ຟໍເຕ້ ປະກັນໄພຮ່ວມຫຸ້ນໂຕໂກປະກັນໄພ

     ວັນທີ 9 ມີນາຜ່ານມາ ທີ່ໂຮງແຮມຄຣາວພາຊາ ນະຄອນຫຼວງວຽງຈັນ ບໍລິສັດ ໂຕໂກຈາຢາ ລາວປະກັນໄພ ຈໍາກັດ ໄດ້ຈັດງານສະເຫຼີມສະຫຼອງໃນໂອກາດທີ່ບໍລິສັດ ຟໍເຕ້ປະກັນໄພ ກໍາປູເຈຍ ໄດ້ມາຮ່ວມລົງທຶນກັບບໍລິສັດໂຕໂກຈາ ຢາລາວປະກັນໄພ

ໂດຍໃຫ້ກຽດເຂົ້າຮ່ວມຂອງທ່ານ ສອນ ເພັດ ອິນທະວົງ ຮອງຫົວໜ້າກົມຄຸ້ມຄອງລັດວິສາຫະກິດລັດລົງທຶນກະຊວງການເງິນທ່ານ ກ໋ອງຮ໋ອກຊຽນ ຜູ້ອໍານວຍການບໍລິສັດໂຕໂກຈາຢາລາວປະກັນໄພຈໍາກັດ, ທ່ານ ຊາລຊິວ ປະທານ ບໍລິສັດ ໂຕໂກ ຈາຢາລາວປະກັນໄພທັງເປັນຜູ້ອໍານວຍການບໍລິສັດຟໍເຕ້ປະກັນໄພປະເທດກຳປູເຈຍ, ມີຕາງໜ້າຈາກບໍລິສັດຟໍເຕ້ ປະກັນໄພ, ບໍລິສັດໂຕໂກປະກັນໄພ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

     ບໍລິສັດ ໂຕໂກ ປະກັນໄພ ໄດ້ເລີ່ມດຳ ເນີນທຸລະກິດ ໃນເດືອນພຶດສະພາ 2007 ພາຍໃຕ້ໃບອະນຸຍາດດຳເນີນທຸລະກິດທີ່ ອອກໂດຍຄະນະກຳມະການແຜນການ ແລະການລົງທຶນ, ບໍລິສັດປະກັນໄພໄດ້ ສຸມໃສ່ການປະກັນໄພພາຫະນະ, ປະກັນ ໄພເຮືອນ, ປະກັນສຸຂະພາບແບບກຸ່ມ,ປະ ກັນໄພອຸບັດເຫດບຸກຄົນ ແລະປະກັນໄພ ເຄື່ອນໄຟຟ້າພະລັງນ້ຳ ໂດຍຜ່ານເຄືອ ຂ່າຍຕົວແທນໃນທັງໝົດໃນ 17 ແຂວງ ໃນທົ່ວປະເທດ.

ທ່ານ ຊາລ ຊິວ ປະທານ ບໍລິສັດ ໂຕໂກຈາຢາລາວ ປະກັນໄພ ຈຳກັດ ແລະທັງເປັນຜູ້ອຳນວຍການບໍລິສັດ ຟໍເຕ້ ປະກັນໄພປະເທດກຳປູເຈຍ ກ່າວວ່າ: ຈຸດປະສົງການລົງທຶນໃນຄັ້ງນີ້ ເພື່ອເສີມ ຂະຫຍາຍຂະແໜງການອຸດສາຫະກຳການປະກັນໄພ ແລະເພີ່ມອັດຕາການປະສົບຜົນສຳເລັດໃນການປະກັນໄພໃນ ສປປ ລາວ ສະນັ້ນ ບໍລິສັດ ຟໍເຕ້ ໄດ້ ເລືອກເອົາ ສປປ ລາວ ເປັນປະເທດທຳອິດໃນການເຮັດທຸລະກິດໃຂຂົງເຂດພາກພື້ນ ຊຶ່ງທັງສອງປະເທດໄດ້ມີວັດທະນະ ທຳທີ່ໃກ້ຄຽງກັນ ແລະຢູ່ໃນລະດັບການພັດທະນາອັນດຽວກັນ, ຂະແໜງການປະກັນໄພກໍເຊັ່ນດຽວກັນທັງສອງປະເທດກໍຢູ່ໃນລະດັບດຽວກັນ ຊຶ່ງມີທັງຄວາມທ້າທາຍ ແລະກາລະໂອກາດ.

     ໃນປີ 2017 ບໍລິສັດ ຟໍເຕ້ ປະກັນໄພ ຍັງສາມາດຮັກສາຕຳແໜ່ງການເປັນບໍ ລິສັດແຖວໜ້າໃນປະເທດກຳປູເຈຍຕະ ຫຼອດໄລຍະ 15 ປີຕິດຕໍ່ກັນ, ເປັນບໍລິສັດ ທີ່ໄດ້ຮັບລາງວັນການປະກັນໄພດີເດັ່ນ ຊຶ່ງໄດ້ສ້າງຕັ້ງຂຶ້ນໃນປະເທດກຳປູເຈຍ ຕັ້ງແຕ່ປີ 1998 ແລະໃນປະຈຸບັນສາມາດຄອງສ່ວນແບ່ງການຕະຫຼາດໃນປະ ເທດເຖິງ 46% ແລະເປັນທີ່ຮັບຮູ້ກ່ຽວ ກັບຄວາມຍິ່ງໃຫຍ່, ຄວາມທັນສະໄໝ ແລະມູນຄ່າເພີ່ມຂອງຊັບພະຍາກອນມະ ນຸດ ແລະຂອງບໍລິສັດ, ການຂະຫຍາຍເຂົ້າ ສູ່ຕະຫຼາດທີ່ໃໝ່ໃນ ສປປ ລາວ ແມ່ນໜຶ່ງ ໃນຍຸດທະສາດໄລຍະຍາວ ເພື່ອສ້າງພື້ນ ຖານ ແລະຄວາມເຂັ້ມແຂງໃນພາກພື້ນ.

     ທ່ານ ສອນເພັດ ອິນທະວົງ ໄດ້ກ່າວ ວ່າ: ບໍລິສັດ ຟໍເຕ້ ປະກັນໄພ (ກຳປູເຈຍ) ມະຫາຊົນ, ເປັນບໍລິສັດປະກັນໄພແຖວ ໜ້າທາງດ້ານປະກັນໄພໄດ້ເລີ່ມບາດກ້າວທຳອິດໃນການຂະຫຍາຍທຸລະກິດ ໃນພາກພື້ນດ້ວຍການເຂົ້າຮ່ວມຖືຮຸ້ນຂອງບໍລິສັດໂຕໂກຈາຢາ ລາວປະກັນໄພ ຈຳກັດ (ບໍລິສັດໂຕໂກປະກັນໄພ) ຊຶ່ງເປັນໜຶ່ງໃນບໍລິສັດປະກັນໄພຊັ້ນນຳຂອງປະເທດ ທັງນັ້ນພວກເຮົາເຫັນຄວາມສໍາຄັນ ແລະສະໜັບສະໜູນການລົງທຶນຂອງຕ່າງປະເທດຢ່າງຕໍ່ເນື່ອງໃນຂົງເຂດຕ່າງໆ ຊຶ່ງຈະໄດ້ຮັບຜົນປະໂຫຍດ ຢ່າງຫຼວງຫຼາຍທາງດ້ານວິຊາການເຊັ່ນດຽວກັນກັບການຊ່ວຍເຫຼືອທາງດ້ານການເງິນໂດຍການລົງທຶນຈາກຕ່າງປະເທດ ພ້ອມກັນນີ້ພວກເຮົາຍັງໃຫ້ໂອກາດແກ່ນັກລົງທຶນພາຍໃນໃຫ້ສາມາດຂະຫຍາຍທຸລະກິດໃຫ້ທຽມທັນກັບນັກລົງ ທຶນຕ່າງປະເທດໃນຂົງເຂດຕ່າງໆ ໂດຍສະເພາະແມ່ນໃນຂົງເຂດທຸລະກິດປະກັນໄພ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ