ການຄ້າ ຊີ້ແຈງລາຄານ້ຳມັນຂື້ນມີຜົນກະທົບແນວໃດຕໍ່ສິນຄ້າປະເພດອື່ນ

     ສປປ ລາວເປັນປະເທດທີ່ໄດ້ ນຳເຂົ້ານ້ຳມັນເຊື້ອໄຟ 100% ແລະນ້ຳ ມັນກໍມີຜົນພວງກ່ຽວພັນກັບຫຼາຍຂົງ ເຂດ ໂດຍສະເພາະແມ່ນເລື່ອງການຄ້າ ການຂາຍ ຊຶ່ງຜ່ານມາແມ່ຄ້າຊາວຂາຍ ສິນຄ້າທົ່ວໄປໃນຂອບເຂດທົ່ວປະເທດຫາກມີການປັບຂຶ້ນລາຄາ

ສິນຄ້າມັກ ອ້າງອີງໃສ່ລາຄານ້ຳມັນແພງ ທັງນີ້ ທາງຂະແໜງການຄ້າໄດ້ອອກມາຊີ້ແຈງ ຕື່ມກ່ຽວກັບການຄຸ້ມຄອງລາຄານ້ຳມັນ ເຊື້ອໄຟບ້ານເຮົາທີ່ມີການເພີ່ມຂຶ້ນ ຈະມີຜົນກະທົບແນວໃດຕໍ່ກັບລາຄາສິນຄ້າ ຄວບຄຸມກໍຄືສິນຄ້າອື່ນໆ.

     ຕາມຂໍ້ມູນຈາກກົມການຄ້າພາຍໃນ ກະຊວງອຸດສາຫະກຳ ແລະການຄ້າ ຮູ້ ວ່າ ບົນພື້ນຖານດຳລັດ 474/ນຍ ສິນ ຄ້າທີ່ມີການຄວບຄຸມລາຄາ ຫຼື ຕາມບັນຊີຂອງຂະແໜງການອຸດສາຫະກຳ ແລະ ການປະກອບມີ 8 ປະເພດ ແລະ23 ລາຍການເຊັ່ນ: ປະເພດນ້ຳມັນເຊື້ອໄຟ, ປະເພດເຂົ້າ, ຊີ້ນ, ປາ, ເຫຼັກເສັ້ນ, ຊີມັງ, ອາຍແກ໊ສ ແລະໄກ່ປອກ, ເວົ້າສະເພາະປະເພດນ້ຳມັນເຊື້ອໄຟ ທີ່ຂຶ້ນກັບການຄຸ້ມຄອງຂອງກະຊວງອຸດສາ ຫະກຳ ແລະການຄ້າ, ສ່ວນປະເພດອື່ນໆແມ່ນມອບໃຫ້ທ້ອງຖິ່ນ ກໍຄືບັນດາແຂວງເປັນຜູ້ຄຸ້ມຄອງໃນການຈັດຕັ້ງປະຕິບັດ ສຳລັບລາຄານ້ຳມັນເຊື້ອໄຟມີການເໜັງຕີງທຸກຄັ້ງແມ່ນອີງໃສ່ການປ່ຽນແປງດ້ານລາຄາ ໃນຕະຫຼາດໂລກ ໂດຍສະເພາະແມ່ນນ້ຳມັນສຳເລັດຮູບຢູ່ຕະຫຼາດສິງກະໂປ.

      ອີງຕາມການຕິດຕາມຂອງທິມຂ່າວ ໜັງສືພິມເສດຖະກິດ-ສັງຄົມມາແຕ່ຕົ້ນປີ 2018 ຮອດປະຈຸບັນລາຄາຂາຍຍ່ອຍ ນ້ຳມັນເຊື້ອໄຟບ້ານເຮົາມີການເໜັງຕີງທັງໝົດ 5 ຄັ້ງໃນນັ້ນປັບຂຶ້ນ 4 ຄັ້ງ ແລະ ປັບລົງ 1 ຄັ້ງ, ໂດຍປັບຂຶ້ນ ຄັ້ງຫຼ້າສຸດ ໃນວັນທີ 6 ເມສາ 2018 ໂດຍລາຄາ ຢູ່ ບາງຈຸດເປັນຕົ້ນແມ່ນນະຄອນຫຼວງວຽງ ຈັນ ແອັດຊັງພິເສດ ລິດລະ 10.210 ກີບ, ແອັດຊັງທຳມະດາ 9.140 ກີບຕໍ່ ລິດ ແລະກາຊວນ 8.150 ກີບຕໍ່ລິດ, ສ່ວນຢູ່ຫຼວງພະບາງ ແອັດຊັງພິເສດ ແມ່ນ 10.670 ກີບຕໍ່ລິດ, ແອັດຊັງທຳ ມະດາ 9.600 ກີບຕໍ່ລິດ ແລະກາຊວນ 8.610 ກີບ, ຄຳມ່ວນສະເພາະນ້ຳມັນ ແອັດຊັງພິເສດຂາຍລິດລະ 10.240 ກີບ, ແອັດຊັງທຳມະດາ 9.170 ກີບຕໍ່ ລິດ ແລະກາຊວນແມ່ນ 8.180 ກີບຕໍ່ ລິດ, ສະຫວັນນະເຂດແອັດຊັງພິເສດ 10.240 ກີບຕໍ່ລິດ, ແອັດຊັງທຳມະດາ 9.170 ກີບຕໍ່ລິດ ແລະກາຊວນແມ່ນ 8.180 ກີບຕໍ່ລິດ, ສຳລັບແຂວງຈຳປາ ສັກ ແອັດຊັງພິເສດຂາຍລິດລະ 10.270 ກີບ, ແອັດຊັງທຳມະດາ 9.200 ກີບ ແລະກາຊວນ 8.210 ກີບຕໍ່ລິດ.

     ແນວໃດກໍດີ ອີງຕາມການເກັບກຳຂໍ້ ມູນ, ສະຫຼຸບສັງລວມ ແລະສົມທຽບດ້ານ ລາຄາຂອງສິນຄ້າໃນຂອບເຂດທົ່ວປະ ເທດໄລຍະຕົ້ນປີຜ່ານມາ ຕໍ່ກັບການປັບ ຂຶ້ນລາຄາຂາຍຍ່ອຍນ້ຳມັນເຊື້ອໄຟໃນ ຂອບເຂດທົ່ວປະເທດ ຂໍ້ມູນຈາກກົມການ ຄ້າພາຍໃນໄດ້ລະບຸໃຫ້ເຫັນອີກວ່າ ທ່າ ອ່ຽງຂອງການເໜັງຕີງທາງດ້ານລາຄາ ສິນຄ້າ ໂດຍລວມແລ້ວແມ່ນຍັງສືບຕໍ່ຢູ່ ໃນເກນເປັນປົກກະຕິ ແລະຍັງບໍ່ມີໝວດ ສິນຄ້າ ຫຼື ລາຍການສິນຄ້າໃດທີ່ຍັງມີ ການເໜັງຕີງທາງດ້ານລາຄາທີ່ກ້າວກະ ໂດດເກີນກວ່າ 15% ຂອງລາຄາໃນ ເດືອນຜ່ານມາ, ສ່ວນທີ່ເໜັງຕີງກໍມີແຕ່ ປະເພດນ້ຳມັນເຊື້ອໄຟ ທີ່ສືບຕໍ່ເໜັງຕີງ ເພີ່ມຂຶ້ນ ແລະການເໜັງຕີງດັ່ງກ່າວຍັງເປັນໄປຕາມກົນໄກຂອງຕະຫຼາດພາກ ພື້ນ ແລະສາກົນ.

     ສ່ວນຢູ່ສະເພາະນະຄອນຫຼວງວຽງ ຈັນ ໃນເທສະການບຸນປີໃໝ່ລາວນີ້ລັດ ຖະບານ ກໍຄືຂະແໜງການອຸດສາຫະກຳ ແລະການຄ້າໄດ້ອອກແຈ້ງການຫ້າມ ພໍ່ຄ້າ-ແມ່ຄ້າ ສວຍໂອກາດຂຶ້ນລາຄາສິນ ຄ້າກະທົບໄວຕໍ່ການດຳລົງຊີວິດ ເປັນຕົ້ນ ແມ່ນໝວດສິນຄ້າປະເພດສະບຽງອາ ຫານໂດຍເຫັນວ່າ ສະພາບການເໜັງຕີງ ທາງດ້ານລາຄາຂອງສິນຄ້າແມ່ນບໍ່ເພີ່ມຂຶ້ນ ຕົ້ນຕໍແມ່ນ ປະເພດຊີ້ນ, ປະເພດປາ ແລະພືດຜັກຕ່າງໆ, ຖືໄດ້ວ່າໂດຍລວມ ເສດຖະກິດພາຍໃນແມ່ນມີຄວາມສະ ຖຽນລະພາບ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ໄປເທິງສຸດ