ຄຈສພ ເຜີຍ­ແຜ່​ເອ­ກະ­ສານ​ ເລືອກ​ຕັ້ງ ສສຊ ແລະ​ ສສຂ

   ວັນ​ທີ 7 ມີ­ນາ 2016 ຄະ­ນະ​ຈັດຕັ້ງ​ສູນ​ກາງ​ພັກ (ຄຈສພ) ໄດ້​ຈັດ​ກອງປະ­ຊຸມ​ເຜີຍ­ແຜ່​ເຊື່ອມ​ຊຶມ​ເອ­ກະ­ສານ​ກ່ຽວ ກັບ​ການ​ປ່ອນ​ບັດ​ເລືອກ​ຕັ້ງ​ສະ­ມາ­ຊິກ​ສະພາ​ແຫ່ງ​ຊາດ (ສສຊ) ຊຸດ​ທີ VIII ແລະ ສະ­ມາ­ຊິກ​ສະ­ພາ​ຂັ້ນ​ແຂວງໂດຍ​ການເຜີຍ­ແຜ່​ຂອງ ສະ­ຫາຍ ທອງ​ຈັນ ໂຂງ​ພູມຄຳ ແລະ ສະ­ຫາຍ ວັນ​ໄຊ ພອງ​ສະ­ຫວັນ ຄະ­ນະ​ພັກຄະ­ນະ​ຈັດ​ຕັ້ງ​ສູນ​ກາງ​ພັກ, ມີພະ­ນັກ­ງານ-ສະ­ມາ­ຊິກ​ພັກ​ທົ່ວ​ສຳ­ນັກ​ງານ​ຄຈສພ​ເຂົ້າ​ຮ່ວມ.

   ເອ­ກະ­ສານ​ທີ່​ນຳ​ມາ​ເຜີຍ­ແຜ່​ປະ­ກອບມີ​ກົດ­ໝາຍ​ວ່າ​ດ້ວຍ​ການ​ເລືອກ​ຕັ້ງ, ມະ­ຕິຕົກ­ລົງ​ຂອງ​ກົມ​ການ­ເມືອງ​ສູນ​ກາງ​ພັກ ເລກ​ທີ 29 ລົງ​ວັນ​ທີ 21 ທັນ­ວາ 2015 ວ່າ​ດ້ວຍ​ການ​ເພີ່ມ​ທະ­ວີ​ການ​ຊີ້​ນຳ​ຂອງພັກ​ຕໍ່​ການ​ເລືອກ​ຕັ້ງ​ສະ­ມາ­ຊິກ​ສະ­ພາແຫ່ງ​ຊາດ​ຊຸດ​ທີ VIII ແລະ​ສະ­ມາ­ຊິກ​ສະພາ​ປະ­ຊາ­ຊົນ​ແຂວງ, ນະ­ຄອນ­ຫຼວງ​ໄລຍະ 2016-2020, ຄຳ​ແນະ­ນຳ​ຂອງ​ຄະນະ​ກຳ­ມະ­ການ​ໂຄ­ສະ­ນາ ແລະ​ປຸກ­ລະ­ດົມຂະ​ບວນ​ການ​ໃນ​ບັ້ນ​ເລືອກ​ຕັ້ງ, ຄຳ​ແນະນຳ​ວ່າ​ດ້ວຍ​ການ​ໂຄ­ສະ­ນາ​ຫາ​ສຽງ​ຜູ້​ສະໝັກ​ຮັບ​ເລືອກ​ຕັ້ງ,

ຄຳ​ແນະ­ນຳ​ຂອງ​ຄະ­ນະ​ກຳ­ມະ­ການເລືອກ​ຕັ້ງ​ລະ­ດັບ​ຊາດ​ກ່ຽວ​ກັບ​ການ​ປ່ອນບັດ, ການ​ນັບ​ຄະ­ແນນ​ສຽງ ແລະ​ປະ ກາດ​ຜົນ​ຂອງ​ການ​ເລືອກ​ຕັ້ງ​ທັງ​ໝົດ​ນັ້ນກໍ​ເພື່ອ​ສ້າງ​ຄວາມ​ຮັບ​ຮູ້​ເຂົ້າ­ໃຈ​ໃຫ້​ຜູ້​ມີສິດ​ປ່ອນ​ບັດ​ເລືອກ​ຕັ້ງ​ໄດ້​ເຂົ້າ­ໃຈ​ຢ່າງເລິກ­ເຊິ່ງ​ເຖິງ​ຄວາມ​ໝາຍ​ສຳ­ຄັນ​ໃນ​ບັ້ນເລືອກ​ຕັ້ງ​ຄັ້ງ​ນີ້ແນ­ໃສ່​ໃຫ້​ຜູ້​ມີ​ສິດ​ປ່ອນ​ບັດເລືອກ​ຕັ້ງ​ໄດ້​ໃຊ້​ສິດ​ປະ­ຊາ­ທິ­ປະ­ໄຕ​ຂອງຕົນ​ຢ່າງ​ເຕັມ​ສ່ວນທັງ​ຮັບ­ປະ­ກັນ​ໃຫ້​ຜູ້​ມີ​ສິດ​ປ່ອນ​ບັດ​ເລືອກ​ຕັ້ງ​ໄດ້​ໄປ​ໃຊ້​ສິດ 100%.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.