ບ້ານລາວ ອີກໂຄງການເໝາະແກ່ຜູ້ຊອກຫາທີ່ຢູ່ອາໄສ

     ໂຄງການບ້ານລາວເປັນໜຶ່ງໂຄງການບ້ານຈັນສັນເນັ້ນການກໍ່ສ້າງທີ່ພັກອາໄສມີຄວາມທັນສະໄໝຢູ່ເຂດກາງເມືອງທີ່ມາດຖານສາກົນສາມາດຕອບ ໂຈດສຳລັບທ່ານໃດທີ່ກຳລັງຊອກທີ່ພາອາໄສຖາວອນ ປະຈຸບັນໂຄງການດັ່ງກ່າວໄດ້ເປີດໃຫ້ເຂົ້າຈັບຈອງເປັນເຈົ້າຂອງແລ້ວໃນລາຄາຖືກ ແລະສາມາດຈ່າຍຜ່ອນຍາວເຖິງ 20 ປີ.

 

     ເມື່ອບໍ່ດົນມານີ້ ທ່ານ ວຽງສະໄໝ ບຸນນະຜົນ ເຈົ້າຂອງໂຄງການເຮືອນລາວໃຫ້ສຳພາດນັກຂ່າວໜັງສືພີມເສດຖະກິດ-ສັງຄົມໃຫ້ຮູ້ວ່າ: ໂຄງການກໍ່ ສ້າງບ້ານລາວສ້າງຂຶ້ນເພື່ອຕອບໂຈດ ລູກຄ້າທຸກລະດັບທີ່ຢາກມີເຮືອນເປັນຂອງຕົນເອງ ແລະມັກຢູ່ໃນຂອບເຂດໃຈກາງຕົວເມືອງນະຄອນຫຼວງວຽງຈັນ ໂດຍເນັ້ນເລື່ອງຂອງການສ້າງສັນທີ່ຢູ່ອາໄສທີ່ມີຄຸນນະພາບເພື່ອຕອບສະໜອງແກ່ສັງຄົມ ແລະຮູບແບບຂອງການອອກແບບຍັງເລັ່ງໃສ່ແບບເຮືອນທີ່ທັນສະໄໝ, ໄດ້ມາດຕະຖານ, ມີຄວາມປອດໄພ ແລະໃຫ້ຄວາມສະດວກສະບາຍໃນການພັກອາໄສ, ໄປຄຽງຄູ່ກັບລາຄາສົມເຫດ ສົມຜົນທີ່ຢູ່ໃກ້ຄຽງເຂດຕົວເມືອງ, ໂຄງການບ້ານລາວແມ່ນຖືວ່າເປັນຈຸດເໝາະສົມແກ່ການຂະຫຍາຍຕົວທາງດ້ານເສດຖະກິດທີ່ເປັນຊຸມຊົນ ແລະເຫັນວ່າມີ ການພັດທະນາໄວແມ່ນສະຖານທີ່ເໝາະສົມຕິດກັບທາງໃຫຍ່ມີສິ່ງອຳນວຍຄວາມສະດວກຫຼາຍທີ່ບໍ່ທັນແອ່ອັດ ແລະໂຄງລ່າງແມ່ນໄດ້ມາດຖານຄົບວົງຈອນ.

     ໂຄງການບ້ານລາວມີເນື້ອທີ່ລວມທັງໝົດ 8,35 ເຮັກຕາ ປະກອບດ້ວຍເຮືອນວິນລາ 155 ຫຼັງ ຊຶ່ງເນື້ອທີ່ຂອງເຮືອນ ແຕ່ລະຫຼັງເລີ່ມຕົ້ນແຕ່ 300-500 ຕາແມັດ ນອນຢູ່ໃນຂອບເຂດສ່ວນຕົວດ້ວຍ ລະບົບຮັກສາຄວາມປອດໄພທີ່ມີກຳແພງ ເບຕົງອ້ອມຮອບ ແລະມີຄົນຍາມປະຕູເຂົ້າອອກຕະຫຼອດ 24 ຊົ່ວໂມງການອາໄສຢູ່ໃນຂອບເຂດທີ່ເປັນສ່ວນຕົວແບບນີ້ບໍ່ພຽງແຕ່ນຳມາ ຊຶ່ງຄວາມປອດໄພໃຫ້ກັບບັນດາຜູ້ຢູ່ອາໄສ, ແຕ່ຍັງສ້າງຮູບແບບການຢູ່ອາໄສທີ່ເປັນເອກະລັກສະເພາະຂອງທ່ານອີກດ້ວຍ, ພ້ອມກັນນັ້ນໂຄງການໄດ້ອອກ ແບບການຄົມມະນາຄົມທີ່ເນັ້ນຄວາມສະດວກສະບາຍໃຫ້ແກ່ຜູ້ຢູ່ອາໄສດ້ວຍການສ້າງ 3 ເສັ້ນທາງຫຼັກໃນເຂດໂຄງການ ແລະມີບັນດາລະບົບເສັ້ນທາງຍ່ອຍທີ່ຕັດຜ່ານເຮືອນແຕ່ລະຫຼັງ ສະນັ້ນເຮືອນແຕ່ລະຫຼັງຈະມີໜ້າບ້ານຕິດກັບທາງຢາງ ໜ້ອຍ 1-2 ທາງ, ເຮັດໃຫ້ມີຄວາມສະດວກສະບາຍໃນການໄປມາ.

     ໃນໂຄງການດັ່ງກ່າວຂໍ້ໄດ້ປຽບທີ່ ໃຫຍ່ທີ່ສຸດຂອງໂຄງການບ້ານລາວແມ່ນສະຖານທີ່ຕັ້ງຂອງໂຄງການ: ຫ່າງຈາກໃຈກາງນະຄອນຫຼວງວຽງຈັນຂີ່ລົດປະ ມານ 10 ນາທີ ອ້ອມແອ້ມຂອບເຂດ ໂຄງການກະລວວມມີບັນດາສະຖາບັນການສຶກສາ ແລະບັນດາຂະແໜງການຂອງລົດ ຊຶ່ງສາມາດຕອບສະໜອງໄດ້ຄົບຖ້ວນຕາມຄວາມຕ້ອງການໃນການ ນຳໃຊ້ ແລະດຳລົງຊີວິດຂອງຜູ້ທີ່ຢູ່ອາໄສ, ນັບຕັ້ງແຕ່ການສຶກສາ, ຄວາມບັນເທິງໄປຈົນຮອດການດຳລົງຊີວິດປະຈຳວັນທີ່ສະດວກສະບາຍ.

     ໂຄງການໄດ້ກໍ່ສ້າງເຮືອນຕົວແບບສຳເລັດແລ້ວ 3 ຫຼັງ ດ້ວຍການອອກ ແບບທີ່ທັນສະໄໝ ແລະປະສົມປະສານກັບລັກສະນະເຮືອນດັ້ງເດີມຂອງລາວ, ເປັນໜຶ່ງໂຄງການທີ່ມີທີ່ຕັ້ງສະດວກສະບາຍ, ຄົບວົງຈອນບັນດາສາທາລະນຸ ປະໂພກທີ່ໜ້າສົນໃຈ, ສະພາບແວດລ້ອມ ທີ່ມີຄວາມປອດໄພ ແລະຍັງເປັນອີກສະຖານທີ່ໜຶ່ງທີ່ຈະນຳມາ ຊຶ່ງປະສົບການທີ່ສວຍງາມໃນການດຳລົງຊີວິດຂອງຜູ້ຢູ່ອາໄສອີກດ້ວຍ.

     ສະນັ້ນ ທ່ານໃດສົນໃຈຢາກຈັບຈອງເປັນເຈົ້າຂອງກໍ່ສາມາດໄປເບິ່ງເລືອກໄດ້ສະຖານທີ່ຕັ້ງຢູ່ບ້ານດົງຄຳຊ້າງ, ເມືອງ ຫາດຊາຍຟອງ ຫຼື ສອບຖາມກ່ອນທີ່ໝາຍເລກໂທລະສັບ 020 58888794 ຫຼື 020 99958881.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ