ຊີເອັນພີ ສືບຕໍ່ພັດທະນາຫາດຊາຍດອນຈັນ

    ບໍລິສັດ ຊີເອັນພີ ການຄ້າຂາ ອອກ-ຂາເຂົ້າຈຳກັດຜູ້ດຽວ ເຫັນເຖິງຄວາມສຳຄັນໃນການພັດທະນາແຫຼ່ງທ່ອງທ່ຽວໃຫ້ມີສີສັນເປັນເອກະລັກຂອງຕົວເມືອງ ໂດຍສະເພາະຫາດດອນຈັນຈຶ່ງເຊັນສັນຍາສືບຕໍ່ພັດທະນາຕື່ມອີກ 5 ປີຕໍ່ໜ້າພ້ອມປັບປຸງພັດທະນາ

ໃຫ້ເປັນ ແຫຼ່ງທ່ອງທ່ຽວສວຍງາມ, ອາລັງການ ຂຶ້ນກວ່າເກົ່າ.

    ພິທີເຊັນສັນຍາສືບຕໍ່ພັດທະນາແຫ່ຼງທ່ອງທ່ຽວຫາດດອນຈັນ ຈັດຂຶ້ນວັນທີ 10 ເມສາຜ່ານມາ ທີ່ພະແນກແຜນການ ແລະການລົງທຶນນະຄອນຫຼວງວຽງຈັນ ໂດຍລົງນາມລະຫວ່າງ ທ່ານ ພູຂົງ ບັນ ນາວົງ ຫົວໜ້າພະແນກແຜນການ ແລະ ການລົງທຶນນະຄອນຫຼວງວຽງຈັນ ແລະ ທ່ານນາງ ຈັນນະພາ ວົງສະໝໍລະພູມ ປະທານບໍລິສັດຊີເອັນພີ, ມີທ່ານ ນາງ ບົວລອນ ວົງດາລາແສນ ເຈົ້າເມືອງ ຈັນທະບູລີ, ທ່ານ ນາງ ພູວຽງ ແກ້ວ ວົງວິຈິດ ເຈົ້າເມືອງສີໂຄດຕະບອງ ພ້ອມ ດ້ວຍພາກສ່ວນກ່ຽວຂ້ອງເຂົ້າຮ່ວມ.

     ໃນໂອກາດດັ່ງກ່າວ ທ່ານ ນາງ ຈັນ ນະພາ ວົງສະໝໍລະພູມ ປະທານບໍລິສັດ ຊີເອັນພີ ການຄ້າຂາອອກ-ຂາເຂົ້າຈຳ ກັດຜູ້ດຽວ ໃຫ້ສຳພາດຕໍ່ສື່ມວນຊົນວ່າ: ສຳລັບການເຊັນສັນຍາແມ່ນໄດ້ຮັບການ ໄວ້ວາງໃຈຈາກທາງພັັກລັດອະນຸຍາດ ໃຫ້ບໍລິສັດລົງທຶນພັດທະນາຫາດຊາຍ ດອນຈັນເປັນແຫຼ່ງທ່ອງທ່ຽວ ເປົ້າໝາຍ ເພື່ອສ້າງຄວາມສະດວກສະບາຍໃນການ ຈັດສັນປັບປຸງບູລະນະໂດຍລົງທຶນສືບຕໍ່ພັດທະນາ 5 ປີມີເນື້ອທີ່ 46 ເຮັກຕາ ຊຶ່ງງົບປະມານການລົງທຶນ 8 ຕື້ກວ່າກີບ ໂດຍສ້າງທາງປູເບຕົງລົງຫາດຊາຍດອນ ຈັນ ແລະຈະແບ່ງເປັນແຕ່ລະໂຊນມະຕິ ມະກຳຊາຍ, ພະທາດຊາຍ, ກີລາ, ດອກ ໄມ້, ສວນປອດສານພິດ ແລະສວນນ້ຳ ທະເລ ແລະເຮັດບ່ອນນັ່ງຊົມຕາເວັນຕົກ ດິນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ