ຄຳມ່ວນ ມີຄະດີເກີດຂຶ້ນພັນກວ່າເລື່ອງ

     ທ່ານ ບຸນມາ ສຸດສະດາວອນ ຄະນະປະຈໍາພັກແຂວງຫົວໜ້າອົງການໄອຍະການປະຊາຊົນແຂວງຄໍາມ່ວນໄດ້ກ່າວຕໍ່ກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນແຂວງຊຸດທີ 1

ກ່ຽວກັບສະພາບການຈັດຕັ້ງປະຕິບັດແຜນພັດທະນາວຽກງານອົງການໄອຍະການປະຊາຊົນແຂວງໃນໄລຍະໜຶ່ງປີ ຜ່ານມາວ່າ: ອົງການໄອຍະການປະຊາຊົນແຂວງໄດ້ຮັບຄໍາຮ້ອງທັງໝົດຈໍານວນ 27 ເລື່ອງ, ແກ້ໄຂແລ້ວ 21 ເລື່ອງ, ຍັງຄ້າງ 6 ເລື່ອງ, ສ່ວນວຽກງານຕິດ ຕາມກວດກາການປະຕິບັດຄໍາຕັດສິນ ຂອງສານໂດຍມີຄະດີເກີດຂຶ້ນທັງໝົດ 1.368 ເລື່ອງໃນນັ້ນຄະດີອາຍາຄ້າງ ມາມີ 740 ເລື່ອງ, ເຂົ້າໃໝ່ໃນປີ 184 ເລື່ອງລວມທັງໝົດ 924 ເລື່ອງ, ປະຕິບັດສໍາເລັດ 79 ເລື່ອງ, ພວມປະຕິ ບັດ 845 ເລື່ອງ, ຄໍາຕັດສິນຄະດີແພ່ງ ຄ້າງມາມີ 387 ເລື່ອງ, ເຂົ້າໃໝ່ໃນປີ 57 ເລື່ອງ ລວມທັງໝົດ 444 ເລື່ອງ, ປະຕິບັດສໍາເລັດ 37 ເລື່ອງ, ພວມປະ ຕິບັດ 407 ເລື່ອງ ແລະໄດ້ຕິດຕາມບັນ ຊີຊັບສົມບັດທີ່ສານຕັດສິນປັບໄໝ ແລະ ຮິບເຂົ້າເປັນຂອງລັດມີຄື: ເງິນປັບໄໝ ຈໍານວນ 3,27 ຕື້ກີບ, ເງິນຮິບ 3,34 ລ້ານກີບ, ເງິນບາດ 15.300 ບາດ, ຮິບລົດກະບະຈໍານວນ 2 ຄັນ, ລົດຈັກ 6 ຄັນ, ໂທລະສັບ 27 ເຄື່ອງ, ປືນ 5 ກະບອກ, ບັ້ງໄຟພຸ 40 ກັບ, ຢາບ້າ ຈໍານວນ 140.323 ເມັດ , ຢາໄອ 1 ກິໂລກຣາມ ກັບ 999,5 ກຣາມ ແລະອື່ນໆ.

     ນອກນັ້ນຍັງໄດ້ຕິດຕາມການດໍາເນີນຄະດີອາຍາໂດຍສະເພາະການຄົ້ນຄວ້າສາເຫດ ແລະສະກັດກັ້ນອາດຊະຍາກໍາ ເພື່ອເກັບກໍາ, ຊອກຫາ ແລະໄຈ້ແຍກສາເຫດຂອງການກະທໍາຜິດຄື: ອາດຊະຍາກໍາທັງໝົດຈໍານວນ 416 ກໍລະນີ ໃນນີ້ ອາຊະຍາກໍາທີ່ພົ້ນເດັ່ນແມ່ນການກະທໍາຜິດຕໍ່ກໍາມະສິດສ່ວນຕົວຂອງພົນລະເມືອງ 108 ກໍລະນີ, ການກະທໍາຜິດຕໍ່ ເສດຖະກິດຂອງຊາດຈໍານວນ 196 ກໍລະນີ, ສ່ວນການກວດກາການດໍາເນີນຄະດີອາຍາຂອງເຈົ້າໜ້າທີ່ສືບສວນ-ສອບສວນ ແລະໜ່ວຍງານຄະດີອາຍາ ຂອງໄອຍະການປະຊາຊົນເຂດແມ່ນໄດ້ ເອົາໃຈໃສ່ໃນການຕິດຕາມ, ກວດກາ ແລະປະຕິບັດຕາມກົດໝາຍວ່າດ້ວຍອົງ ການໄອຍະການປະຊາຊົນໄດ້ຮັບຄົ້ນຄວ້າຄະດີອາຍາຂັ້ນຕົ້ນຄື: ຄ້າງມາ 5 ເລື່ອງ, ເຂົ້າໃໝ່ໃນປີ 332 ເລື່ອງ ລວມທັງໝົດ 337 ເລື່ອງ, ແກ້ໄຂແລ້ວ 327 ເລື່ອງ, ຍັງຄ້າງ 10 ເລື່ອງ, ຄະດີອາຍາອຸທອນເຂົ້າໃໝ່ໃນປີ 3 ເລື່ອງ, ລວມ ທັງໝົດ 3 ເລື່ອງ, ແກ້ໄຂແລ້ວ 2 ເລື່ອງ ຍັງຄ້າງ 1 ເລື່ອງ, ການຕິດຕາມກວດ ກາຄະດີແພ່ງແມ່ນໄດ້ຮັບຄະດີແພ່ງຂັ້ນຕົ້ນມີຄະດີເຂົ້າໃໝ່ໃນປີ 46 ເລື່ອງ ລວມທັງໝົດ 46 ເລື່ອງ, ແກ້ໄຂແລ້ວ 43 ເລື່ອງ, ຄ້າງ 3 ເລື່ອງ ແລະຄະດີແພ່ງຂັ້ນອຸທອນຄື: ເຂົ້າໃໝ່ໃນປີ 18 ເລື່ອງ ລວມທັງໝົດ 18 ເລື່ອງ, ແກ້ໄຂ ແລ້ວ 17 ເລື່ອງ, ຄ້າງ 1 ເລື່ອງ.

     ທ່ານ ບຸນມາ ສຸດສະດາວອນ ກ່າວຕື່ມວ່າ: ນອກຈາກວຽກງານອື່ນໆແລ້ວ ກໍ່ໄດ້ເອົາໃຈໃສ່ໃນການຕິດຕາມຜູ້ຖືກຫານັກໂທດ ແລະຜູ້ຖືກດັດສ້າງເປັນ ຕົ້ນແມ່ນແຈ້ງການສະບັບເລກທີ 06/ ຄອຊ ລົງວັນທີ 23 ມີຖຸນາ 2017 ແລະຄໍາແນະນໍາຮ່ວມເລກທີ 009 / ອອປສ ສປສສ ,ປກສ ລົງວັນທີ 13 ມີນາ 2017 ເພື່ອຈັດປະເພດຜູ້ຖືກຫາ, ນັກໂທດເພື່ອສະເໜີຂໍອະໄພຍະໂທດ ແລະສະເໜີປ່ອຍຕົວກ່ອນກໍານົດເຊິ່ງສະແດງອອກຄື: ມີຜູ້ຖືກຫາຕົວຈິງໃນຄ້າຍຈໍານວນ 417 ຄົນ, ຍິງ 64 ຄົນ, ຕ່າງປະເທດ 19 ຄົນ, ຍິງ 11 ຄົນ, ຜູ້ຖືກດັດສ້າງຈໍານວນ 119 ຄົນ,ຍິງ 74 ຄົນ, ຕ່າງປະເທດຈໍານວນ 20 ຄົນ, ຍິງ 1 ຄົນ .

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ