ຄາ​ເທປາຊິ​ຟິກ ກຳ​ໄລ​ເພີ່ມ 90%

    ສຳນັກ​ຂ່າວ​ແຊ​ແນ​ລນິວອາຊີ ​ແລະ ​ເອ​ເອຟພີ ລາຍ​ງານ​ໃນ​ວັນ​ທີ 9 ມີນາ​ທີ່​ຜ່ານ​ມາ​ວ່າ ຄາ​​ເທ​ປາຊິ​ຟິກ ສາຍ​ການບິນຈີນຮົງ​ກົງ ເປີດ​ເຜີຍ​ຍອດ​ກຳ​ໄລ​ສຸດທິ​ໃນ​ປີ 2015 ​ເພີ່ມ​ຂຶ້ນ 90% ດ້ວຍ​ມູນ​ຄ່າ 6 ຕື້​​ໂດ​ລາຮົງ​ກົງ ຈາກ​ປີ​ກ່ອນ 3,15 ລ້ານ​​ໂດ​ລາຮົງ​ກົງ.

   ຄາ​ເທ ປາຊິ​ຟິກອະ​ທິບາຍ​ເຖິງ​ປັດ​ໃຈ​ທີ່​ເຮັດ​ໃຫ້​ສາຍ​ການບິນ​ມີ​ກຳ​ໄລ​ສູງ​ຂຶ້ນ​ ມາ​ຈາກ​ຄ່າ​ໃຊ້​ຈ່າຍ​ພະລັງງານ​ທີ່​ຫຼຸດ​ລົງ​ຍ້ອນ​ລາຄາ​ນ້ຳມັນ​ຕົກ​ຕໍ່າ ​ໂດຍ​ໃນ​ປີ​ທີ່​ຜ່າ​ນມາ​ຄ່າ​ໃຊ້​ຈ່າຍ​ສ່ວນ​ດັ່ງກ່າວ ທັງ​ຂອງ​ຄາ​ເທປາຊິ​ຟິກ ​ແລະ ສາຍ​ການບິນ​ໃນ​ເຄືອ​ຂ່າຍ​ຄື: ດຣາກອນ​ແອ​ຫຼຸດລົງ 38,7%, ຮຸ້ນ​ຂອງຄາ​ເທປັບ​ຕົວ​ຂຶ້ນ 2,1% ​ເປັນ 13,66 ​ໂດ​ລາຮົງ​ກົງ ​ໃນ​ໄລຍະ​ເວລາ​ພັກ​ການ​ຊື້​ຂາຍ​ຮຸ້ນ​ຕອນ​ທ່ຽງ​ຂອງ​ມື້ກ່ອນ​ສາຍ​ການບິນ​ປະກາດ​ຍອດ​ກຳ​ໄລ​ດັ່ງກ່າວ, ຂະນະ​ທີ່​ການ​ປ້ອງ​ກັນ​ຄວາ​ມສ່ຽງ​ໃນ​ປີ​ທີ່​ຜ່ານ​ມາ ສູນ​ເສຍ​ເງິນ​ຫຼາຍ​ຂຶ້ນ​ເປັນ 8,47 ຕື້​ໂດ​ລາຮົງ​ກົງ ​ເມື່ອ​ທຽບ​ຈາ​ກປີ​ກ່ອນ 911 ລ້ານ​​ໂດ​ລາ​ຮົງ​ກົງ ​ເນື່ອງ​ຈາກ​ຄາ​ເທປະກັນ​ລາຄາ​ນ້ຳມັນ​ປະມານ 63% ​ໃນ​ປີ 2015 ຢູ່​ທີ່ 91 ​ໂດ​ລາ​ສະຫະລັດ​ຕໍ່​ບາ​ເຣລ.

ສຳລັບ​ປີ​ນີ້ ຄາ​ເທປະກັນ​ລາຄາ​ນ້ຳມັນ​ປະມານ 60% ທີ່​ຕ້ອງການ​ໃຊ້​ໄວ້ທີ່​ລາຄາ 85 ​ໂດ​ລາ​ສະຫະລັດ​ຕໍ່​ບາເຣລ ຊຶ່ງ​ຖື​ວ່າ​ສູງ​ກວ່າ​ລາຄາ​ຂາຍນ້ຳມັນ​ຕໍ່​ບາ​ເຣລປົກກະຕິ​ຢູ່​ທີ່ 36 ​ໂດ​ລາສະຫະລັດ ​ໂດຍ​ທ່ານ​ຊູ​ກໍ ຢູ​ໂຊ​ຟ ຜູ້ກໍ່​ຕັ້ງ​ບໍລິສັດ​ທີ່​ປຶກສາ​ການບິນ​ອິດ​ສະຫຼະ​ເຊັ່ນ: ​ເອນ​ໂດ ອະນາ​ໄລ​ຕິກ​ສ ​ເປີດ​ເຜີຍ​ວ່າ ລາຄາ​ນ້ຳມັນ​ອາດ​ຫຼຸດ​ລົງ​ເຖິງ​ຈຸດ​ຕໍ່າ​ສຸດ​ແລ້ວ ​ແລະ ​ເຮັດ​ໃຫ້​ຄາ​ເທຕົກ​ທີ່​ນັ່ງລຳບາກ ​ເພາະ​ປະລິມານນ້ຳມັນ ​ແລະ ລາຄາ​ທີ່​ສາຍ​ການບິນ​ປະກັນ​ລາຄາ​ໄວ້ ອາດ​ຈະ​ເຮັດ​ໃຫ້​ພວກ​ເຂົາ​ເສຍ​ເງິນ​ມະຫາສານ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.