ຄຳມ່ວນ ທຳລາຍສິນຄ້າຜິດກົດໝາຍຫຼາຍລາຍການ

ອາທິດຜ່ານມາ ທີ່ສະຖານທີ່ຖິ້ມຂີ້ເຫຍື້ອແຂວງຄຳມ່ວນໄດ້ມີການທຳລາຍສິນຄ້າທີ່ລະເມີດຕໍ່ລະບຽບການຄຸ້ມ ຄອງການນຳເຂົ້າ ຊຶ່ງປະກອບມີເຄື່ອງໃນໝູ ຈຳນວນ 2 ແກັດ, ນ້ຳໜັກ 125 ກິໂລກຼາມ ມີມູນຄ່າ 1.875.000 ກີບ, ໄຂ່ໄກ່ຈຳນວນ 15 ລັງ ມູນຄ່າ 3.750.000 ກີບ ແລະໄຂ່ເປັດຈຳນວນ 72 ແຕະ ມູນຄ່າ 1 ລ້ານກວ່າກີບ.

ຊຶ່ງສິນຄ້າດັ່ງກ່າວແມ່ນທາງເຈົ້າໜ້າທີ່ການຄ້າພາຍໃນຮ່ວມກັບເຈົ້າໜ້າທີ່ ປກສ ແຂວງຄຳມ່ວນຢຶດໄດ້ຈາກແມ່ຄ້າຊາວຫວຽດນາມ ໃນວັນທີ 9 ເມສາ 2017 ທີ່ຂົນສົ່ງດ້ວຍລົດເມໂດຍສານ ດານັງ-ວຽງຈັນ ຜ່ານດ່ານພາສີສາກົນ ລາວບ່າວຜ່ານເສັ້ນທາງເລກທີ 9 ແຂວງ ສະຫວັນນະເຂດເຂົ້າສູ່ເສັ້ນທາງເລກທີ 13 ມຸ່ງໜ້າໄປນະຄອນຫຼວງວຽງຈັນ.

ສ່ວນມາດຕະການຕໍ່ຜູ້ກະທຳຜິດຄັ້ງນີ້ທາງເຈົ້າໜ້າທີ່ກ່ຽວຂ້ອງໄດ້ມີການຕັກເຕືອນ ແລະປັບໃໝຕາມລະບຽບການ.

ເຂົ້າຮ່ວມໃນການທຳລາຍສິນຄ້າດັ່ງ ກ່າວມີທ່ານ ສີປະເສີດ ຈູນລາຊາ ຮອງຫົວໜ້າຂະແໜງການຄ້າພາຍໃນພະແນກອຸດສາຫະກຳ ແລະການຄ້າແຂວງ, ທ່ານ ຮ້ອຍເອກ ຄານທະສິນ ວົງໄຊຍະລາດ ຕາງໜ້າພະແນກຕຳຫຼວດເສດຖະກິດ ພ້ອມດ້ວຍພະນັກງານວິຊາການທີ່ກ່ຽວຂ້ອງເຂົ້າຮ່ວມ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.