍ່ນາງົວ 45 ຫົວໜ່ວຍ ແລະບ້ານ ຫ້ວຍຫົງໄດ້ 200 ກວ່າຫົວໜ່ວຍ, ສ່ວນບັນດາບ້ານຕ່າງໆພາຍໃນເມືອງຈັນທະບູລີຄາດວ່າຈະໃຫ້ສໍາເລັດພາຍໃນວັນທີ 10 ມີນາ 2018.

     ໃນວັນດຽວກັນ, ຄະນະນຳກະຊວງ ການເງິນຍັງໄດ້ໄປຕິດຕາມລະບົບຂໍ້ມູນ ຢູ່ສູນສະຖິຕິແຫ່ງຊາດເພື່ອເບິ່ງການບັນທຶກຂໍ້ມູນໃນການເດີນສໍາຫຼວດຂອງໜ່ວຍປະຕິບັດງານຢູ່ພາກສະໜາມເພື່ອຄວາມຖືກຕ້ອງຊັດເຈນຄົບຖ້ວນ ແລະຕິດຕາມການເພີ່ມຂຶ້ນຫຼຸດລົງຂອງຫົວໜ່ວຍທຸລະກິດ ແລະບັນຫາອື່ນໆ...ໂຄງການເດີນສໍາຫຼວດຫົວໜ່ວຍທຸລະກິດຢູ່ 4 ເມືອງ ໃນນະຄອນຫຼວງວຽງຈັນຄື: ເມືອງຈັນທະບູລີ, ເມືອງສີສັດຕະນາກ, ເມືອງສີໂຄດຕະບອງ ແລະເມືອງໄຊເສດຖາເປັນໂຄງການສໍາຫຼວດເກັບກຳຂໍ້ມູນທີ່ສໍາຄັນ ແລະຖືເປັນໂຄງການໂຕແບບຂອງລັດຖະບານໃນການເພີ່ມຄວາມໂປ່ງໃສ ແລະອັດການຮົ່ວໄຫຼຂອງລາຍຮັບ, ຫັນເອົາລະບົບຂໍ້ມູນຖານລາຍຮັບເຂົ້າສູ່ການຄຸ້ມຄອງດ້ວຍເຄື່ອງມືທັນສະໄໝສາມາດ ເຊື່ອມໂຍງກັນໄດ້ໃນຂອບເຂດທົ່ວປະ ເທດ ແລະຫັນເອົາການຊຳລະພັນທະພາສີ-ອາກອນ ແລະຄ່າທຳນຽມຕ່າງໆ ຜ່ານລະບົບທະນາຄານ.

     ຈຸດປະສົງໃນການສຳຫຼວດເກັບກຳຫົວໜ່ວຍທຸລະກິດໃນຄັ້ງນີ້, ແມ່ນເພື່ອ ຄວາມຖືກຕ້ອງຄົບຖ້ວນຕາມຕົວຈິງ ແລະສອດຄ່ອງກັບຄວາມເປັນຈິງໃນເງື່ອນໄຂການຂະຫຍາຍຕົວຂອງເສດຖະກິດ ໃນປະຈຸບັນ, ເປັນການເກັບກຳຖານຂໍ້ ມູນເພື່ອສືບຕໍ່ພັດທະນາລະບົບການຊຳລະພັນທະອາກອນ ແລະຄ່າທຳນຽມ ຕ່າງໆຜ່ານລະບົບທະນາຄານໃຫ້ສົມບູນ ໃນອະນາຄົດ ແລະທັງເປັນການສືບຕໍ່ຈັດຕັ້ງຜັນຂະຫຍາຍຄຳສັ່ງຂອງທ່ານນາຍົກລັດຖະມົນຕີສະບັບເລກທີ 40/ນຍ, ລົງວັນທີ 29 ກັນຍາ 2016 ກ່ຽວກັບການລົງເກັບກຳ ແລະສຳຫຼວດຖານລາຍຮັບງົບປະມານຄືນໃໝ່ໃນຂອບເຂດທົ່ວປະເທດໃຫ້ສໍາເລັດຜົນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ