ກິນໄຂ່ຕ້ານພະຍາດ

“ໄຂ່ໄກ່” ເປັນອາຫານທີ່ມີຄຸນຄ່າທາງໂພຊະນາການສູງເຕັມໄປດ້ວຍສານອາຫານທີ່ຮ່າງກາຍຕ້ອງການໃນໄຂ່ໄກ່ 1 ໜ່ວຍ ນໍ້າໜັກສະເລ່ຍປະມານ 50 ກຣາມຈະໃຫ້ພະລັງງານປະມານ 75-80 ແຄລໍຣີ ມີ ໂປຣຕີນສູງເຖິງ 7 ກຣາມ.

ໄຂ່ຂາວ: ມີນໍ້າໜັກປະມານ 2 ໃນ 3 ຂອງໄຂ່ໝົດໜ່ວຍປະກອບໄປດ້ວຍໂປຣຕີນຄຸນນະພາບສູງປະມານ 12% ມີສານສຳຄັນທີ່ເປັນອົງປະກອບຂອງໂປຣຕີນທີ່ອຸດົມໄປດ້ວຍກົດອະມີໂນ 8 ຊະນິດທີ່ຈຳເປັນຕໍ່ຮ່າງກາຍ.

ໄຂ່ແດງ: ມີນໍ້າໜັກປະມານ 1 ໃນ 3 ຂອງນໍ້າໜັກໄຂ່ປະກອບໄປດ້ວຍໂປຣຕີນ, ໄຂມັນ, ວິຕາມິນ ແລະ ແຮ່ທາດທີ່ສຳຄັນສຳລັບໄຂມັນທີ່ມີຢູ່ຂ້ອນຂ້າງຫຼາຍໃນໄຂ່ແດງນັ້ນເປັນໄຂມັນປະເພດອີ່ມຕົວລວມເຖິງໂອເມ ກ້າ 3 ທີ່ຊ່ວຍຫຼຸດອັດຕາສ່ຽງຕໍ່ໍ ການເກີດໂລກຫົວໃຈຂາດເລືອດຊຶ່ງຄຸນຄ່າເໜືອໄຂມັນປາເຊມອນ ແລະ ປາທະເລ.

ນອກຈາກນີ້ໂປຣຕີນທີ່ມີປະລິມານສູງໃນໄຂ່ໄກ່ນັ້ນສານອາຫານຈຳພວກໄຂມັນ ແລະ ຄໍເລດສເຕີຣອນບໍ່ໄດ້ເປັນສາເຫດ ແລະ ຄວາມສ່ຽງເຊື່ອມໂຍງໃດໆຕໍ່ໂລກຫົວໃຈ ແລະຫຼອດເລືອດເມື່ອຮັບປະທານໃນປະລິມານທີ່ເໝາະສົມທີ່ສຳຄັນໄຂ່ໄກ່ 1 ໜ່ວຍ ຍັງມີວິຕາມິນ ແລະ ແຮ່ທາດຫຼາຍເຊັ່ນ: ວິຕາມິນບີ1, ບີ2, ບີ6, ວິຕາມິນດີ, ໂຄລີນ, ອິໂນຊິທອລ, ແຄລຊຽມ, ຟົດສະຟໍ ແລະ ໂປຣແຕຊຽມເປັນຕົ້ນໂດຍໃນສ່ວນຂອງໂຄລີນທີ່ພົບໃນໄຂ່ນັ້ນເປັນສ່ວນປະກອບໃນສານທີ່ເອີ້ນວ່າ: ເລຊິຕິຮໂດຍປະຈຸບັນພົບວ່າສານເລຊິຕິນນີ້ເປັນທີ່ນິຍົມຂອງຜູ້ບໍລິໂພກທີ່ມັກຮັບປະທານໃນຮູບອາຫານເສີມສຸຂະພາບຊ່ວຍບຳລຸງສະໝອງ ແລະ ປ້ອງກັນພາວະຜິດປົກກະຕິຂອງລະບົບປະສາດ. ສະຫຼຸບວ່າ “ໄຂ່ໄກ່” ເປັນຂອງດີລາຄາຖືກຄຸນປະໂຫຍດຫຼາຍຄືແນວນີ້ບໍ່ຮັບປະທານບໍ່ໄດ້ແລ້ວ!.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.