ໄຊຍະເຊັນສັນຍາສ້າງທາງ 3 ໂຄງການ

     ພິທີເຊັນສັນຍາໂຄງການລົງທືນຂອງລັດ ປີ 2018 ຂອງເມືອງໄຊຍະບູລີ ແຂວງໄຊຍະບູລີ ລະຫວ່າງຫ້ອງການໂຍທາທິການ ແລະຂົນສົ່ງເມືອງ (ເຈົ້າຂອງໂຄງການ) ກັບບໍລິສັດຜູ້ຮັບເໝົາກໍ່ສ້າງໄດ້ຈັດຂຶ້ນໃນວັນທີ 6 ເມສາ 2018 ເມສາ 2018 ທີ່ຫ້ອງປະຊຸມຫ້ອງວ່າການປົກຄອງເມືອງ

ໂດຍເຂົ້າຮ່ວມມີທ່ານ ບຸນເສັງ ວົງສະນິດ ຮອງເຈົ້າເມືອງໄຊຍະບູລີ, ມີຄະນະຄຸ້ມຄອງການລົງທືນຂັ້ນເມືອງ, ເຈົ້າຂອງໂຄງການ, ຜູ້ຮັບເໝົາກໍ່ສ້າງພ້ອມພາກສ່ວນທີ່ກ່ຽວຂ້ອງເຂົ້າຮ່ວມ.

     ໃນກອງປະຊຸມ ທ່ານ ສອນເພັດ ໂສພາ ຮອງຫົວໜ້າຫ້ອງໂຍທາທິການ ແລະຂົນສົ່ງເມືອງໄຊ ໄດ້ຂຶ້ນຜ່ານຮ່າງ ເນື້ອໃນສັນຍາໂຄງການລົງທືນຂອງລັດ ສົກປີ 2018 ຊຶ່ງມີ ໂຄງການປູຢາງ 2 ຊັ້ນເສັ້ນທາງເທສະບານເມືອງມີ 2 ເສັ້ນ ມູນຄ່າ 4,7 ຕື້ກີບ, ໂດຍແມ່ນບໍລິສັດ ດວງຈັນ ຮຸ່ງເຮືອງກໍ່ສ້າງຂົວທາງຈຳກັດ ເປັນຜູ້ຮັບເໝົາກໍ່ສ້າງ, ໂຄງການກໍ່ສ້າງ ສ້ອມແປງຍົກລະດັບເສັ້ນທາງແຕ່ບ້ານຫ້ວຍສະແງມຫາບ້ານນາກວາງ ແລະບ້ານນາຄານ (ກຸ່ມຫ້ວຍສະແງມ) ໃນມູນຄ່າ 4,6 ຕື້ກີບ ແລະໂຄງການກໍ່ສ້າງ ເສັ້ນທາງແຕ່ບ້ານໜອງນ່ອງ, ບ້ານຫ້ວຍລຸນ, ບ້ານວຽງໄຊ ແລະບ້ານນາຄານ (ກຸ່ມນາຕາກ) ໃນມູນຄ່າ 4,68 ຕື້ກີບ ໂດຍແມ່ນບໍລິສັດ ເມກີກໍ່ສ້າງ ແລະຂົວທາງເປັນຜູ້ຮັບເໝົາກໍ່ສ້າງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ