ນ້ຳປະປາ ນວ ຕັ້ງເປົ້າ ລາຍຮັບ 181 ຕື້ກວ່າກີບ ປີໃໝ່ການໃຊ້ອາດເພີ່ມຂື້ນ 50%

   ນ້ຳແມ່ນສິ່ງຈຳ ເປັນຕໍ່ການຊົມໃຊ້ຂອງຄົນເຮົາໃນການດຳລົງ ຊີວິດປະຈຳວັນ ສະ ເພາະໃນປີໃໝ່ນີ້ນ້ຳປະປານະຄອນຫຼວງວຽງຈັນຄາດຄະເນຈະມີການຊົມໃຊ້ນ້ຳເພີ່ມຂຶ້ນຈາກປົກກະຕິເຖິງ 50% ທັງນີ້ໄດ້ມີການກະກຽມຫຼາຍດ້ານຮອງຮັບບໍລິການປະຊາຊົນ

ຂະນະໝົດປີ 2018 ນີ້ທາງນ້ຳປະປາໄດ້ຕັ້ງເປົ້າໝາຍລາຍຮັບໃຫ້ບັນລຸ 181,67 ຕື້ກີບ ແລະມອບພັນທະໃຫ້ລັດ 25 ຕື້ກີບ.

    ບໍ່ດົນມານີ້ ທ່ານ ຄຳເຜີຍ ວົງສາ ຄຳຜຸຍ ຜູ້ອຳນວຍການລັດວິສາຫະກິດ ນ້ຳປະປານະຄອນຫຼວງ ໃຫ້ສຳພາດຕໍ່ ນັກຂ່າວພວກເຮົາວ່າ: ລັດວິສາຫະກິດນ້ຳປະປານະຄອນຫຼວງເປັນຫົວໜ່ວຍທຸລະກິດໜຶ່ງທີ່ຮັບໃຊ້ດ້ານສາທາລະນຸປະໂພກໃນການຜະລິດ ແລະຈຳໜ່າຍ ນ້ຳສະອາດຮັບໃຊ້ສັງຄົມໃນນະຄອນ ຫຼວງ ແລະດຳເນີນທຸລະກິດພາຍໃຕ້ ການຊີ້ນຳໆພາຂອງສະພາບໍລິຫານເຊິ່ງປະກອບມີຄະນະຮາກຖານ, ຄະນະອຳ ນວຍການເປັນຜູ້ຊີ້ນຳໆພາພ້ອມດ້ວຍ ອົງການຈັດຕັ້ງມະຫາຊົນ ແລະພະນັກງານກຳມະກອນເປັນຜູ້ຈັດຕັ້ງປະຕິບັດ ຕົວຈິງ.

    ປະຈຸບັນລັດວິສາຫະກິດນ້ຳປະປາ ມີກຳລັງການຜະລິດທັງໝົດ 2,8 ແສນ ແມັດກ້ອນຕໍ່ມື້, ເຂດພື້ນທີ່ບໍລິການລວມ ມີ 7 ເມືອງໃນ ແລະ 2 ເມືອງນອກ ເປັນຕົ້ນ ເມືອງສັງທອງ ແລະເມືອງປາກງື່ມເປັນ ລະບົບນ້ຳປະປາຂະໜາດນ້ອຍມີກຳລັງຜະລິດທັງໝົດ 2,72 ພັນ​ແມັດ​ກ້ອນຕໍ່ມື້ ຊຶ່ງໃນປີ 2017 ສາມາດຜະລິດໄດ້ 91,2 ລ້ານແມັດກ້ອນ ເທົ່າກັບ 99% ຖ້າທຽບໃສ່ແຜນການປີທີ່ວາງໄວ້.

    ທ່ານ ຄຳເຜີຍ ວົງສາຄຳຜຸຍ ໃຫ້ຮູ້ ຕື່ມວ່າ:  ສຳລັບປີໃໝ່ທາງລັດວິສາຫະ ກິດນ້ຳປະປານະຄອງຫຼວງພ້ອມເຕັມທີ່ໃນການຜະລິດຈຳໜ່າຍສະໜອງນ້ຳໃຫ້ ສັງຄົມໃຊ້ທົ່ວເຖິງ ແລະພຽງພໍ ໂດຍຈັດ ທີມງານກຽມບຸກຄະລາກອນເພື່ອຕິດ ຕາມບ່ອນຕິດຂັດໃຫ້ທັນເຫດການ ແລະ ໄລຍະປີໃໝ່ລາວຄາດວ່າຜູ້ຊົມໃຊ້ນ້ຳອາດເພີ່ມຂຶ້ນກ່ອນປົກກະຕິປະມານ 50% ສະນັ້ນເພື່ອຄວາມສະດວກໃຫ້ຜູ້ ຊົມໃຊ້ ແລະ ທຸກພາກສ່ວນເປັນເຈົ້າການ ນຳກັນໃນຫານປະຢັດມັດທະຍັດ ເພື່ອ ຕອບສະໜອງນ້ຳພຽງພໍ ແລະຫຼຸດຜ່ອນ ຄ່າໃຊ້ຈ່າຍນ້ຳໃນເດືອນນຳອີກ.

    ແນວໃດກໍ່ດີ ປີ  2018 ນີ້ວຽກງານ ຜະລິດ ແລະ ຈຳໜ່າຍຂອງນ້ຳປະປານະ ຄອນຫຼວງ ຄາດຄະເນຈະເພີ່ມຂຶ້ນ 3,2 ແສນແມັດກ້ອນຕໍ່ມື້ ພາຍຫຼັງໂຄງການ BOT ຫາດຊາຍຟອງ 20 ພັນແມັດກ້ອນ ແລະໂຄງການ BOT ແສນດິນ ສ້າງ ສຳເລັດໃນທ້າຍປີ 2018 ໂດຍຈະບໍລິ ການຂະຫຍາຍລະບົບທໍ່ເພີ່ມອີກ 79 ກິ ໂລແມັດ ນ້ຳຈຳໜ່າຍ 67,40 ລ້ານ ແມັດກ້ອນ ຕິດຕັ້ງເຂົ້າເຮືອນ 8,98 ພັນໜ່ວຍ, ຕານ້ຳສູບດ້ວຍ 25% ທັງ ນີ້ ຄາດວ່າລາຍຮັບຈະມີ 181,67 ຕື້ ກີບ, ລາຍຈ່າຍ 231,77 ຕື້ກີບ ແລະ ມອບພັນທະໃຫ້ລັດຈຳນວນ 25 ຕື້ກີບ ທ່ານຜູ້ອຳນວຍການ ກ່າວ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ