ແບບແຜນການເຮັດວຽກ ຂອງປະທານ ໄກສອນ ພົມວິຫານ

     ປະທານ ໄກສອນ ພົມວິຫານ ແມ່ນລູກຮັກຫຼານແພງຂອງ ປະຊາຊົນລາວບັນດາເຜົ່າ, ນັກປະຕິວັດທີ່ຍິ່ງໃຫຍ່ຂອງຊາດ ແລະ ເປັນຜູ້ນຳທີ່ປີຊາສາມາດຜູ້ໜຶ່ງທີ່ສະຫຼາດສ່ອງໃສ

ແລະສະດຸ້ງໄວໄດ້ເຂົ້າຮ່ວມການເຄື່ອນໄຫວປະຕິວັດຕັ້ງແຕ່ເຍົາໄວໄດ້ຜ່ານການ ຝຶກຝົນທົດສອບໃນຂະບວນການຕົວຈິງ ແລະໄດ້ກ້າວຂຶ້ນເປັນຜູ້ນຳສູງສຸດຂອງພັກ ແລະລັດເຮົາ.

     ກ່ຽວກັບລະບອບແບບແຜນວິ ທີເຮັດວຽກທີ່ເປັນວິທະຍາສາດ ນັ້ນ ປະທານ ໄກສອນ ພົມວິຫານ ໄດ້ໝູນໃຊ້ທິດສະດີວັດຖຸນິຍົມຈັດຈະວິພາກ, ວິທີວິທະຍາມາກ-ເລນິນ ໃນການເບິ່ງ ແລະແກ້ໄຂບັນຫາທີ່ສຳຄັນຂອງການປະຕິວັດ ແຕ່ວິທີທີ່ໄດ້ປະຕິບັດເຮັດເປັນປະຈຳກ່ອນຈະແກ້ໄຂບັນຫາສຳຄັນ ທີ່ກ່ຽວພັນເຖິງແນວທາງຍຸດທະສາດ, ຍຸດໂທບາຍ, ຍຸດທະສິນ ແຫ່ງການນຳພາການປະຕິວັດນັ້ນ ປະທານ ໄກສອນ ພົມວິຫານ ເອົາໃຈໃສ່ປະຕິບັດດັ່ງນີ້: ກະກຽມຢ່າງຮອບດ້ານດ້ວຍຕົນເອງ ໂດຍເລີ່ມຕົ້ນຈາກການຄົ້ນຄວ້າອ່ານທິດສະດີ, ບົດຮຽນຂອງປະເທດເພື່ອນມິດ ແລະແຜນແນວທາງນະໂຍບາຍຂອງພັກທີ່ວາງອອກແຕ່ໄລຍະໃຫ້ ລະອຽດ; ດຳເນີນການລົງຮາກຖານເກັບກຳສະພາບຄວາມເປັນຈິງ, ເອົາທິດສະດີ, ແນວທາງ, ບົດຮຽນຕ່າງໆໄປເຍືອງເບິ່ງພຶດຕິກຳ ແລ້ວສະຫຼຸບຖອດຖອນບົດຮຽນເປັນທິດສະດີດ້ວຍຕົນເອງ. ພາຍຫຼັງທີ່ກະກຽມຄົ້ນຄວ້າດ້ວຍຕົນເອງຢ່າງລະອຽດແລ້ວກໍດຳເນີນ ການຍາດແຍ່ງຄວາມຄິດຄວາມເຫັນຂອງບັນດາພັກອ້າຍນ້ອງ ແລະຍາດແຍ່ງຄວາມຄິດຄວາມ ເຫັນຂອງປະຊາຊົນ ແລະຊັ້ນຄົນຕ່າງໆແລ້ວມາປັບປຸງຄືນໃໝ່. ຫຼັງຈາກນັ້ນ, ຈິ່ງນຳອອກມາປຶກ ສາຫາລືທີ່ກອງປະຊຸມຂອງພັກ ເພື່ອຄົ້ນຄວ້າ ແລະຕົກລົງເປັນມະຕິເອກະພາບກັນໃນລະດັບສູງ, ຈາກນັ້ນ ແມ່ນຈະເອົາແນວທາງ ແລະມະຕິຕ່າງໆລົງເຜີຍແຜ່ ແລະ ຈັດຕັ້ງປະຕິບັດ; ເພິ່ນບໍ່ພຽງແຕ່ ວາງແນວທາງອອກຢ່າງຖືກ ຕ້ອງເທົ່ານັ້ນ ແຕ່ຍັງເປັນຜູ້ຈັດຕັ້ງ ປະຕິບັດຕື່ມອີກ, ຈັດຕັ້ງຊຸດອົບຮົມລົງເຜີຍແຜ່ແນວທາງລົງສູ່ພະນັກ ງານຫຼັກແຫຼ່ງ, ລົງສູ່ປະຊາຊົນໃນ ຕົວເມືອງ ແລະຊົນນະບົດ, ຫັນແນວທາງໃຫ້ເປັນແຜນການຂອງອົງການອ້ອມຂ້າງສູນກາງ, ທ້ອງຖິ່ນ ແລະປະຊາຊົນທຸກຊັ້ນຄົນ.

     ຜ່ານການເຜີຍແຜ່ ແລະຈັດຕັ້ງປະຕິບັດໃນຂະບວນການວຽກງານຕົວຈິງ ເພື່ອຊອກຫາດ້ານດີ, ດ້ານອ່ອນ ແລ້ວຖອດຖອນມາເປັນບົດຮຽນ, ມາປັບປຸງແນວທາງໃຫ້ ສົມບູນໃນເວລາຈັດຕັ້ງປະຕິບັດ ແມ່ນປະຕິບັດລະບອບຫົວໜ້າດຽວຢ່າງເດັດຂາດ, ດຳເນີນການສະຫຼຸບສັງລວມ, ຖອດຖອນບົດ ຮຽນ ໂດຍເລີ່ມຈາກກອງປະຊຸມຖອດຖອນບົດຮຽນແຕ່ຂັ້ນຮາກຖານ ຂຶ້ນມາເປັນບົດຮຽນລວມ ຂອງທົ່ວພັກ-ລັດ ແລະປະຊາຊົນ. ຈາກນັ້ນ, ຈິ່ງສະຫຼຸບສັງລວມເປັນ ທິດສະດີອັນອຸດົມສົມບູນແລ້ວນຳໄປສູ່ມະຫາຊົນ ເພື່ອຈັດຕັ້ງປະຕິບັດໃຫ້ໄດ້ຮັບໝາກຜົນດີກວ່າເກົ່າ.

     ຂະບວນວິວັດແຫ່ງການຈັດຕັ້ງປະຕິບັດ ແລະສະຫຼຸບສັງລວມ, ຖອດຖອນບົດຮຽນນັ້ນ ທາດແທ້ ແມ່ນຂະບວນການສົ່ງເສີມດ້ານດີ ແລະຕຳນິວິຈານດ້ານອ່ອນຢ່າງເຂັ້ມງວດ ຊຶ່ງອັນນີ້ຖືວ່າເປັນກົດ ເກນແຫ່ງການຄົງຕົວ ແລະຂະຫຍາຍຕົວຂອງພັກເຮົາພັກທີຢຶດໝັ້ນລັດທິມາກ-ເລນິນທີ່ແທ້ຈິງ.

     ປະທານ ໄກສອນ ພົມວິຫານ ໄດ້ເປັນແວ່ນແຍງອັນໃສແຈ້ງ, ເປັນແບບຢ່າງອັນປະເສີດສຳລັບພະນັກງານສະມາຊິກພັກ, ນັກຮົບ ແລະປະຊາຊົນລາວບັນດາເຜົ່າໃນທົ່ວປະເທດທີ່ໄດ້ເສຍສະຫຼະຢ່າງບໍ່ມີຂອບເຂດ ແລະການອຸທິດ ສຸດຊີວິດຂອງຕົນດ້ວຍຄວາມບໍລິ ສຸດຜ່ອງໃສ ເພື່ອຜົນປະໂຫຍດ ລວມຂອງຊາດ ແລະປະຊາຊົນລາວບັນດາເຜົ່າເພື່ອອະນາຄົດ ຂອງລູກຫຼານຮຸ່ນຕໍ່ໆໄປ. ດັ່ງນັ້ນ ພວກເຮົາທຸກຄົນຕ້ອງຝຶກຝົນຫຼໍ່ ຫຼອມ ແລະຮ່ຳຮຽນເອົາແບບແຜນວິທີເຮັດວຽກຂອງ ປະທານ ໄກສອນ ພົມວິຫານ ເພື່ອກໍ່ສ້າງຕົນເອງໃຫ້ກາຍເປັນພະນັກງານ, ສະມາຊິກພັກ ແລະລັດຖະກອນທີ່ມີ ແບບແຜນວິທີເຮັດວຽກ ເພື່ອການຄົງຕົວ ແລະຂະຫຍາຍຕົວຕາມທິດ ກ້າວໜ້າ, ຄົ້ນຄວ້າຮ່ຳຮຽນ ເພື່ອຊອກຫາຄວາມຮູ້ໃໝ່ໆທີ່ກ້າວໜ້າມາປະກອບເຂົ້າໃນວຽກງານຕົວຈິງທີ່ຕົນຮັບຜິດຊອບ, ຝຶກຝົນຫຼໍ່ ຫຼອມຄຸນສົມບັດສິນທຳປະຕິວັດ ແລະວິຖີດຳລົງຊີວິດທີ່ປອດໃສຂາວສະອາດ ຝຶກຝົນຕົນເອງໃຫ້ມີມານະຈິດຕໍ່ສູ້ຢ່າງບໍ່ຮູ້ອິດເມື່ອຍ ເພື່ອຄວາມເປັນເອກະພາບ, ອິດສະຫຼະພາບ, ຄວາມໝັ້ນຄົງເຂັ້ມແຂງ, ຄວາມຜາສຸກ ແລະຄວາມຮຸ່ງເຮືອງສີວິໄລຂອງປະເທດຊາດ ເໝືອນດັ່ງຄຳເວົ້າ ຂອງປະທານ ໄກສອນ ພົມວິຫານ ທີ່ວ່າ “ຄົນ ເຮົາຕ້ອງມີໃຈຖ້າມີໃຈເຮັດຫຍັງ ກໍສຳເລັດຜົນ”.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ