ຄວາມ​ເຊື່ອ​ໝັ້ນ​ຜູ້​ຜະ​ລິດ​ລາຍ​ໃຫຍ່​ຍີ່ປຸ່ນ​ດີ​ຂຶ້ນ

ໂພ​ລຊີ້ວ່າ ຄວາມ​ເຊື່ອ​​ໝັ້ນ​ຜູ້​ຜະລິດ​ລາຍ​ໃຫຍ່​ຍີ່ປຸ່ນ​ດີ​ຂຶ້ນ​ຕໍ່​ເນື່ອງ​ເປັນ​ໄຕ​ມາດ​ທີ 2 ​ເນື່ອງ​ຈາກ​ສະກຸນ​ເງິນ​ເຢນອ່ອນ​ຄ່າ​ລົງ​ຊ່ວຍ​ຊຸກ​ຍູ້​ທຸລະ​ກິດ​ສົ່ງ​ອອກ​ປັບ​ຕົວ​ດີ​ຂຶ້ນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຜົນ​ການ​ສຳ​ຫຼວດຄວາມ​ຄິດ​ເຫັນ​ນັກ​ເສດຖະສາດ​ຂອງ​ສຳນັກ​ຂ່າວ​ກຽວ​ໂດ​ເປີດ​ເຜີຍ​ວ່າ ຜົນ​ກາ​ນຳ​ຫຼວດຄວາມ​ເຊື່ອ​ໝັ້ນ​ທາງ​ທຸລະ​ກິດ​ຂອງ​ກຸ່ມ​ຜູ້​ຜະລິດ​ລາຍ​ໃຫຍ່​ຂອງ​ຍີ່​ປຸ່ນມີ​ທ່າ​ອຽງ​ທີ່​ຈະ​ປັບ​ຕົວດີ​ຂຶ້ນ​ຕໍ່​ເນື່ອງ​ເປັນ​ໄຕ​ມາດ​ທີ 2 ​ເນື່ອງ​ຈາກ​ສະກຸນ​ເງິນ​ເຢນອ່ອນ​ຄ່າ​ລົງ​ໄດ້​ຊ່ວຍ​ຊຸກຍູ້​ທຸລະ​ກິດ​ສົ່ງ​ອອກ​ປັບ​ຕົວ​ດີ​ຂຶ້ນ. ຜົນ​ການ​ສຳ​ຫຼວດນັກວິຊາການ​ຈາກ​ຂະ​ແໜງ​ເອກະ​ຊົນ​ດັ່ງກ່າວ​ລະບຸ​ວ່າ ຄວາມ​ເຊື່ອ​ໝັ້ນ​ຂອງ​ທຸລະກິດ​ໃນ​ກຸ່ມ​ຜູ້​ຜະລິດ​ລົດ, ຜູ້​ຜະລິດ​ເຄື່ອງ​ຈັກ​ໄຟຟ້າ ​ແລະ ຜູ້​ຜະລິດ​ຂະໜາດ​ໃຫຍ່​ອື່ນໆ​ຄາດ​ວ່າ ຈະ​ຢູ່​ທີ່​ລະດັບ +15 ຊຶ່ງ​ເພີ່ມ​ຂຶ້ນ 5 ຈຸດ​ຈາກ​ຜົນ​ການ​ສຳ​ຫຼວດ​ໃນ​ເດືອນ​ທັນວາ​ປີ​ທີ່​ຜ່ານ​ມາ.

ນັບ​ຕັ້ງ​ແຕ່​ການ​ເລືອກ​ຕັ້ງ​ປະທານາທິບໍດີ​ອາ​ເມ​ລິ​ກາ​ໃນ​ເດືອນ​ພະຈິກ​ທີ່​ຜ່ານ​ມາ ​ເງິນ​ເຢນ​ໄດ້​ຫຼຸດ​ລົງ​ໄປ​ຫຼາຍ​ກວ່າ 10% ​ເມື່ອ​ທຽບ​ກັບ​ເງິນ​ໂດ​ລາ​ສະຫະລັດ ທ່າມກາງ​ຄາດ​ວ່າ ຊ່ອງ​ວ່າງ​ອັດຕາ​ດອກ​ເບ້ຍ​ລະຫວ່າງ​ຍີ່ປຸ່ນ ​ແລະ ອາ​ເມ​ລິ​ກາ​ຈະ​ຂະຫຍາຍຕົວ​ກວ້າງ​ຂຶ້ນ​ໄປ​ອີກ, ທັງ​ນີ້ ​ການ​ທີ່​ເງິນ​ເຢນອ່ອນ​ຄ່າ​ລົງ​ເມື່ອ​ທຽບ​ກັບ​ສະກຸນ​ເງິນອື່ນໆ ​ໄດ້​ເອື້ອ​ອຳນວຍ​ຕໍ່​ກຸ່ມ​ບໍລິສັດ​ຜູ້​ຜະລິດ​ທີ່​ຕ້ອງ​ເພິ່ງ​ພາ​ການ​ສົ່ງ​ອອກ ​ເນື່ອງ​ຈາກ​ສິນຄ້າ​ຂອງ​ຍີ່ປຸ່ນ​ຈະ​ມີ​ລາຄາ​ໜ້າ​ດຶງ​ດູດ​ໃຈ​ຫຼາຍ​ຂຶ້ນ​ສຳລັບ​ຜູ້​ທີ່​ຖື​ສະກຸນ​ເງິນ​ອື່ນໆ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.