ໜູໜາວຊີ້ນດາດບຸບເຟ້ ເປີດໃຫ້ບໍລິການແລ້ວ

     ປະຈຸບັນຜູ້ປະກອບການເຮັດທຸລະກິດຮ້ານອາຫານບຸບເຟ້ກໍຖືວ່ານັບມື້ເພີ່ມຂຶ້ນຫຼາຍ ຊຶ່ງແນ່ນອນວ່າທາງດ້ານການຕະຫຼາດກໍ່ມີການແຂ່ງຂັນຫຼາຍເຊັ່ນດຽວກັນເຖິງຢ່າງໃດກໍ່ຕາມສຳລັບອາຫານທີ່ມີລົດຊາດຫອມແຊບ ແລະລາຄາຖືກຕ້ອງມາຮ້ານໝູໜາວຊີ້ນດາດບຸບເຟ້.

     ທ່ານ ສຸດທິພົງ ພະສິນເຈົ້າຂອງຮ້ານໝູໜາວຊີ້ນດາດບຸບເຟ້ໄດ້ໃຫ້ສຳພາດວ່າ: ຮ້ານໝູໜາວຊີ້ນດາດບຸບເຟ້ເປັນຮ້ານອາຫານທີ່ໄດ້ເປີດໃຫ້ບໍລິ ການໃໝ່ໂດຍຖືເອົາຄວາມເຊື່ອໝັ້ນຂອງລູກຄ້າເປັນຫຼັກ ແລະເປັນຮ້ານອາຫານທີ່ຕົບແຕ່ງສວຍງາມເມື່ອໄດ້ເຂົ້ານັ່ງສຳພັດແລ້ວມີລົມພັດເຢັນສະບາຍກັບອາ ກາດສົດ ຊຶ່ງທັງມີ 50 ໂຕະໂດຍສາມາດ ຮອງຮັບແຂກໄດ້ 200 ກວ່າຄົນ, ມີພະນັກງານທັງໝົດ 25 ຄົນ ໃນນັ້ນບໍລິການ ເປັນອາຫານບຸບເຟ້ເປັນຕົ້ນຊີ້ນດາດພັນ, ດາດຈຸ່ມ, ບາບີຄິວ ແລະອາຫານຕາມ ສັ່ງທີ່ຫຼາຍກວ່າ 10 ເມນູ ພ້ອມນັ້ນຍັງ ມີເມນູເປັນຂອງຫວານບໍ່ວ່າຈະເປັນວຸ້ນ, ກະແລັມ, ນ້ຳຫວານອື່ນໆໂດຍລາຄາຜູ້ໃຫຍ່ 69 ພັນກີບ, ເດັກນ້ອຍ 29 ພັນ ກີບຕໍ່ຄົນ ນອກຈາກນັ້ນຍັງໄດ້ເນັ້ນວັດຖຸ ດິບທີ່ສະອາດ ແລະມີຄຸນນະພາບເຂົ້າໃນການປຸງແຕ່ງ ພ້ອມມີນ້ຳແຈ່ວສູດເຄັດລັບພິເສດທີ່ປຸງແຕ່ງແຕກຕ່າງກັບຮ້ານ ອື່ນເຊັ່ນ: ແຈ່ວຊີ້ນດາດທຳມະດາ, ແຈ່ວຊີ້ນດາດພັນ ແລະແຈ່ວຊີຟຸດ.

     ປະຈຸບັນຮ້ານໝູໜາວຊີ້ນດາດບຸບເຟ້ ເປີດໃຫ້ບໍລິການມາໄດ້ 3 ເດືອນ ຊຶ່ງສາມາດຢຶດຄວາມເຊື່ອໝັ້ນຈາກລູກຄ້າໃນນະຄອນຫຼວງວຽງຈັນໄດ້ 40-50% ໂດຍສະເພາະແມ່ນກຸ່ມນັກທຸລະກິດ, ນັກສຶກສາ ຫຼື ມາເປັນກຸ່ມໃນຄອບຄົວ ແລະພະນັກງານຫ້ອງການຕ່າງໆ ຊຶ່ງສະເລ່ຍ ມີລູກຄ້າມາໃຊ້ບໍລິການ 40-50 ຄົນຕໍ່ມື້ ແຕ່ຖ້າຫາກທ່ານຢາກກິນເຂົ້ານອກບ້ານ ຫຼື ຢາກກິນອາຫານທະເລທີ່ແຊບກໍ່ໄປຮ້ານໝູໜາວຊີ້ນດາດບຸບເຟ້ໄດ້ສະຖານ ຕັ້ງຢູ່ບ້ານໜອງທາເໜືອ ເມືອງຈັນທະບູລີ ນະຄອນຫຼວງງວຽງຈັນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ