ຂຶ້ນ​ຍົນ​ແອ​ເອ​ເຊຍ​ອະ­ນຸ­ຍາດ​ຖື​ກະ​ເປົ໋າໄດ້​ໝ່ວຍ​ດຽວ

ສາຍ​ການ­ບິນ​ແອ​ເຊ​ເຊຍ​ແຈ້ງ​ເຕືອນລູກ​ຄ້າ​ກ່ອນ​ການ​ເດີນ­ທາງ​ນັບ​ແຕ່​ວັນ​ທີ 14 ມີ­ນາ 2017ເປັນ​ຕົ້ົນ​ໄປ AirAsia ຈະ​ເລີ່ມ​ຕົນ​ບັງ­ຄັບ​ໃຊ້​ເງື່ອນ­ໄຂ​ຂໍ້​ກຳ­ນົດເລື່ອງ​ເຄື່ອງ​ຫີ້ວ​ຕິດ​ຕົວ ເພື່ອ​ຮັບ­ປະ­ກັນການ​ຂຶ້ນ​ຍົນ​ໄດ້​ໄວ​ສະ­ດວກ​ສະ­ບາຍ ແລະ ມີ​ບ່ອນ​ເກັບ​ມ້ຽນ​ເຄື່ອງ​ທີ່​ພຽງ­ພໍ​ຢູ່​ໃນ​ຍົນ ໃຫ້​ກັບ​ທຸກໆ​ຄົນ.

ໂດຍ​ທາງ​ແອ​ເອ​ເຊຍ​ແຈ້ງ­ວ່າ: ແຂກໂດຍ­ສານ​ທີ່​ມາ​ໃຊ້​ບໍ­ລິ­ການ​ສາຍ​ກາຍ​ບິນ ຂອງ​ຕົນ​ແມ່ນ​ໄດ້​ຮັບ​ອະ­ນຸ­ຍາດ​ໃຫ້​ຖື​ແຕ່​ກະ​ເປົ໋າ​ຫີ້ວ​ໜ່ວຍ​ດຽວ​ເທົ່າ​ນັ້ນ ຊຶ່ງ​ມີ​ຂະໜາດ​ບໍ່​ເກີນ 56x36x 23 ຊັງ​ຕີ​ແມັດ (ລວມທັງ​ຫູ​ຫີ້ວ ແລະ​ລໍ້) ບວກ​ໃສ່​ກະ​ເປົ໋າ​ນ້ອຍ ໜ່ວຍ​ໜຶ່ງ​ເຊັ່ນ: ຖົງ​ແລັບ​ທັອບ ຫຼື ຖົງ ຫີ້ວ, ຂະ­ໜາດ​ບໍ່​ເກີນ 40x30x10 ຊັງ​ຕີແມັດ ນ້ຳ­ໜັກ​ຂອງ​ກະ​ເປົ໋າ​ທັງ​ສອງ​ໜ່ວຍລວມ​ກັນ​ບໍ່​ໃຫ້​ເກີນ 7 ກິ​ໂລ ແຂກ​ໂດຍສານ​ທີ່​ມີ​ກະ​ເປົ໋າ​ຫີ້ວ​ຕິດ​ຕົວ​ທີ່​ມີ​ນ້ຳ­ໜັກ ເກີນ, ຂະ­ໜາດ​ເກີນ ຫຼື ເກີນ​ຈຳ­ນວນ​ໜ່ວຍ ອະ­ນຸ­ຍາດ​ແມ່ນ​ຈະ​ຖື​ເກັບ​ຄ່າ​ກະ​ເປົ໋າ​ຕໍ່ ກິ​ໂລ ຫຼື ເກັບ​ຄ່າ​ກະ​ເປົ໋າ​ຢູ່​ປະ­ຕູ​ທາງ​ອອກ.

ເພື່ອ​ຄວາມ​ສະ­ດວກ​ກ່ອນ​ການ​ເດີນ ທາງ​ແນະ­ນຳ​ໃຫ້​ແຂກ​ກວດ­ເບິ່ງ​ການ ອະ­ນຸ­ຍາດ​ຖືກ​ກະ​ເປົ໋າ​ກ່ອນ​ຈອງ​ທາງ ອອນ​ລາຍ ເມື່ອ​ທຳ​ການ​ຈອງ​ຖ້ຽວ​ບິນ ຂອງ​ຕົນ​ເອງ ຫຼື ຜ່ານ Manage My Booking ແກັດ​ເຄື່ອງ ແລະ​ກະ​ເປົ໋າ​ເປ້ໃຫຍ່​ແມ່ນ​ບໍ່​ອະ­ນຸ­ຍາດ​ໃຫ້​ເອົາ​ຂຶ້ນ​ຍົນ  ແລະ​ຕ້ອງ​ໄດ​ແຈ້ງ​ກະ​ເປົ໋າ​ຫຼາຍ​ໜ່ວຍ​ທີ່ເອົາ​ຕິດ​ໃສ່​ກັນ ຫຼື ມັດ​ໃສ່​ກັນ​ແມ່ນ​ຈະ​ບໍ່ຖືກ​ນັບ​ວ່າ​ເປັນ​ກະ​ເປົ໋າ​ຫີ້ວ​ຂຶ້ນ​ຍົນ​ໜ່ວຍດຽວ ແລະ​ສິນ­ຄ້າ​ປອດ​ພາ­ສີ​ທີ່​ຊື້​ຢູ່​ສະ­ໜາມບິນ​ແມ່ນ​ໄດ້​ຮັບ​ການ​ຍົກ­ເວັ້ນ​ຈາກ​ເງື່ອນ ໄຂ​ກຳ­ນົດ​ເຄື່ອງ​ຫີ້ວ​ຕິດ​ຕົວ, ໂດຍ​ມີ​ເງື່ອນໄຂ​ວ່າ ສິນ­ຄ້າ​ເຫຼົ່າ­ນັ້ນ​ຢູ່​ພາຍ​ໃນ​ຂອບ ການ​ອະ­ນຸ­ຍາດ​ວ່າ ປອດ​ພາ­ສີ​ຂອງ​ປະເທດ​ປາຍ­ທາງ ແລະ​ສິນ­ຄ້າ​ດັ່ງ­ກ່າວ​ແມ່ນ ຕ້ອງ​ມີ​ຫຼັກ​ຖານ​ການ​ຊື້​ຈົນ​ກວ່າ​ຮອດບ່ອນ​ລົງ​ຍົນ.

ເມື່ອ​ມີ​ເດັກ​ອ່ອນ ຫຼື ເດັກ­ນ້ອຍ​ເດີນ ທາງ​ນຳ, ປະ­ເພດ​ລໍ້​ເດັກ, ລໍ້​ຊຸກ​ເດັກ ແລະ ລົດ​ລໍ້​ເດັກ​ແມ່ນ​ບໍ່​ໃຫ້​ເອົາ​ຂຶ້ນ​ຍົນ ແຕ່​ສາ ມາດ​ແຈ້ງ​ຝາກ​ໄດ້​ຟຣີ​ເບາະ​ນັ່ງ​ລົດ​ຂອງ ເດັກ​ແມ່ນ​ຕ້ອງ​ໄດ້​ແຈ້ງ​ແຕ່​ຈະ​ເປັນ​ສ່ວນໜຶ່ງ​ຂອງ​ກະ​ເປົ໋າ​ທີ່​ອະ­ນຸ­ຍາດ​ຕາມ​ທີ່ ແຈ້ງ ເພື່ອ​ສຶກ​ສາ​ໃຫ້​ຢາກ​ຮູ້​ຂໍ້​ມູນ​ລາຍ​ລະ ອຽດ​ກ່ຽວ​ກັບ​ກຳ­ນົດ​ກະ​ເປົ໋າ​ຕິດ​ຕົວຂຶ້ນ​ຍົນ​ເພີ່ມ​ເຕີມ, ກະ­ລຸ­ນາ​ໄປ​ທີ່ airasia.com ແລະ​ຊອກ​ຫາ​ຂໍ້​ມູນ​ກະ​ເປົ໋າ (Baggage Info) ຢູ່​ກ້ອງ​ພາກ​ຂໍ້​ມູນ​ການ​ເດີນທາງ (Travel Information) ຫຼື ເຂົ້າ ເບິ່ງ​ເວັບ​ໄຊ ພາຍ​ໃນ AskAirAsia (askairasia.com).

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.