ກຳປູ​ເຈຍ​ເປີດ​ນຳ​ໃຊ້ເຄ​ເບິນ​ໃຍ​ແສງ​ສາຍ​ທຳ​ອິດ​

ເຄ​ເບິນ​ໃຍ​​ແສງ​ສາຍ​ທຳ​ອິດ​ຂອງ​​ກຳປູ​ເຈຍ​ທີ່​ລົງທຶນ​ປະມານ 80 ລ້ານ​ໂດ​ລາ​ສະຫະລັດ​ ໄດ້​ເລີ່​ມນຳ​ໃຊ້​ຢ່າງ​ເປັນ​ທາງ​ການ​ໃນ​ທ້າຍ​ອາທິດ​ທີ່​ຜ່ານ​ມາ ​​ແລະ​ ກາຍ​ເປັນ​ການສິ້ນ​ສຸດ​ປະຫວັດສາດ​ທີ່​ຢື​ມ​ໃຊ້ຈາກ​​ປະ​ເທດ​ໄທ​ຫຼືສສຫວຽດນາມ​ກ່ອນ​ໜ້າ​ນີ້ ​ແລະ​ ໄດ້​​ໄຂ​ສັງ​ກາດ​ໃໝ່​​ໃນ​ການ​ຕິດ​ຕໍ່​ສື່ສານໂດຍ​ກົງກັບອາຊີ​ ແລະ​​ ອາຊຽນ.

ສຳນັກ​ຂ່າວສານ​ຈີນລາຍ​ງານ​ວ່າ ທັງ​ນີ້ ​ເຄ​ເບິ​ນສາຍ​ນີ້​ໄດ້ “ນຳ​ໃຊ້​ເຕັກນິກ​ສົ່ງ 100 ​Gbps ທີ່​ກ້າວໜ້າ​ເຊິ່ງສາມາດ​ຍົກ​ຄວາມ​ໄວ​ຂອງ​ເຄືອ​ຂ່າຍ​ເຖິງ 30 Tbps ຕໍ່​ໜຶ່ງ​ວິນາທີ​ ແລະ ​ສາມາດ​ເຊື່ອມ​ໂຍງ​ກັບ​ອາຊີ​ ແລະ​ ປະ​ເທດ​​ໃນອາ​ຊຽນ​ໂດຍ​ກົງ​ໂດຍ​ບໍ່​ຕ້ອງຜ່ານ​​ໄທ​ຫຼືຫວຽດນາມພ້ອມ​ທັງໄດ້​ຍົກ​ສູງປະສິດທິພາບ​ການ​ສື່ສານ​ຂອງ​ທ້ອງ​ຖິ່ນ​ ແລະ​ຫຼຸດຕົ້ນ​ທຶນ​ການ​ເກັບ​ຄ່າ​ບໍລິການທັງ​ມີ​ຜົນ​ດີ​ຕໍ່​ການ​ດຶງ​ດູດ​ການ​ລົງທຶນ​ຈາກ​ພາຍ​ນອກ​ເຂົ້າສູ່​ກຳປູ​ເຈຍ.

ແນວ​ໃດ​ກໍ​ດີ ກະຊວງ​ໄປສະນີ​ໂທລະ​ຄົມ​ກຳປູ​ເຈຍ​ໄດ້​ອອກ​ໃບ​ອະນຸຍາດ​ທຸລະ​ກິດ​ເຄ​ເບິນ​ໃຕ້​ທະ​ເລ​ໃຫ້​ບໍລິສັດ​ໂທລະ​ຄົມ 3 ​ແຫ່ງ​ແລ້ວ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.