ເລີ່ມສ້າງຄອນໂດມິນຽມ ອານັນດີ ລີເວີວິວ

     ອານັນດີ ລີເວີວິວ ແມ່ນໂຄງການກໍ່ສ້າງຄອນໂດມິນຽມເພື່ອຕອບສະໜອງ ທີ່ພັກອາໄສທີ່ມາພ້ອມກັບຄວາມຫຼູຫຼາ, ວິວຕິດແຄມແມ່ນ້ຳຂອງສວຍງາມ,

ຄຸນນະພາບມາດຕະຖານສາກົນ ແລະຕັ້ງຢູ່ໃຈກາງເມືອງນະຄອນຫຼວງວຽງຈັນ, ຊຶ່ງເປັນການລົງທຶນຂອງ 2 ບໍລິສັດລະຫວ່າງອານັນດີ ກຣຸບ (AANANDI Group) ແລະກຣີດກຣຸບ (CREED GROUP) ທີ່ມີປະສົບການດ້ານການສ້າງຄອນໂດມາແລ້ວຫຼາຍປະເທດ ແລະຄາດວ່າໂຄງການດັ່ງກ່າວຈະໃຫ້ສຳ ເລັດໃນທ້າຍປີ 2019.

     ທ່ານນາງ ຊູ ມາ ປະທານບໍລິສັດ AANANDI Group ກ່າວວ່າ: ຄອນໂດມິນຽມ ອານັນດີ ລີີເວີວິວ (Aanandi Riverview Condos) ເປັນໂຄງ ການທຳອິດທີ່ສອງບໍລິສັດຄື: ອານັນດີກຣຸບ ແລະບໍລິສັດ ກຣີດກຣຸບຮ່ວມກັນ ພັດທະນາສ້າງເປັນທີ່ພັກອາໄສໃຈກາງນະຄອນຫຼວງວຽງຈັນ ເພື່ອຕອບສະໜອງກຸ່ມລູກຄ້າທີ່ເປັນຄົນ ຕ່າງປະເທດມາເຊົ່າຕົ້ນຕໍແມ່ນໃຫ້ຄົນຕ່າງປະເທດທີ່ມາເຮັດທຸລະກິດຢູ່ປະເທດລາວ ຫຼື ທ່ານ ທູດ, ການທູດຕ່າງໆ ແລະຜູ້ຊ່ຽວຊານຕ່າງໆທີ່ມາເຮັດວຽກຢູ່ລາວ ໄດ້ມາພັກອາໄສ ຫຼື ເວົ້າອີກຢ່າງໜຶ່ງ ວ່າສະຖານທີ່ຕັ້ງຂອງໂຄງການເປັນຈຸດ ສູນກາງສະຖານທູດຫຼາຍໆສະຖານທູດ, ສຳລັບການກໍ່ສ້າງໂຄງການນີ້ແມ່ນມີເນື້ອທີ່ທັງໝົດ 2.600 ຕາແມັດ, ໃນນີ້ 1.200 ຕາແມັດ ແມ່ນໃຊ້ສຳລັບການ ປຸກສ້າງອາຄານ ຊຶ່ງເປັນອາຄານ 8 ຊັ້ນ, ມີທັງໝົດ 78 ຫ້ອງ, ລວມມູນຄ່າການກໍ່ສ້າງຂອງໂຄງການແມ່ນ 6,8 ລ້ານໂດລາ ແລະຈະໃຫ້ສໍາເລັດໃນທ້າຍ ປີ 2019 ຫຼື ປະມານ 20 ເດືອນ, ນັບແຕ່ມື້ວາງສີລາລຶກເປັນຕົ້ນໄປ.

     Aanandi Riverview ເປັນຄອນໂດ ທີ່ຈະໃຫ້ເຊົ່າໃນລາຄາປະມານ 1.500 ໂດລາຕໍ່ເດືອນ ແລະຈັດເປັນ ໂຄງການລະດັບ 4 ດາວ, ພ້ອມດ້ວຍ ເຄື່ອງອຳນວຍຄວາມສະດວກແບບຄົບຊຸດ ຫຼື ເວົ້າອີກຢ່າງໜຶ່ງວ່າຄອນໂດດັ່ງ ກ່າວຈະເນັ້ນຄຸນນະພາບມາເປັນອັນດັບ ໜຶ່ງໃນມາດຕະຖານຂອງສາກົນໂດຍ ສະເພາະອຸປະກອນເຄື່ອງໃຊ້ຕ່າງໆແມ່ນ ນຳເຂົ້າຈາກຕ່າງປະເທດທີ່ມີຄວາມທົນທານ, ລວມທັງການອອກແບບທີ່ທັນສະໄໝ ແລະທິວທັດສວຍງາມຍາມແລງຕາເວັນຕົກຂອງແມ່ນ້ຳຂອງ, ເຊື່ອແນ່ວ່າ ພາຍຫຼັງໂຄງການກໍ່ສ້າງສຳເລັດບັນດາ ທ່ານທູດຕ່າງໆກໍຈະຍ້າຍເຂົ້າມາພັກຢູ່ ໃນທີ່ນີ້ບໍ່ໜ້ອຍກໍ່ຫຼາຍ.

     ທ່ານ ໂທຊິຮິໂກ ມູນິໂຢຊິ ປະທານ ບໍລິສັດ CREED GROUP ກ່າວວ່າ: ການລົງທຶນຂອງບໍລິສັດໃນໄລຍະຜ່ານມາແມ່ນໄດ້ດຳເນີນຢູ່ຫຼາຍປະເທດ ໂດຍສະເພາະມຽນມາ, ອິນໂດເນເຊຍ, ສິງກະໂປ, ມາເລເຊຍ, ກຳປູເຈຍ, ຫວຽດນາມ, ບັງກະລາເທດ ແລະໂຕກຽວ, ສຳລັບ ສປປ ລາວ ແມ່ນເປັນໂຄງການທຳອິດເຫັນວ່າຍັງຈະມີການພັດທະນາ ແລະ ຄວາມຈະເລີນໃນອະນາຄົດ, ສິ່ງສຳຄັນ ຍັງບໍ່ທັນມີຄູ່ແຂ່ງເທື່ອ, ບໍ່ມີບໍລິສັດໃດທີ່ ມີປະສົບການຫຼາຍແບບນີ້ມາກ່ອນ ແລະຄາດວ່າໃນຕໍ່ໜ້າພາຍຫຼັງທີ່ໂຄງການນີ້ ສຳເລັດ, CREED ຈະເປັນບໍລິສັດທີ່ໃຫຍ່ທີ່ສຸດໃນດ້ານຂອງການກໍ່ສ້າງຄອນໂດແລະບ້ານຈັດສັນ, ເພາະວ່າບໍລິສັດໄດ້ປະສົບການຈາກການດຳເນີນທຸລະກິດມາຫຼາຍປະເທດ, ດັ່ງນັ້ນຈຶ່ງເຊື່ອແນ່ວ່າລາວກໍຈະໄດ້ຮັບການພັດທະນາເຊັ່ນກັນກັບປະເທດອື່ນໆ, ເພາະທຸກການລົງທຶນ ຂອງບໍລິສັດຈະເນັ້ນເອົາບົດຮຽນຈາກປະສົບການຈິງ ແລະສາມາດຮັບປະກັນດ້ານຄຸນນະພາບໃນຮູບແບບຂອງຍີ່ປຸ່ນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ