ການ​ຄ້າ​ຈີນ-​ຫວຽດນາມ ​ເພີ່ມ​ຂຶ້ນ 14,6%

ການ​ຮ່ວມ​ມື​ເສດຖະກິດ​ການ​ຄ້າ ສປ ຈີນ ​ແລະ ສສ ​ຫວຽດນາມ ​ນັບ​ມື້​ດີ​ຂຶ້ນ ​ໂດຍ​ການ​ຄ້າ​ທັງ​ສອງ​ຝ່າຍ​​ໃນ​ປີ​ທີ່​ຜ່ານ​ມາ​ໄດ້​ເພີ່ມ​ຂຶ້ນ 14,6%.

ທ່ານ ຮູ​​ໂສ​ຈິນ ທີ່​ປຶກສາ​​ເສດຖະກິດ​ການ​ຄ້າ​ຂອງ​ສະຖານທູດ​ສປ ຈີນ​ປະຈຳ​ສສ ຫວຽດນາມ ກ່າວ​ໃນ​ກອງ​ປະຊຸມ​ຂ່າວ​ວ່າ, ການ​ຮ່ວມ​ມື​ເສດຖະກິດ​ການ​ຄ້າ​ຈີນ-​ຫວຽດນາມ​ມີ​ຈຸດ​ເດັ່ນຫຼາຍ ຄື ຂະໜາດ​ການ​ຄ້າ​​ໄດ້ເປີດ​ກວ້າງ​ອອກ​ຢ່າງ​ວ່ອງ​ໄວ, ສະພາບຄວາມ​ບໍ່​ດຸນ​ດ່ຽງ​ກັນ​ດ້ານ​ການ​ຄ້າ​ຄ່ອຍໆ​ປ່ຽນ​ແປງ, ອົງ​ປະກອບ​ດ້ານ​ການ​ຄ້າ​ດີ​ຂຶ້ນຢ່າງ​ວ່ອງ​ໄວ ​ແລະ​ ການ​ຄ້າ​ຊາຍ​ແດນ​ໄດ້​ເສີມ​ຂະຫຍາຍ​ບົດບາດ​ທີ່​ສຳຄັນ.  ທ່ານ ຮູ​ໂສ​ຈິນ ກ່າວ​ວ່າ, ​​ປີ 2015 ການ​ຄ້າ​ຈີນ-​ຫວຽດນາມ​ໄດ້​ເພີ່ມ​ຂຶ້ນ 14,6%, ​ໃນ​ນັ້ນ ຈີນ​ສົ່ງ​ອອກ​​ໄປ​ຫວຽດນາມ​ເພີ່ມ​ຂຶ້ນ 3,8%, ຂະນະ​ທີ່​ຫວຽດນາມ​ສົ່ງ​ອອກ​ມາ​ຈີນ​ເພີ່ມ​ຂຶ້ນ 49,1% ​ເກືອບ​ 13 ​ເທົ່າ​ຂອງ​ການ​ນຳ​ເຂົ້າຈາກ​ຈີນ. ຂະນະ​ດຽວ​ກັນ, ຂະ​ແໜງ​​ເຕັກນິກ​ ແລະ ​ເງິນ​ທຶນ​ລວມ​ສູນ​ຂອງຫວຽດນາມ ​ໄດ້​ພັດທະນາ​ຢ່າງ​ວ່ອງ​ໄວ ​​ໂດຍ​ຄ່ອຍໆ​ກາຍ​ເປັນກຳລັງ​ສຳຄັນ​ຕໍ່​ການ​ຄ້າ​ຈີນ-​ຫວຽດນາມ.

ນອກ​ນີ້, ການ​ຄ້າ​ຊາຍ​ແດນ​ລະຫວ່າງ​ສອງ​ປະ​ເທດ ​ໄດ້​ກາຍ​ເປັນ​ສ່ວນ​​ສຳຄັນ​ທີ່​ຂາດ​ບໍ່​ໄດ້ ​​ໂດຍ​​ໄດ້​ເສີມ​ຂະຫຍາຍ​ບົດບາດ​ທີ່​ສຳຄັນ​ຕໍ່​ການ​ເຮັດ​ໃຫ້​ເຂດ​ຊາຍ​ແດນ​ຈະ​ເລີ​ນຮຸ່ງ​ເຮືອງ​ຂຶ້ນ ທັງ​ເຮັດ​ໃຫ້​ປະຊາຊົນ​ຮັ່ງມີ​ຂຶ້ນ ​ແລະ​ຊຸກຍູ້​ການ​ພັດທະນາ​ສາຍ​ພົວພັນ​ສອງ​ປະ​ເທ​ດ​ໃຫ້​ຈະ​ເລີ​ນງອກ​ງາມ​ຍິ່ງຂຶ້ນ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.