ສສຂ ຄຳມ່ວນລົງເຜີຍແຜ່ຜົນສຳເລັດ 2 ກອງປະຊຸມ

     ໃນລະຫວ່າງວັນທີ 6-7 ກຸມພາ 2018 ຜ່ານມານີ້ ທ່ານ ສົມໃຈ ເພັດສີນວນ ປະທານສະພາປະຊາຊົນແຂວງ, ສະມາຊິກສະພາປະຊາຊົນແຂວງປະຈຳ ເຂດເລືອກຕັ້ງເມືອງບົວລະພາ,

ພ້ອມດ້ວຍທ່ານ ເພັດສະໝອນ ພອນວິໄລສັກ ແລະທ່ານນາງ ກົງໃຈ ໄຊປັນຍາ ສະມາຊິກສະພາປະຊາຊົນແຂວງປະຈຳ ເຂດເລືອກຕັ້ງ ເມືອງບົວລະພາ ໄດ້ເຄື່ອນ ໄຫວເຜີຍແຜ່ກ່ຽວກັບຜົນສຳເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ VIII ແລະຜົນສຳເລັດຂອງກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງຄຳມ່ວນຊຸດທີ I ການເຄື່ອນໄຫວເຜີຍແຜ່ຜົນສຳເລັດສອງການປະຊຸມຢູ່ເມືອງບົວລະພາຄັ້ງນີ້ລວມມີ 2 ຈຸດຄື: ສະໂມສອນຂອງເມືອງບົວລະພາ ແລະບ້ານໜອງມ້າ ຊຶ່ງມີພະນັກງານ, ທະຫານ, ຕຳຫຼວດ, ບັນດາຫ້ອງການຕ່າງໆ, ອຳນາດການປົກຄອງບ້ານ ແລະປະຊາຊົນບັນດາເຜົ່າພາຍໃນບ້ານອ້ອມຂ້າງຮ່ວມຮັບຟັງ.

     ໃນໂອກາດດັ່ງກ່າວ ທ່ານ ສົມໃຈ ເພັດສີນວນ ແລະທ່ານ ດຣ ເພັດສະໜອນ ພອນວິໄລສັກ ໄດ້ຜັດປ່ຽນກັນຂຶ້ນເຜີຍແຜ່ຜົນສຳເລັດຂອງກອງປະຊຸມເຊິ່ງທ່ານ ໄດ້ຍົກໃຫ້ເຫັນຄາດໝາຍສູ້ຊົນຂອງລັດຖະບານເປັນຕົ້ນແມ່ນຄາດໝາຍເສດຖະກິດມະຫາພາກ ລວມຍອດພະລິດຕະພັນ ພາຍໃນຂະຫຍາຍຕົວເພີ່ມຂຶ້ນໃນລະດັບ 7% ດ້ວຍມູນຄ່າ 149.47 ຕື້ກີບ ຫຼື ເທົ່າກັບ 17.794 ລ້ານໂດລາ, ສະເລ່ຍຫົວຄົນ 21.3 ລ້ານກີບ ຫຼື ເທົ່າກັບ 2.536 ໂດລາ, ດ້ານໂຄງປະກອບເສດຖະກິດ, ດ້ານງົບປະມານ, ດ້ານເງິນຕາ, ດ້ານການດຸ່ນດ່ຽງແຮງງານ, ຄາດໝາຍແຫຼ່ງທຶນເພື່ອການພັດທະນາ, ຄາດໝາຍດ້ານ ວັດທະນະທຳ-ສັງຄົມ, ຂະແໜງສາທາລະນະສຸກ, ຂະແໜງແຮງງານ ແລະສະຫວັດດີການສັງຄົມ, ຂະແໜງຖະແຫຼງຂ່າວ-ວັດທະນະທຳ ແລະທ່ອງທ່ຽວ, ຄາດໝາຍດ້ານຊັບພະຍາກອນທຳມະຊາດ ແລະສິ່ງແວດລ້ອມ, ວຽກງານອົງການກວດສອບແຫ່ງລັດ ແລະອົງການກວດກາລັດຖະບານ, ວຽກງານສານປະຊາຊົນສູງສຸດ, ອົງການໄອຍະການປະຊາຊົນສູງສຸດ ແລະກະຊວງຍຸຕິທຳ, ວຽກງານສະພາແຫ່ງຊາດໄດ້ພິຈາລະນາ ແລະຮັບຮອງເອົາຖານສ້າງ ແລະປັບປຸງກົດໝາຍໃນຂົງເຂດເສດຖະກິດ-ສັງຄົມ ແລະຂົງເຂດປົກປ້ອງກົດໝາຍ ຈຳນວນ 15 ສະບັບ, ໃນນັ້ນ ກົດໝາຍສ້າງໃໝ່ 8 ສະບັບ, ຂົງເຂດວຽກງານໂຍທາທິການ ແລະຂົນສົ່ງ, ຂົງເຂດວຽກງານພາຍໃນ, ຂົງເຂດວຽກງານປ້ອງກັນຄວາມສະຫງົບ, ຂົງເຂດວຽກງານພະລັງງານ ແລະບໍ່ແຮ່ ແລະຂົງເຂດວຽກງານການເງິນ.

     ທາງດ້ານຜົນສຳເລັດ ກອງປະຊຸມ ສະໄໝສະມັນເທື່ອທີ 4 ຂອງສະພາປະຊາຊົນແຂວງ ແລະໄດ້ຮັບຮອງເອົາບັນດາຄາດໝາຍສູ້ຊົນຂອງອົງການບໍລິຫານລັດຄື: ສູ້ຊົນເຮັດໃຫ້ເສດຖະກິດຂະຫຍາຍ ຕົວໃນລະດັບ 8,01% ລວມຍອດຜະລິດຕະພັນພາຍໃນໃຫ້ບັນລຸ 5.813.660 ລ້ານກີບ, ໃນນັ້ນ ສູ້ຊົນຜະລິດເຂົ້າໃຫ້ໄດ້ 385.950 ໂຕນ, ໃນເນື້ອທີ່ລວມ 94.330 ເຮັກຕາ, ສະເລ່ຍຜົນຜະລິດຕໍ່ຫົວຄົນ 941 ກິໂລຕໍ່ຄົນຕໍ່ປີ, ສົ່ງເສີມປະຊາຊົນໃນການປູກພືດ ເພື່ອເປັນສະບຽງອາຫານ, ສູ້ຊົນເຮັດໃຫ້ມູນຄ່າສົ່ງອອກບັນລຸປະມານ 258,37 ລ້ານໂດລາສະຫະລັດ, ຄາດໝາຍແຫຼ່ງທຶນເພື່ອການພັດທະນາ, ດ້ານການພັດທະນາຊົນນະບົດ ແລະລົບລ້າງຄວາມທຸກຍາກຕິດພັນກັບ ວຽກງານສາມສ້າງໄດ້ສູ້ຊົນເຮັດໃຫ້ບ້ານພັດທະນາເພີ່ມຂຶ້ນຈາກ 430 ບ້ານ, ມາເປັນ 450 ບ້ານ, ຄາດໝາຍດ້ານຊັບພະຍາກອນທຳມະຊາດ ແລະສິ່ງແວດລ້ອມ, ວຽກງານວິທະຍາສາດ ແລະເຕັກໂນໂລຊີ, ວຽກງານພາຍໃນ, ວຽກງານຕ່າງປະ ເທດ, ວຽກງານອົງການໄອຍະການປະຊາ ຊົນແຂວງ ແລະສານປະຊາຊົນແຂວງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ