ຄຳ​ມ່ວນ​ວາງ​ເປົ້າ​ເກັບ​ລາຍ​ຮັບ​ປີ​ນີ້ ຢ່າງ​ໝ້ອຍ 500 ຕື້

2017 ເປັນ​ປີ​ແຫ່ງ​ການ​ເລີ່ມ​ຕົ້ນປະ­ຕິ­ບັດ​ວຽກ​ງານ​ຕາມ​ປີ​ປະ­ຕິ­ທິນ ຊຶ່ງ​ມີ​ຄວາມ​ທ້າ​ທາຍ​ຕໍ່​ຂະ­ແໜງ­ການ​ຕ່າງໆ​ໃນ​ການ​ບັນ­ລຸ​ແຜນ­ການ​ທີ່​ໄດ້​ຮັບ​ມອບ​ໝາຍ ແຕ່​ແຂວງ​ຄຳ​ມ່ວນ​ກໍ​ກຽມ­ພ້ອມ​ເຮັດ​ໜ້າ­ທີ່​ຂອງ​ຕົນ​ໃຫ້​ໄດ້​ດີ​ທີ່​ສຸດ ໂດຍ​ຄາດ­ໝາຍ​ການ​ເກັບ​ລາຍ​ຮັບ​ໝົດ​ປີ​ບໍ່​ຕ່ຳ​ກວ່າ 500 ຕື້​ກີບ.

ທ່ານ ຄຳ​ພໍ ສູນ​ທະ­ລາ ຮອງ​ຫົວ­ໜ້າພະ­ແນກ­ການ​ເງິນ​ປະ­ຈຳ​ແຂວງ​ຄຳ​ມ່ວນ​ໄດ້​ກ່າວ​ຕໍ່​ກອງ​ປະ­ຊຸມ​ສະ­ຫຼຸບ​ວຽກ​ງານການ​ເງິນ​ສົກ​ປີ 2015-2016 ກ່ຽວ​ກັບທິດ​ທາງ​ແຜນ​ການ­ຈັດ­ຕັ້ງ​ປະ­ຕິ­ບັດ​ງົບ ປະ­ມານ​ປະ­ຈຳ​ປີ 2017  ວ່າ: ໃນ​ໄລ­ຍະສົກ​ງົບ­ປະ­ມານ 2015-2016 ຜ່ານ​ມານີ້​ ແຂວງ​ຄຳ​ມ່ວນ​ກໍ​ແມ່ນ​ແຂວງ​ໜຶ່ງ​ທີ່​ປະ ສົບ​ກັບ​ຄວາມ​ຫຍຸ້ງ­ຍາກ​ທາງ​ດ້ານ​ງົບ​ປະມານ​ລາຍ​ຮັບ ແລະ​ລາຍ​ຈ່າຍ​ອັນ​ເນື່ອງມາ​ຈາກ​ການ​ຂາດ​ສະ­ພາບ​ຄວາມ​ຄ່ອງຕົວ​ທາງ​ເສດ­ຖະ­ກິດ​ທັງ​ໃນ​ຕົວ ແລະ​ນອກຕົວ, ທັງ​ພາຍ​ໃນ​ປະ­ເທດ, ພາກ​ພື້ນ ແລະ ສາ­ກົນ ແຕ່​ວ່າ­ການ​ນຳ​ແຕ່​ລະ​ຂັ້ນ, ແຕ່​ລະພາກ­ສ່ວນ​ພາຍ​ໃນ​ແຂວງ​ຕະ­ຫຼອດ ຮອດ​ຂະ­ແໜງ­ການ​ເສດ­ຖະ­ກິດ​ຕ່າງໆ ກໍ​ໄດ້​ພະ­ຍາ­ຍາມ​ຂຸດ​ຄົ້ນ​ທຸກ​ແຫຼ່ງ​ລາຍຮັບ​ບົ່ມ​ຊ້ອນ​ພາຍ​ໃນ​ແຂວງ ​ເພື່ອ​ມາ​ແກ້ໄຂ​ຊີ­ວິດ​ການ​ເປັນ​ຢູ່​ຂອງ​ພະ­ນັກ­ງານ, ທະ­ຫານ, ຕຳ­ຫຼວດ ແລະ​ພັດ­ທະ­ນາ​ພື້ນຖານ​ໂຄງ​ລ່າງ​ຂອງ​ແຂວງ​ໃຫ້​ມີ​ການ​ຂະຫຍາຍ​ຕົວ ແລະ​ປີ 2017 ນີ້​ສະ­ເພາະ ລາຍ​ຮັບ​ແຂວງ​ຄຳ​ມ່ວນ​ໄດ້​ຮັບ​ການ​ມອບໝາຍ 559,968 ຕື້​ກີບ ໃນ​ນັ້ນ​ພູດ​ສູນ ກາງ 282,668 ຕື້​ກີບ ຊຶ່ງ​ກວມ​ເອົາ​ດ່ານພາ­ສີ​ສາ­ກົນ​ຕາ­ເວັນ​ອອກ-ຕາ­ເວັນ­ຕົກ (ມິດ­ຕະ­ພາບ 3-ນາ​ເພົ້າ) ແລະ​ກອງກວດ­ກາ​ພາ­ສີ​ແຂວງ, ພູດ​ຂອງ​ແຂວງ 277,300 ຕື້​ກີບ ໃນ​ນັ້ນ​ກວມ​ເອົາ​ລາຍຮັບ​ສ່ວຍ​ສາ​ອາ­ກອນ, ຊັບ​ສິນ ແລະ​ຄຸ້ມຄອງ​ລັດ​ວິ​ສາ​ຫະ​ກິດ, ດ້ານ​ລາຍ​ຈ່າຍ​ທັງໝົດ​ມີ​ຈຳ­ນວນ 552,096 ຕື້​ກີບ ຊຶ່ງລວມ​ມີ​ເງິນ­ເດືອນ​ພະ­ນັກ­ງານ​ເງິນ​ອຸດໜູນ​ເບ້ຍ­ລ້ຽງ, ເງິນ​ບໍ­ລິ­ຫານ​ຂອງ​ລັດ, ເງິນ​ດັດ­ສົມ ແລະ​ສົ່ງ­ເສີມ, ເງິນ​ບັງ­ເອີນແລະ​ອື່ນໆ ເງິນ​ຊື້​ຊັບ​ສົມ­ບັດ​ຄົງ​ທີ່ ແລະ ເງິນ​ລົງ­ທຶນ​ກໍ່­ສ້າງ.

ແນວ­ໃດ​ກໍ​ຕາມ​ຮອງ​ຫົວ­ໜ້າ​ພະ​ແນກການ​ເງິນ​ປະ­ຈຳ​ແຂວງ​ຄຳ​ມ່ວນ​ກ່າວ​ວ່າ: ເພື່ອ​ໃຫ້​ໄດ້​ຕາມ​ຕົວ​ເລກ​ທີ່​ໄດ້​ຮັບ​ມອບໝາຍ​ກ່ອນ​ອື່ນ​ຕ້ອງ​ເພີ່ມ​ທະ­ວີ​ການ​ກວດກາ​ຕິດ­ຕາມ​ການ​ປະ­ຕິ­ບັດ​ວຽກ​ງານ​ການຈັດ​ເກັບ​ລາຍ​ຮັບ​ເຂົ້າ​ງົບ­ປະ­ມານ​ການ​ປະສານ​ສົມ­ທົບ​ກັບ​ພາກ­ສ່ວນ​ກ່ຽວ­ຂ້ອງ​ຂຸດຄົ້ນ​ແຫຼ່ງ​ລາຍ​ຮັບ​ທີ່​ຍັງ​ບົ່ມ​ຊ້ອນ ແລະ​ມີ ການ​ຫຼົບ​ຫຼີກ​ໃນ​ໄລ­ຍະ​ຜ່ານ​ມາ​ສືບ­ຕໍ່​ຈັດຕັ້ງ​ຜັນ​ຂະ­ຫຍາຍ​ຄຳ​ສັ່ງ​ວ່າ​ດ້ວຍ​ການ​ເກັບກຳ ແລະ​ສຳ​ຫຼວດ​ຖານ​ລາຍ​ຮັບ​ງົບ​ປະມານ​ຄືນ­ໃໝ່​ເພື່ອ​ເປັນ​ຖານ​ໃຫ້​ແກ່​ການ​ຈັດ​ເກັບ​ລາຍ​ຮັບ​ກໍ​ຄື​ການ​ສ້າງ​ແຜນ​ງົບ­ປະ­ມານ​ແຫ່ງ​ລັດ​ປະ­ຈຳ​ປີ, ດຳ­ເນີນ​ການສຳ​ຫຼວດ​ຖານ​ຂໍ້​ມູນ​ຫົວ­ໜ່ວຍ​ທຸ­ລະ​ກິດ ເພື່ອ​ຍົກ​ລະ­ດັບ​ອາ­ກອນ​ມອບ​ເໝົາ​ໃຫ້ ສອດ­ຄ່ອງ​ກັບ​ຄວາມ​ເປັນ​ຈິງ​ຂອງ​ການຂາຍ​ສິນ­ຄ້າ ແລະ​ການ​ບໍ​ລິ​ການ­ຈັດ­ຕັ້ງ​ປະຕິ​ບັດ​ກົດ­ໝາຍ​ວ່າ​ດ້ວຍ​ອາ­ກອນ​ມູນ​ຄ່າເພີ່ມ (ສະ­ບັບ​ປັບ­ປຸງ) ໃຫ້​ມີ​ປະ​ສິດ­ທິ​ຜົນສູງ​ລົງ​ໄລ່​ລຽງ​ບັນ­ຊີ​ນຳ​ບັນ­ດາ​ບໍ­ລິ­ສັດສົກ​ປີ 2015 ໃຫ້​ສຳ­ເລັດ​ກວດ­ກາ​ບັນ ຊີ​ແບບ​ໄວ​ເກັບ​ກຳ​ຂໍ້​ມູນ​ການ​ສົ່ງ​ອອກ-ນຳເຂົ້າ​ສິນ­ຄ້າ​ຜະ­ລິດ​ຕະ​ພັນ​ແຮ່​ທາດ​ຕ່າງໆທີ່​ຜ່ານ​ດ່ານ​ພາ­ສີ​ສາ­ກົນ​ນາ​ເພົ້າ-ດ່ານ​ພາສີ​ສາ­ກົນ​ຂົວ​ມິດ­ຕະ­ພາບ 3.

ເກັບ​ກຳ​ສະ­ຖິ­ຕິ​ການ​ຈັດ​ເກັບ​ພາ­ສີ​ທີ່​ດິນ​ຄືນ­ໃໝ່​ທີ່​ເຫັນ​ວ່າ​ບໍ່​ສອດ­ຄ່ອງ​ກັບຄວາມ​ເປັນ​ຈິງ​ເພື່ອ​ສ້າງ​ຖານ​ລາຍ​ຮັບຈາກຂະ­ແໜງ​ທີ່​ດິນ​ເປັນ​ຖານ​ລາຍ​ຮັບ​ທີ່ ໝັ້ນ­ຄົງ​ປັບ­ປຸງ​ກົນ​ໄກ​ການ​ຄຸ້ມ​ຄອງ​ເກັບລາຍ​ຮັບ​ອາ­ກອນ​ລາຍ​ໄດ້​ຈາກ​ການ​ໂອນສິດ​ນຳ​ໃຊ້​ທີ່​ດິນ​ໃຫ້​ຄົບ​ຖ້ວນ ແລະ​ຖືກ­ຕ້ອງສືບ­ຕໍ່​ຊຸກ­ຍູ້​ບັນ­ດາ​ຜູ້​ປະ­ກອບ​ການ​ໃຫ້​ຫັນມາ​ເຄື່ອນ​ໄຫວ​ທຸ­ລະ​ກິດ​ນຳ​ເຂົ້າ-ສົ່ງ​ອອກຜ່ານ​ດ່ານ​ເພື່ອ​ເກັບ​ກຳ​ຕົວ​ເລກ​ລາຍ​ຮັບເຂົ້າ​ງົບ­ປະ­ມານ​ໃຫ້​ສູງ​ຂຶ້ນ​ຄຸ້ມ​ຄອງ​ພາ­ຫະນະ​ທີ່​ນຳ​ເຂົ້າ​ບໍ່​ຖືກ­ຕ້ອງ​ທີ່​ໄດ້​ສັງ​ລວມ​ບັນຊີ​ໄວ້​ແລ້ວ​ໃຫ້​ມາ​ຊຳ­ລະ​ຄ່າ​ພາ­ສີ ແລະ​ພັນທະ​ອື່ນໆ​ໃຫ້​ຖືກ­ຕ້ອງ ແລະ​ທັນ​ກຳ­ນົດ​ເວລາ.

ຄຸ້ມ​ຄອງ​ຕິດ­ຕາມ​ການ​ນຳ​ເຂົ້າ-ຈຳໜ່າຍ​ນ້ຳ­ມັນ​ເຊື້ອ​ໄຟ​ດ້ວຍ​ການ​ໃຊ້​ລະ­ບົບອີ​ເລັກ​ໂທຣ​ນິກ​ ເພື່ອ​ສະ­ກັດ​ກັ້ນ​ການ​ລັກລອບ​ນຳ​ເຂົ້າ ແລະ​ຈຳ­ໜ່າຍ​ນ້ຳ­ມັນ​ເຊື້ອໄຟ​ທີ່​ບໍ່​ຖືກ­ຕ້ອງ​ຕາມ​ກົດ­ໝາຍ​ເອົາ­ໃຈ­ໃສ່​ຕິດ­ຕາມ​ເກັບ​ກຳ​ຂໍ້​ມູນ​ສະ­ຖິ­ຕິ​ທີ່​ດິນ ແລະ ສິ່ງ​ປຸກ​ສ້າງ​ຂອງ​ລັດ​ທີ່​ບຸກ­ຄົນ ແລະ​ນິ­ຕິບຸກ­ຄົນ​ນຳ​ໃຊ້​ເຂົ້າ​ໃນ​ການ​ດຳ­ເນີນ​ທຸ­ລະ ກິດ​ເພື່ອ​ສ້າງ​ລາຍ​ຮັບ​ແຕ່​ຍັງ​ບໍ່​ປະ­ຕິ­ບັດພັນ­ທະ​ໃຫ້​ລັດ​ກວດ­ກາ​ຄືນ​ຄ່າ​ເຊົ່າ​ສຳ​ປະທານ​ທີ່​ດິນ​ລັດ​ທີ່​ເຫັນ​ວ່າ​ຍັງ​ບໍ່​ທັນ​ສອດຄ່ອງ​ກັບ​ອັດ­ຕາ​ທີ່​ກຳ­ນົດ​ໄວ້​ໃນ​ລັດ​ຖະ​ບັນຍັດ​ຂອງ​ປະ­ທານ​ປະ­ເທດ​ສືບ­ຕໍ່​ຕິດ­ຕາມ ຄ່າ​ສຳ​ປະ­ທານ​ເພື່ອ​ຊອກ​ຄົ້ນ​ສຳ​ຫຼວດ​ຂຸດຄົ້ນ​ແຮ່​ທາດ​ຄ່າ​ສຳ​ປະ­ທານ​ທີ່​ດິນ​ຄ່າ​ຕໍ່ສັນ­ຍາ​ເຊົ່າ​ສັນ­ຍາ​ສຳ​ປະ­ທານ​ທີ່​ດິນ​ຄົ້ນຄວ້າ​ເປົ້າ​ໝາຍ​ໃຫ້​ເຊົ່າ​ໃໝ່ ແລະ​ປັບ­ປຸງອັດ­ຕາ​ຄ່າ​ເຊົ່າ-ຄ່າ​ສຳ​ປະ­ທານ​ຂຶ້ນ​ຕື່ມ​ເຂົ້າຮ່ວມ​ນຳ​ຄະ­ນະ​ກຳ­ມະ­ການ​ການ​ກວດ­ກາຜົນ​ອອກ​ລາຍ​ວັນ​ຫວຍ​ພັດ­ທະ­ນາ​ເປັນປົກ­ກະ­ຕິ​ລົງ​ຊຸກ­ຍູ້​ໄລ່​ລຽງ​ເງິນ​ປັນ​ຜົນ​ກຳໄລ​ນຳ​ບັນ­ດາ​ລັດ​ວິ​ສາ​ຫະ​ກິດ​ທີ່​ຍັງ​ຄ້າງມອບ​ໃຫ້​ສຳ­ເລັດ​ ປະ­ສານ​ສົມ­ທົບ​ກັບ​ຂະແໜງ​ການ​ທີ່​ກ່ຽວ­ຂ້ອງ​ເພື່ອ​ປຶກ­ສາ​ຫາ­ລືກວດ­ກາ ແລະ​ເກັບ​ກຳ​ຂໍ້​ມູນ​ໃຫ້​ລະ­ອຽດ ເຊັ່ນ: ຄ່າ​ເຊົ່າ​ຄ່າ​ສຳ​ປະ­ທານ​ຄ່າ​ຂາຍ​ຊັບສິນ​ຂອງ​ລັດ​ການ​ຂາຍ​ໄມ້ ແລະ​ໜີ້​ສິນ​ໃນການ​ມອບ​ເງິນ​ເປັນ​ປົກ­ກະ­ຕິ​ໃຫ້​ທັນ​ກຳ­ນົດ​ເວ­ລາ​ຕາມ​ລະ­ບຽບ​ຫຼັກ­ການ​ຢ່າງ​ເຂັ້ມງວດ ​ພົວ­ພັນ​ປະ­ສານ​ສົມ­ທົບ​ກັບ​ຂະ­ແໜງການ​ທີ່​ກ່ຽວ­ຂ້ອງ​ໃນ​ການ​ຕິດ​ຕາ​ກວດ­ກາ ແລະ​ເກັບ​ກຳ​ຂໍ້​ມູນ​ສະ­ຖິ­ຕິ​ຂຶ້ນ​ບັນ­ຊີ​ກ່ຽວກັບ​ການ​ນຳ​ໃຊ້​ຊັບ​ສິນ​ຂອງ​ລັດ​ປະ­ຈຳ​ສົກປີ 2017 ໃນ​ຂົງ­ເຂດ​ບໍ­ລິ­ຫານ ແລະ​ຊັບສິນ​ຂອງ​ລັດ​ທີ່​ໄດ້​ມາ​ຈາ​ການ​ການ​ຕັດສິນ​ຂອງ​ສານ ແລະ​ຈາກ​ການ​ນຳ​ໃຊ້​ທຶນກູ້​ຢືມ-ຊ່ວຍ­ເຫຼືອ​ລ້າ.

ດ້ານ​ລາຍ​ຈ່າຍ​ແມ່ນ​ຈະ​ສ້າງ​ແຜນການ​ລາຍ​ຮັບ-ລາຍ​ຈ່າຍ​ງົບ­ປະ­ມານ​ປີ 2017 ໃຫ້​ສຳ­ເລັດ​ແບ່ງ­ປັນ​ຕົວ​ເລກ​ງົບ​ປະມານ​ປີ 2017 ໃຫ້​ບັນ­ດາ​ພະ­ແນກ­ການອ້ອມ​ຂ້າງ​ແຂວງ ແລະ​ບັນ­ດາ​ເມືອງ​ສືບຕໍ່​ອະ­ນຸ­ມັດ​ເບີກ​ຈ່າຍ​ໃຫ້​ທັນ​ກຳ­ນົດ​ເວ­ລາເປັນ​ຈຸດ​ໃຈ­ກາງ​ໃນ​ການ​ປະ­ສານ​ສົມ­ທົບກັບ​ພາກ­ສ່ວນ​ທີ່​ກ່ຽວ­ຂ້ອງ​ ເພື່ອ​ຊຸກ­ຍູ້ຈັດ​ເກັບ​ລາຍ​ຮັບ​ຄຸ້ມ​ຄອງ​ລາຍ​ຈ່າຍ​ງົບປະ­ມານ​ປັບ­ປຸງ​ຂອດ​ການ​ສະ­ຫຼຸບ​ລາຍງານ​ເປັນ​ແຕ່​ລະ​ຂັ້ນ ​ນັບ​ແຕ່​ຂັ້ນ​ເມືອງ ເຖິງ​ຂັ້ນ​ແຂວງ ແລະ​ເຖິງ​ຂັ້ນ​ສູນ​ກາງ​ໃນ ແຕ່​ລະ​ອາ­ທິດ, ເດືອນ, ງວດ, ປີ ເພື່ອ​ລາຍງານ​ສ່ອງ​ແສງ​ໃຫ້​ຂັ້ນ​ເທິງ​ຮັບ​ຮູ້​ເປັນ​ປົກກະ­ຕິ​ຕ້ອງ​ປັບ­ປຸງ​ການ​ເບີກ​ຈ່າຍ​ງົບ​ປະມານ​ໃຫ້​ທັນ​ສະ­ໄໝ​ເທື່ອ​ລະ​ກ້າວ ໂດຍ​ຫຼຸດຜ່ອນ​ຂັ້ນ​ຕອນ​ການ​ປະ­ກອບ​ເອ­ກະ­ສານ ຂໍ​ອະ­ນຸ­ມັດ ແລະ​ເບີກ​ຈ່າຍ​ໃຫ້​ວ່ອງ­ໄວ​ກວ່າເກົ່າ​ຜັນ​ຂະ­ຫຍາຍ​ການ​ເບີກ​ຈ່າຍ​ເງິນເດືອນ​ຜ່ານ​ລະ­ບົບ​ທະ­ນາ­ຄານ (ATM) ໃຫ້​ທົ່ວ​ເຖິງ ແລະ​ມີ​ປະ​ສິດ­ທິ​ຜົນ​ຫຼາຍ​ຂຶ້ນ​ສືບ­ຕໍ່​ຫັນ​ເອົາ​ຫົວ­ໜ່ວຍ​ທຸ­ລະ​ກິດ​ຕ່າງໆ​ທີ່​ຍັງ​ບໍ່​ຖື​ບັນ­ຊີ​ຢ່າງ​ຖືກ­ຕ້ອງ​ຕາມ​ລະ­ບຽບກົດ­ໝາຍ​ໃຫ້​ມາ​ຖື​ບັນ­ຊີ​ຢ່າງ​ຖືກ­ຕ້ອງ​ສ້າງ ແຜນ­ການ​ຝຶກ​ອົບ­ຮົມ​ບັນ­ຊີ​ແຫ່ງ​ລັດ​ໃຫ້ບັນ­ດາ​ພະ​ແນ​ການ ແລະ​ບັນ­ດາ​ເມືອງ​ລົງ ແນະ­ນຳ​ກວດ­ກາ​ຄືນ​ລະ­ບົບ​ບັນ­ຊີ​ວິ​ສາ ຫະ​ກິດ​ຢູ່​ບັນ­ດາ​ຫົວ­ໜ່ວຍ​ທຸ­ລະ​ກິດ​ຕ່າງໆທີ່​ໄດ້​ສ້າງ­ຕັ້ງ​ບັນ­ຊີ​ຜ່ານ​ມາ​ແລ້ວ​ໃຫ້​ໄດ້ 150 ຫົວ­ໜ່ວຍ​ ລົງ​ກວດ­ກາ​ການ­ຈັດ­ຕັ້ງປະ­ຕິ­ບັດ​ແຜນ​ລາຍ​ຮັບ-ລາຍ​ຈ່າຍ​ງົບ​ປະ ມານ​ພະ­ແນກ­ການ​ອ້ອມ​ຂ້າງ​ແຂວງ ແລະຫ້ອງ­ການ​ການ​ເງິນ​ເມືອງ​ສືບ­ຕໍ່​ການ​ເຂົ້າຮ່ວມ​ເຮັດ​ວຽກ​ທີ່​ບໍ່​ສຳ­ເລັດ​ຄື: ກວດ­ກາວຽກ​ຮອບ­ດ້ານ​ຢູ່​ພະ​ແນກ​ພະ­ລັງ­ງານ-ບໍ່​ແຮ່​ກວດ­ກາ​ການ­ຈັດ­ຕັ້ງ​ປະ­ຕິ­ບັດ​ການຈັດ​ເກັບ​ຄ່າ​ບໍ­ລິ­ການ​ລົດ​ເຂົ້າ-ອອກ​ຜ່ານ ດ່ານ​ນາ​ເພົ້າ, ສືບ­ຕໍ່​ປະ­ສານ​ສົມ­ທົບ​ກັບ ພະ​ແນກ​ສ່ວຍ​ສາ​ອາ­ກອນ ແລະ​ພາກ­ສ່ວນທີ່​ກ່ຽວ­ຂ້ອງ​ໃນ​ການ​ລົງ​ກວດ­ກາ​ຫົວ ໜ່ວຍ​ທຸ­ລະ​ກິດ​ໃຫ້​ໄດ້ 3 ຫົວ­ໜ່ວຍ, ເລັ່ງທວງ​ໜີ້​ພັນ­ທະ​ຄ້າງ​ມອບ​ຜ່ານ​ມາ​ຕາມການ​ກວດ­ກາ​ໄດ້​ມີ 4 ຫົວ­ໜ່ວຍ.

ຂ່າວ: ແດງ​ສະ​ຫວັດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.