ກິນໝາກກ້ວຍຕອນແລງ ຫຼຸດນໍ້າໜັກໄດ້ແທ້ຫຼືບໍ່?

ກິນ​ໝາກ­ກ້ວຍ​ມື້​ແລງ​ຫຼຸດ​ນໍ້າ­ໜັກ​ໄດ້​ແທ້​ຫຼື​ບໍ່ ໃຜ​ກຳ​ລົງ​ຊອກ​ຫາ​ສູດ​ຫຼຸດ​ນ້ຳ­ໜັກ​ຄວາມ​ອ້ວນ​ງ່າຍໆ ມາ​ໄຂ​ຄຳ​ຕອບ​ເລື່ອງ​ນີ້​ພ້ອມ​ກັນ.

ກິນ​ໝາກ­ກ້ວຍ​ມື້​ແລງ ຫຼຸດ​ນໍ້າ­ໜັກ​ໄດ້​ແນວ­ໃດ?

ໝາກ­ກ້ວຍ​ມີ​ວິ­ຕາ­ມິນ​ບີ 1 ແລະ​ບີ 2 ທີ່​ຊ່ວຍ​ເລັ່ງ​ການ​ເຜົາ​ໄໝ້​ຂອງ​ນ້ຳ­ຕານ ແລະ​ໄຂ­ມັນ ອີກ​ທັງ​ມີ​ຄາ​ໂບ​ໄຮ​ເດຣດ​ຊະ­ນິດ​ດິ​ຕໍ່​ຮ່າງ­ກາຍ ມີ​ໄຟ​ເບີ​ຊະ­ນິດ​ລະ­ລາຍ​ນ້ຳ​ໄດ້ ດັ່ງ­ນັ້ນ​ເມື່ອ​ໝາກ­ກ້ວຍ​ຕົກ​ເຂົ້າ​ໄປ​ໃນ​ລະ­ບົບ​ຍ່ອຍ​ອາ­ຫານ​ຈິ່ງ​ດູດ​ນ້ຳ​ອິ່ມ​ຕົວ ແລະ​ຊ່ວຍ​ໃຫ້​ທ້ອງ​ຮູ້­ສຶກ​ອີ່ມ​ໄດ້​ດົນ​ຂຶ້ນ.

ແຖມ​ຫາກ​ກິນ​ໝາກ­ກ້ວຍ​ມື້​ແລງ​ຈັກ​ໜ່ວຍ ຄວາມ​ຫວານ​ໃນ​ຕົວ​ໝາກ­ກ້ວຍ​ຍັງ​ຈະ​ຊ່ວຍ​ຫຼຸດ​ຄວາມ​ຢາກ​ຂອງ­ຫວານໆ ຫຼື​ອາ­ຫານ​ປະ­ເພດ​ຈັງ​ຟູດ ໄດ້​ອີກ​ຕ່າງ­ຫາກ ແລະ​ທີ່​ສຳ­ຄັນ​ຄວາມ​ຫວານ​ໃນ​ສ່ວນ​ນີ້​ຍັງ​ປາ­ສະ­ຈາກ​ແຄ​ລໍ​ຣີ​ອີກ​ດ້ວຍ.

ນອກ­ຈາກ​ນີ້​ການ​ກິນ​ໝາກ­ກ້ວຍ​ໃນ​ຊ່ວງ​ຕອນ​ແລງ​ຍັງ​ມີ​ປະ­ໂຫຍດ​ພໍໆກັບ​ການ​ກິນ​ໝາກ­ກ້ວຍ​ຕອນ​ເຊົ້າ​ເລີຍ ເພາະ­ວ່າ​ຈະ​ກິນ​ໝາກ­ກ້ວຍ​ຕອນ​ໃດ ໝາກ­ກ້ວຍ​ແນວ­ໃດ​ກໍ່​ເປັນ​ໝາກ­ກ້ວຍ​ທີ່​ອຸ­ດົມ​ໄປ​ດ້ວຍ​ວິ­ຕາ­ມິນ​ບີ 6 ຊຶ່ງ​ຖື​ເປັນ​ໂຄ​ເອນ​ໄຊ ສຳ­ຄັນ​ຂອງ​ຂະ​ບວນ​ການ​ເຜົາ​ໄໝ້​ໃນ​ຮ່າງ­ກາຍ ນັ້ນ​ກໍ່​ເທົ່າ​ກັບ​ວ່າ ເມື່ອ​ກິນ​ໝາກ­ກ້ວຍ​ມື້​ແລງ​ເຂົ້າ​ໄປ ລະ­ບົບ​ການ​ເຜົາ​ໄໝ້​ໃນ​ຮ່າງ­ກາຍ​ກໍ່​ຈະ​ເຮັດ​ວຽກ​ແບບ​ເບົາ​ຕົນ​ເບົາ​ໂຕ​ຫຼາຍ​ຂຶ້ນ ເຜົາ​ໄໝ້​ອາ­ຫານ​ທີ່​ເຮົາ​ກິນ​ມາ​ໝົດ​ມື້​ໄດ້​ດີ​ຂຶ້ນ​ນັ້ນ​ເອງ.

ແລະ​ຫາກ​ເປັນ​ຄົນ​ທີ່​ມັກ​ຈະ​ນອນ​ຫຼັບ​ຍາກ ຫຼື ນອນ​ຫຼັບ​ດ້ວຍ​ຄວາມ​ຢູ່​ຍາກ​ຕະ­ຫຼອດ ຢາກ​ໃຫ້​ລອງ​ກິນ​ໝາກ­ກ້ວຍ​ຕອນ​ແລງ​ເບິ່ງ​ຈັກ​ເທື່ອ​ໜຶ່ງ ເພາະ​ໝາກ­ກ້ວຍ​ອຸ­ດົມ​ໄປ​ດ້ວຍ​ໄດ​ອະ​ມິ​ໂນ ແລະ​ທິບ​ໂຕ​ເຟນ ສານ​ປະ­ກອບ​ສຳ­ຄັນ​ຂອງ​ການ​ສ້າງ​ເຊ​ໂຣ​ໂທ​ນິນ​ໃນ​ສະ­ໝອງ ຊຶ່ງ​ປຽບ​ຄື​ກັບ​ຢາ­ລະ­ງັບ­ປະ­ສາດ​ແບບ​ທຳ​ມະ​ຊາດ ຊ່ວຍ​ໃຫ້​ນອນ​ຫຼັບ​ງ່າຍ​ກວ່າ​ທີ່​ເຄີຍ​ອີກ​ດ້ວຍ.

ແນວ­ໃດ​ກໍ່​ຕາມ ໃນ​ແຕ່​ລະ​ມື້​ເຮົາ​ກໍ່​ຄວນ​ຮັບ​ປະ­ທານ​ອາ­ຫານ​ໃຫ້​ຄົບ 5 ໝູ່ ໂດຍ​ອາດ​ຈະ​ຮັບ​ປະ­ທານ​ໝາກ­ກ້ວຍ​ເປັນ​ຕອນ​ແລງ​ຈັກ 1Œ2 ໝ່ວຍ ຮ່ວມ​ກັບ​ຮັບ​ປະ­ທານ​ອາ­ຫານ​ແຄ​ລໍ​ຣີ​ຕ່ຳ​ປະ­ເພດ​ອື່ນໆ ພ້ອມ​ທັງ​ພະ­ຍາ­ຍາມ​ດື່ມ­ນ້ຳ​ສະ­ອາດ​ຫຼາຍໆ ອອກ­ກຳ­ລັງ​ກາຍ​ແດ່ ບໍ່​ຄຽດ ແລະ​ບໍ່​ນອນ​ເດີກ​ເດັດ­ຂາດ ທັງ​ໝົດ​ນີ້​ກໍ່​ຄົງ​ບໍ່​ຍາກ​ເກີນ​ຄວາມ​ຮູ້­ສຶກ​ຢາກ​ມີ​ຮຸ່ນ​ດີໆ​ແລ້ວ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.