ກະ­ຊວງ​ການ​ເງິນເຜີຍ­ແຜ່​ຂໍ້​ຫ້າມ ແລະ ວິ­ໄນ ແກ່​ພະ­ນັກ­ງານ

ເພື່ອ​ຍົກ​ສູງ​ຄວາມ​ຮັບ­ຜິດ­ຊອບ​ຕໍ່­ໜ້າ​ທີ່​ການ­ເມືອງ, ຄວາມ​ເປັນ​ແບບ­ຢ່າງ​ຂອງ​ພະ­ນັກ­ງານ-ລັດ­ຖະ­ກອນ, ສະ­ກັດກັ້ນ, ຕ້ານ​ພະ­ຍາດ​ອາດ­ຍາ​ສິດ ແລະ​ປາ­ກົດ­ການ​ຫຍໍ້­ທໍ້​ຕ່າງໆ​ທີ່ ເກີດ​ຂຶ້ນ​ໃນ​ຂະ­ແໜງ­ການ​ເງິນ, ໃນ​ວັນ​ທີ 23 ມີ­ນາ 2017 ທີ່ ຫ້ອງ​ປະ­ຊຸມ​ກະ­ຊວງ​ການ​ເງິນ ໄດ້​ຈັດ​ສຳ​ມະ​ນາ​ເຜີຍ­ແຜ່​ຮ່າງ​ຂໍ້​ຕົກ ລົງ​ຂອງ​ລັດ­ຖະ­ມົນ­ຕີ​ກະ­ຊວງ​ການ​ເງິນ ວ່າ​ດ້ວຍ​ຂໍ້​ຫ້າມ ແລະ​ວິ ໄນ ຂອງ​ພະ­ນັກ­ງານ-ລັດ­ຖະ­ກອນ​ຂະ­ແໜງ­ການ​ເງິນ ແລະ​ຄົ້ນຄວ້າ​ປຶກ­ສາ​ຫາ­ລື​ບົດ​ແນະ­ນຳ​ການ­ຈັດ­ຕັ້ງ​ປະ­ຕິ­ບັດ​ຄຳ​ສັ່ງ​ຂອງນາ­ຍົກ­ລັດ­ຖະ­ມົນ­ຕີ ເລກ​ທີ 35/ນຍ, ລົງ​ວັນ​ທີ 06 ກັນ­ຍາ 2007 ວ່າ​ດ້ວຍ​ການ​ຫັນ​ວຽກ​ງານ​ພາ­ສີ, ສ່ວຍ​ສາ​ອາ­ກອນ ແລະ​ຄັງ ເງິນ​ແຫ່ງ​ຊາດ ລວມ​ສູນ​ຕາມ​ສາຍ​ຕັ້ງ​ຂຶ້ນ​ໂດຍ​ກົງ​ກັບ​ກະ­ຊວງ ການ​ເງິນ ໂດຍ​ໃຫ້​ກຽດ​ເປັນ​ປະ­ທານ​ຂອງ ທ່ານ ບຸນ​ໂຈມ ອຸ­ບົນປະ­ເສີດ ຮອງ​ລັດ­ຖະ­ມົນ­ຕີ​ກະ­ຊວງ​ການ​ເງິນ ຊຶ່ງ​ມີ​ບັນ­ດາ​ຫົວໜ້າ​ກົມ, ຮອງ​ກົມ, ຜູ້​ຊ່ວຍ​ວຽກ​ຄະ­ນະ​ນຳ​ກະ­ຊວງ, ຄະ­ນະ​ພະ ແນກ​ອ້ອມ​ຂ້າງ​ກະ­ຊວງ​ການ​ເງິນ​ເຂົ້າ​ຮ່ວມ.

ໃນ​ກອງ​ປະ­ຊຸມ​ດັ່ງ­ກ່າວ ທ່ານ ບຸນ​ໂຈມ ອຸ­ບົນ​ປະ­ເສີດ ໄດ້​ສະເໜີ ແລະ​ເນັ້ນ​ໜັກ​ໃຫ້​ພະ­ນັກ­ງານ-ລັດ­ຖະ­ກອນ​ຂະ­ແໜງ­ການເງິນ​ນັບ​ແຕ່​ສູນ​ກາງ​ຮອດທ້ອງ­ຖິ່ນ ຈົ່ງ​ຍົກ​ສູງ​ຄວາມຮັບ­ຜິດ­ຊອບຕໍ່­ໜ້າ​ທີ່​ການ­ເມືອງ, ຄວາມ​ເປັນ​ແບບ­ຢ່າງ​ຂອງ​ພະ­ນັກ­ງານ-ລັດ­ຖະ­ກອນ, ສະ­ກັດ​ກັ້ນ, ຕ້ານ​ພະ­ຍາດ​ອາດ­ຍາ​ສິດ ແລະ​ປາ­ກົດ ການ​ຫຍໍ້­ທໍ້​ຕ່າງໆ​ທີ່​ເກີດ​ຂຶ້ນ​ໃນ​ຂະ­ແໜງ­ການ​ເງິນ, ປະ­ຕິ­ບັດ​ກົດ ໝາຍ ແລະ​ລະ­ບຽບ​ການ​ຢ່າງ​ເຂັ້ມ​ງວດ, ຄຸ້ມ​ຄອງ, ປ້ອງ​ກັນ ພະ­ນັກ­ງານ​ລັດ­ຖະ­ກອນ​ໃຫ້​ມີ​ລະ­ບຽບ​ວິ­ໄນ​ເຂັ້ມ​ງວດ, ຮັກ­ສາ ໄດ້​ຈັນ​ຍາ​ບັນ ແລະ​ນ້ຳ­ໃຈ​ຮັບ​ໃຊ້​ຊາດ​ຮັບ​ໃຊ້​ປະ­ຊາ­ຊົນ, ຍົກ​ສູງບົດ­ບາດ ແລະ​ຄວາມ​ສາ­ມາດ​ຂອງ​ພະ­ນັກ­ງານ​ລັດ­ຖະ­ກອນ​ຂະ ແໜງ​ການ​ເງິນ, ເພື່ອ​ຮັບ­ປະ­ກັນ​ໃຫ້​ພະ­ນັກ­ງານ-ລັດ­ຖະ­ກອນ​ກໍ​ຄື ການ​ຈັດ​ຕັ້ງ​ຂັ້ັນ​ຕ່າງໆ​ຂອງ​ຂະ­ແໜງ­ການ​ເງິນ​ມີ​ຄວາມ​ໂປ່ງ​ໃສ, ເຂັ້ມ­ແຂງ, ໜັກ​ແໜ້ນ, ເຂັ້ມ​ງວດ​ໃນ​ການ​ປະ­ຕິ­ບັດ​ກົດ­ໝາຍ ແລະ​ລະ­ບຽບ​ການ​ທີ່​ກ່ຽວ­ຂ້ອງ.

ເພື່ອ​ເປົ້າ​ໝາຍ​ດັ່ງ­ກ່າວ​ກະ­ຊວງ​ການ ເງິນ​ຈິ່ງ​ໄດ້​ອອກ​ຂໍ້​ຕົກ­ລົງ​ວ່າ​ດ້ວຍ​ຂໍ້ຫ້າມ ແລະ​ວິ­ໄນ​ສຳ­ລັບ​ພະ­ນັກ­ງານ-ລັດຖະ​ກອນ ແຕ່​ສູນ​ກາງ​ຮອດ​ທ້ອງ­ຖິ່ນ​ຂອງຂະ­ແໜງ­ການ​ເງິນ ມີ​ຢູ່ 10 ຂໍ້​ຫ້າມ ເປັນ­ຕົ້ນ ຫ້າມ​ສ້າງ ແລະ​ລາຍ​ງານ​ຂໍ້​ມູນ ທີ່​ບໍ່​ຖືກ­ຕ້ອງ ຫຼື ບໍ່​ມີ​ມູນ​ຄວາມ​ຈິງ, ສ້າງກຸ່ມ​ກ້ອນ, ປັ່ນ​ປ່ວນ, ແບ່ງ​ແຍກ​ຄວາມສາ­ມັກ­ຄີ​ພາຍ​ໃນ​ກໍ່­ໃຫ້­ເກີດ​ມີ​ຄວາມ​ເສຍຫາຍ​ຕໍ່​ການ­ຈັດ­ຕັ້ງ​ຫຼື​ບຸກ­ຄົນ​ອື່ນ; ຫ້າມສົມ­ຮູ້​ຮ່ວມ​ຄິດ, ປົກ​ປ້ອງ, ເຊື່ອງ­ອຳ​ການກະ­ທຳ​ຜິດ​ຂອງ​ຜູ້​ລະ­ເມີດ​ກົດ­ໝາຍ ແລະ ລະ­ບຽບ​ການ​ກ່ຽວ​ກັບ​ພາ­ສີ, ສ່ວຍ​ສາອາ­ກອນ, ຊັບ​ສິນ​ຂອງ​ລັດ ແລະ​ກົດ­ໝາຍ, ລະ­ບຽບ​ການ​ອື່ນ​ຂອງ​ຂະ­ແໜງ­ການເງິນ, ຫ້າມ​ປອມ​ແປງ​ເອ­ກະ­ສານ, ຖານຂໍ້​ມູນ, ໃບ­ຮັບ (ເກັບ) ເງິນ​ອາ­ກອນ, ພາ­ສີ, ຊັບ​ສິນ, ຄັງ​ເງິນ ແລະ​ອື່ນໆ; ຫ້າມນຳ​ໃຊ້​ເອ­ກະ­ສານ​ປອມ​ເພື່ອ​ຫາ​ຜົນ​ປະໂຫຍດ​ສ່ວນ​ຕົວ; ຫ້າມ​ປົກ​ປິດ, ສົມ­ຮູ້ຮ່ວມ​ຄິດ​ເຊື່ອງ­ອຳ​ຂໍ້​ມູນ, ຫຼັກ​ຖານ ຫຼື ບົດລາຍ​ງານ​ການ​ເງິນ, ຫ້າມ​ສວຍ​ໃຊ້​ໜ້າ ທີ່​ໃນ​ການ​ຕົກ­ລົງ, ປອມ​ແປງ​ມາດ­ຖານ ເຕັກ­ນິກ, ບໍ​ລິ​ມາດ, ລາ­ຄາ​ຫົວ­ໜ່ວຍ, ການ​ປະ­ມູນ, ການ​ຈັດ​ຊື້-ຈັດ​ຈ້າງ, ສັນຍາ​ສຳ​ປະ­ທານ, ການ​ຍັກ​ຍອກ, ສໍ້​ໂກງເອົາ​ຊັບ​ສິນ​ເງິນ​ຄຳ​ຂອງ​ລັດ ແລະ​ຍັງ​ມີ ຂໍ້​ຫ້າມ​ອື່ນໆ​ອີກ​ນອກ­ຈາກ​ບັນ­ດາ​ຂໍ້​ຫ້າມ ຖ້າ​ຫາກ​ພະ­ນັກ­ງານ-ລັດ­ຖະ­ກອນ​ຂະ ແໜງ​ການ​ເງິນ​ລະ­ເມີດ​ຈະ​ຖືກ​ປະ­ຕິ­ບັດ ມາດ​ຕະ­ການ​ລົງ​ວິ­ໄນ​ຕາມ​ລະ­ບຽບ​ການ ແລະ​ກົດ­ໝາຍ​ຢ່າງ​ເຂັ້ມ​ງວດ.

ນອກ​ນີ້​ກອງ​ປະ­ຊຸມ​ຍັງ​ໄດ້​ເຊື່ອມ​ຊຶມ ຄຳ​ສັ່ງ​ຂອງ​ນາ­ຍົກ­ລັດ­ຖະ­ມົນ­ຕີ ສະ­ບັບ ເລກ​ທີ 35/ນຍ ວ່າ​ດ້ວຍ​ການ​ຫັນ​ວຽກງານ​ພາ­ສີ, ສ່ວຍ​ສາ​ອາ­ກອນ ແລະ​ຄັງເງິນ​ແຫ່ງ​ຊາດ ລວມ​ສູນ​ສາຍ​ຕັ້ງ​ຂຶ້ນ​ໂດຍ​ກົງ​ກັບ​ກະ­ຊວງ​ການ​ເງິນ​ຊື່ງ​ເຫັນ​ໄດ້​ວ່າ: ຜ່ານ​ການ­ຈັດ­ຕັ້ງ​ປະ­ຕິ­ບັດ​ການ​ຄຸ້ມ​ຄອງ​ວຽກ​ງານ​ພາ­ສີ, ສ່ວຍ​ສາ​ອາ­ກອນ ແລະ ຄັງ​ເງິນ​ແຫ່ງ​ຊາດ​ຂື້ນ​ກັບ​ກະ­ຊວງ​ການເງິນ​ນັບ​ແຕ່​ປີ 2007 ເຖິງ​ປະ­ຈຸ​ບັນ ແມ່ນມີ​ຫຼາຍ​ດ້ານ​ທີ່​ພົ້ນ​ເດັ່ນ​ໃນ​ຂະ​ບວນ​ການ ຈັດ​ຕັ້ງ​ຜັນ​ຂະ­ຫຍາຍ​ວຽກ​ງານ​ດັ່ງ­ກ່າວ, ມີ​ຄວາມ​ສອດ­ຄ່ອງ​ຕາມ​ທິດ​ຊີ້​ນຳ​ຂອງ ກົມ​ການ­ເມືອງ​ສູນ​ກາງ​ພັກ ແລະ​ລັດ​ຖະ ບານ​ເຮັດ​ໃຫ້­ການ​ຄຸ້ມ​ຄອງ​ລາຍ​ຮັບ-ລາຍ​ຈ່າຍ​ງົບ­ປະ­ມານ​ແຫ່ງ​ລັດ​ເຂົ້າ​ສູ່ ລະ­ບົບ​ລວມ​ສູນ​ເປັນ​ເອ­ກະ​ພາບ​ຕາມ​ກົດໝາຍ ແລະ​ລະ­ບຽບ​ການ​ຕ່າງໆ​ຂອງ​ຂະ­ແໜງ­ການ​ເງິນ​ວາງ​ອອກ.

ຄຽງ​ຄູ່​ກັບ​ບັນ­ຫາ​ທີ່​ພົ້ນ​ເດັ່ນ​ນັ້ນ ກໍ​ຍັງມີ​ຫຼາຍ​ບັນ­ຫາ​ທີ່​ຄົງ​ຄ້າງ​ເປັນ­ຕົ້ນ​ແມ່ນ: ການ​ສຶກ​ສາ​ອົບ­ຮົມ​ການ­ເມືອງ-ແນວ​ຄິດໃຫ້​ແກ່​ພະ­ນັກ­ງານ-ລັດ­ຖະ­ກອນ ຍັງ​ບໍ່ທັນ​ເປັນ​ລະ­ບົບ​ຄົບ​ຊຸດ, ນິ­ຕິ​ກຳ​ລຸ່ມ​ກົດໝາຍ​ທີ່​ກ່ຽວ​ກັບ​ການ​ຄຸ້ມ​ຄອງ​ວຽກ​ງານການ​ເງິນ​ຍັງ​ບໍ່​ທັນ​ຄົບ​ຖ້ວນ ຫຼື ບັນ­ດານິ­ຕິ​ກຳ​ທີ່​ມີ​ຢູ່​ແລ້ວ​ຍັງ​ບໍ່​ທັນ​ລະ­ບຸ​ຈະ­ແຈ້ງໃນ​ການ​ຄຸ້ມ​ຄອງ​ສາມ​ຂະ­ແໜງ​ສາຍ​ຕັ້ງ,  ການ­ຈັດ­ຕັ້ງ​ຜັນ​ຂະ­ຫຍາຍ​ບັນ­ດາ​ກົດໝາຍ, ນິ­ຕິ​ກຳ​ລຸ່ມ​ກົດ­ໝາຍ​ທີ່​ມີ​ໃນ​ປະ­ຈຸບັນ​ ຍັງ​ບໍ່​ທັນ​ທົ່ວ​ເຖິງ, ການ​ປະ​ສານ​ສົົມທົບ ແລະ​ການ​ແບ່ງ​ຂັ້ນ​ຄຸ້ມ​ຄອງ​ລະຫວ່າງ​ສູນ​ກາງ ແລະ​ທ້ອງ­ຖິ່ນ ໃນ​ການຄຸ້ມ​ຄອງສາມ​ຂະ­ແໜງ​ສາຍ​ຕັ້ງ​ຍັງ​ບໍ່​ທັນຈະ­ແຈ້ງ ແລະ​ຊັດ​ເຈນ​ເທົ່າ​ທີ່​ຄວນ​ຊຶ່ງ​ບັນ­ຫາ​ດັ່ງ­ກ່າວ​ນັ້ນ​ແມ່ນ​ຈະ​ໄດ້​ຮັບ​ການ​ປັບ­ປຸງ​ແກ້​ໄຂ​ຕໍ່​ໄປ.

ໂດຍ: ສຸ­ວັນ​ໄຊ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.