ຄາ​ດ​ເສດຖະກິດ​ຟິລິບ​ປິນ​ເຕີບ​ໂຕ 6,5-7,0%

ລັດຖະບານ​ຟິລິບ​ປິນຄາດ​ວ່າ ​ເສດຖະກິດ​ປະ​ເທດ​ຈະ​ຂະຫຍາຍຕົວ​ປະມານ 6,5-7,0% ຫຼື​ອາດ​ຈະ​ຫຼາຍ​ກວ່າ​ນັ້ນ ໃນ​ໄລຍະ 3 ​ເດືອນ​ທຳ​ອິດ​ຂອງ​ປີ​ນີ້.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ​ເອີ​ເນສ​ໂຕ ​ເພີ​ເນີຍ ລັດຖະມົນຕີ​ວ່າການ​ກະຊວງ​ວາງ​ແຜນ​ເສດຖະກິດ​ຟິລິບ​ປິນກ່າວ​ວ່າ ​ເສດຖະກິດ​ຟິລິບ​ປິນຢູ່​ໃນ​ກຸ່ມ​ເຕີບ​ໂຕ​ໄວ​ສຸດ​ໃນ​ໂລກ ​ໂດຍ​ຕົວ​ເລກ​ຈີ​ດີ​ພີຂະຫຍາຍຕົວ 6,8%​ໃນ​ປີ 2016 ສູງ​ສຸດ​ໃນ​ຮອບ 3 ປີ ຈາກ​ປັດ​ໄຈ​ຕົ້ນຕໍ​ການ​ບໍລິ​ໂພ​ກທີ່​ເຂັ້ມ​ແຂງ ​ແລະ ການ​ໃຊ້​ຈ່າຍ​ດ້ານ​ສາທາລະ​ນູປະ​ໂພ​ກ​ເພີ່ມ​ຂຶ້ນ ຊຶ່ງ​ຍັງ​ເປັນຕົວ​ຂັບ​ເຄື່ອນ​ເສດຖະກິດ​ຟິລິບ​ປິນ. ປັດ​ໄຈ 2 ປະການ​ດັ່ງກ່າວ ຍັງ​ຊ່ວຍ​ເສີມ​ປ້ອງ​ກັນ​ປະ​ເທດ​ຕໍ່​ຜົນ​ກະທົບ​ທາງ​ເສດຖະກິດ​ທີ່​ອາດ​ເກີດ​ຂຶ້ນ​ຈາກ​ການ​ເບຣັກຊິດ​ຫຼື​ການ​ຖອນ​ຕົວ​ອອກ​ຈາກ​ສະຫະພາບ​ເອີຣົບຂອງ​ອັງກິດ ລວມທັງ​ມາດ​ຕະການ​ຄຸ້ມ​ຄອງ​ການ​ຄ້າ​ໃນ​ອາ​ເມ​ລິ​ກາ ​ແລະ ນະ​ໂຍບາຍ​ການ​ເງິນ​ທີ່​ບໍ່​ສອດຄ່ອງ​ກັນ​ທົ່ວ​ໂລກ. ຊຶ່ງ​ລັດຖະບານ​ຟິລິບ​ປິນປະກາດ​ຈະ​ເພີ່ມ​ງົບປະມານ​ລາຍ​ຈ່າຍ​ທາງ​ດ້ານ​ສາທາລະ​ນູປະ​ໂພ​ກ​ເປັນ 5,2% ຂອງ​ຈີ​ດີ​ພີ​ໃນ​ປີ​ນີ້ ຈາກ​ທີ່​ຕັ້ງ​ໄວ້ 5% ຂອງ​ຈີ​ດີ​ພີ​ໃນ​ປີ​ທີ່​ຜ່ານ​ມາ. ຄາດ​ວ່າການ​ສົ່ງ​ອອກ​ຟິລິບ​ປິນຈະ​ດີ​ຂຶ້ນ​ໃນ​ປີ​ນີ້ ຫຼັງ​ຈາກ​ຫຼຸດ​ລົງ 4,4% ​ໃນ​ປີ 2016 ຈາກ​ລັດຖະບານ​ຄາດ​ວ່າ ຄວາມ​ຕ້ອງການ​ສິນຄ້າ​ຈະ​ເພີ່ມ​ຂຶ້ນ​ຈາກ​ຈີນ ​ແລະ ຣັດ​ເຊຍ.

ທ່ານ ​ໂຣດຣິ​ໂກ ດູ​ເຕີ​ເຕ ປະທານາທິບໍດີ​ຂອງ​ຟິລິບ​ປິນ ດຳ​ເນີນ​ນະ​ໂຍບາຍ​ຕ່າງ​ປະ​ເທດ​ຂອງ​ຟິລິບ​ປິນ​ໂດຍສານ​ຕໍ່​ຄວາມ​ສຳພັນ​ທາງ​ທຸລະ​ກິດ ​ແລະ ການ​ປ້ອງ​ກັນ​ປະ​ເທດ​ຫຼາຍ​ຂຶ້ນ​ກັບ​ຈີນ ​ແລະ ຣັດ​ເຊຍ​​ ພ້ອມ​ທັງຄ່ອຍໆ​ຫຼຸດ​ການ​ເພິ່ງ​ພາ​ອາ​ເມ​ລິ​ກາ ປະ​ເທດ​ພັນທະ​ມິດ​ເກົ່າ​ແກ່​ຂອງ​ຟິລິບ​ປິນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.