ຄູກັນນໍ້າຖ້ວມຕອນໃຕ້ ນວ ສຳເລັດ 70%

     ໂຄງການກໍ່ສ້າງຄູປ້ອງກັນນ້ຳຖ້ວມຕອນໃຕ້ຂອງນະຄອນຫຼວງວຽງຈັນ ພາຍຫຼັງທີ່ໄດ້ລົງນາມຮັບເໝົາກໍ່ສ້າງໃນເດືອນເມສາ 2015 ໂຄງດັ່ງກ່າວ ກໍ່ໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງ ຊຶ່ງຮອດປະຈຸບັນຫຼາຍໜ້າວຽກຂອງໂຄງການມີຄວາມຄືບໜ້າສົມຄວນຮອດດຽວນີ້ໂຄງການໂດຍລວມສຳເລັດ 70%.

 

     ໂດຍຂໍ້ມູນຈາກກະຊວງໂຍທາທິການ ແລະຂົນສົ່ງເປີດເຜີຍໃຫ້ຮູ້ວ່າ: ໂຄງການກໍ່ສ້າງຄູປ້ອງກັນນ້ຳຖ້ວມຕອນໃຕ້ນະຄອນຫຼວງວຽງຈັນປະກອບມີກະ ຊວງໂຍທາທິການ ແລະ ຂົນສົ່ງ, ກະຊວງກະສິກຳ ແລະກະຊວງຊັບພະຍາກອນທຳມະຊາດ ແລະສິ່ງແວດລ້ອມພາຍໃຕ້ການຊີ້ນຳຂອງນະຄອນຫຼວງ ວຽງຈັນ ພາຍຫຼັງທີ່ໄດ້ເຊັນສັນຍາກັບ ບໍລິສັດຜູ້ຮັບເໝົາໃນເດືອນເມສາ 2015 ແລະໄດ້ເລີ່ມຈັດຕັ້ງປະຕິບັດເປັນຕົ້ນມາຄາດໝາຍໄລຍະເວລາການກໍ່ສ້າງທັງ ໝົດ 32 ເດືອນ ຈຶ່ງຈະສຳເລັດ ຂະນະທີ່ມາຮອດປະຈຸບັນໜ້າວຽກໂດຍລວມຂອງໂຄງການສຳເລັດແລ້ວ 70% ເຫຼືອພຽງໜ້າວຽກອີກຈຳນວນໜຶ່ງ.

     ໂຄງການກໍ່ສ້າງຄູປ້ອງກັນນ້ຳຖ້ວມຕອນໃຕ້ນະຄອນຫຼວງວຽງຈັນ ແມ່ນໂຄງການກໍ່ສ້າງພື້ນຖານໂຄງລ່າງຫຼຸດຜ່ອນຄວາມສ່ຽງໄພນ້ຳຖ້ວມ ແລະແຫ້ງ ແລ້ງໂດຍແມ່ນ (ທະນາຄານ ADB)ເປັນຜູ້ໃຫ້ທຶນ, ບໍລິສັດພົງຊັບທະວີ ແລະບໍລິສັດສຸກປະເສີດ ເປັນຜູ້ຮັບເໝົາໂຄງການມີສາຍຕັ້ງຂືຶ້ນກັບກົມໂຍທາທິການທາງນ້ຳ ກະຊວງໂຍທາທິການ ແລະ ຂົນສົ່ງ ມີໜ້າທີ່ຕົ້ນຕໍຈັດຕັ້ງປະຕິບັດການກໍ່ສ້າງຄູປ້ອງກັນນ້ຳຖ້ວມຢູ່ເຂດວຽງ ຈັນຕອນໃຕ້ ແຕ່ສະຖານີລາວສະຕາໄປ ຫາສົ້ນຂົວຫ້ວຍໝາກຮຽວລວມ ໄລຍະ ທາງທັງໝົດ 32,2 ກິໂລແມັດ, ໃນນັ້ນ ເປັນຄູດິນ 4 ກິໂລແມັດ, ກວ້າງ 4 ແມັດ, ແຕ່ສະຖານີລາວສະຕາຫາສົ້ນຂົວ ມິດຕະພາບລາວ-ໄທ ແຫ່ງທີ 1, ຊ່ວງ ທີ 2 ແຕ່ສົ້ນຂົວມິດຕະພາບໄປຫາຫ້ວຍ ໝາກຮຽວໄລຍະທາງຍາວ 26,4 ກິໂລ ແມັດ ເປັນຄູກັນນ້ຳກວ້າງ 10 ແມັດ, ບໍ່ມີບ່າທາງປູທັບດ້ວຍອັດສະຟານ (Asphalt)  ໜາ 5 ຊັງຕີແມັດ, ປະຕູລະບາຍນ້ຳຈຳນວນໜຶ່ງ ແລະກໍ່ສ້າງ ຄູກັນນ້ຳຄູດິນເພີ່ມເຕີມດ້ານນອກ ແຕ່ Km 4+050 ຫາ Km 5+990, ທີ່ສາ ມາດຮອງຮັບລະດັບນ້ຳສູງສຸດໃນປີ 2008 ທີ່ຜ່ານມາ.

     ບັນດາໜ້າວຽກຕ່າງໆ ມີວຽກອະນາໄມລອກໜ້າທາງສຳເລັດ 100%, ດິນຕັດດິນຖົມສຳເລັດ 100%, ປະຈຸບັນກຳ ລັງສຸມໃສ່ວຽກກໍ່ສ້າງຊັ້ນພື້ນທາງ Base course ແລະກະກຽມການລົງປູຢາງຂົ້ວ ຊຶ່ງໂຄງການດັ່ງກ່າວເປັນ ໂຄງການທີ່ສຳຄັນຕໍ່ກັບການຕ້ານໄພພິ ບັດນ້ຳຖ້ວມຕອນໃຕ້ ນະຄອນຫຼວງວຽງ ຈັນ ແລະປັບປຸງພື້ນຖານໂຄງລ່າງດ້ານ ຄົມມະນາຄົມໃຫ້ມີຄວາມສະດວກແຕ່ເມືອງຫາດຊາຍຟອງຫາເມືອງປາກງື່ມ ໂດຍບໍ່ຕ້ອງຜ່ານທາງເລກທີ 13 ໃຕ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ