ງານ​ສະ­ແດງ​ສິນ­ຄ້າ​ເຟີ​ນີ​ເຈີ​ວຽງ​ຈັນ ຄັ້ງ​ທີ 2 ຄາດ​ວ່າ​ຈະ​ມີ​ການ​ຊື້-ຂາຍ ປະ­ມານ 24 ຕື້​ກີບ

ໃນ​ວັນ​ທີ 3 ເມ­ສາ​ຜ່ານ​ມາ​ທີ່​ສູນ​ການ​ຄ້າລາວ-ໄອ​ເຕັກ ນະ­ຄອນ­ຫຼວງ​ວຽງ​ຈັນ ໄດ້​ມີ​ການຈັດ​ງານ​ວາງ­ສະ­ແດງ​ສິນ­ຄ້າ​ເຟີ​ນີ​ເຈີ​ວຽງ​ຈັນ ຄັ້ງ​ທີ II ປະ­ຈຳ​ປີ 2017 ໂດຍ​ໃຫ້​ກຽດ​ເຂົ້າຮ່ວມ​ໃນ​ພິ­ທີ​ເປີດ​ຢ່າງ​ເປັນ​ທາງ​ການ​ຂອງ​ທ່ານ ສົມ​ຫວັງ ນິນ​ທະ​ວົງ ຫົວ­ໜ້າ​ກົມ​ສົ່ງ­ເສີມ​ການ​ຄ້າ ກະ­ຊວງ​ອຸດ­ສາ­ຫະ­ກຳ ແລະ​ການ​ຄ້າ, ທ່ານ ຄຳໄພ ສົມ​ຊະ­ນະ ປະ­ທານ​ສະ­ມາ­ຄົມ​ເຟີ​ນີ​ເຈີ​ລາວ, ມີ​ບັນ­ດາ​ຫົວ­ໜ້າ​ຂະ­ແໜງ­ການ​ຕ່າງໆ​ທັງ​ພາກລັດ ແລະ​ພາກ​ທຸ­ລະ​ກິດພ້ອມ​ດ້ວຍ​ແຂກ​ທີ່​ຖືກ ເຊີນ​ຈາກ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ທ່ານ ກອງ​ມະ​ລາ ພົມ­ມາ​ໄລ ຮອງ​ປະ­ທານ ສະ­ມາ­ຄົມ​ເຟີ​ນີ​ເຈີ​ລາວ ກ່າວ​ວ່າ: ຈຸດ­ປະ­ສົງ​ຂອງການ​ຈັດ​ງານ​ຄັ້ງ​ນີ້ ກໍ​ເພື່ອ​ເປັນ​ການ​ໂຄ­ສະ­ນາ​ສິນຄ້າ​ເຟີ​ນີ​ເຈີ​ໄມ້​ລາວ​ເຮົາ​ໃຫ້​ບັນ​ດາ​ຫົົວ​ໜ່ວຍ​ທຸ­ລະກິດ​ເຟີ​ນີ​ເຈີ​ໄມ້ ໃນ​ນະ­ຄອນ­ຫຼວງ ແລະ​ບັນ­ດາແຂວງ​ໃນ​ຂອບ​ເຂດ​ທົ່ວ​ປະ­ເທດ​ໄດ້​ຮັບ​ຮູ້ ແລະ ນຳ​ເອົາ​ຜະ­ລິດ​ຕະ​ພັນ​ເຟີ​ນີ​ເຈີຂອງ​ຕົນ​ມາ​ວາງ­ສະ­ແດງ​ຊື້-ຂາຍ, ແລກປ່ຽນ​ບົດ­ຮຽນ​ປະ­ສົບ​ປະ­ການ​ດ້ວຍ​ກັນ​ຂອງ​ນັກ­ທຸ­ລະ­ກິດ​ຫົວ­ໜ່ວຍ​ການ​ຜະ­ລິດເຟີ​ນີ​ເຈີ ທີ່​ເຮັດ​ໃຫ້​ມີ​ຜະ­ລິດ​ຕະ​ພັນ​ເຟີ​ນີ​ເຈີ ໄມ້​ລາວ​ອອກ​ມາ​ຮັບ​ໃຊ້​ສັງ­ຄົມ, ພ້ອມ​ທັງເປັນ​ການ­ສະ­ແດງ​ຜົນ­ງານ​ຂອງ​ຕົນ​ເອງ ທີ່​ໄດ້​ໃຊ້​ຫົວ­ຄິດ​ປະ­ດິດ​ສ້າງ​ຂຶ້ນ​ມາ ໂດຍນາຍ​ຊ່າງ​ທີ່​ມີ​ຄວາມ​ຊຳ­ນິ​ຊຳ­ນານ, ຄວາມ​ປາ­ນີດ, ຄວາມ​ສວຍ​ງາມ​ສາ­ມາດສ້າງ​ໄດ​ຫຼາຍ​ຜະ­ລິດ​ຕະ​ພັນ​ໃຫ້​ທ່ານ​ສາມາດ​ເຂົ້າ​ມາ​ເລືອກ​ຊື້-ຂາຍ ແລະ​ຊົມ​ໄດ້.

ທັງ​ນີ້, ກໍ​ເພື່ອ​ຍັງ​ເປັນ​ການ​ສົ່ງ­ເສີມ ແລະ​ສ້າງ​ຄວາມ​ເຂັ້ມ­ແຂງ​ໃຫ້​ກັບ​ສີ​ໄມ້ລາຍ​ມື​ຂອງ​ຄົນ​ລາວ​ເຮົາ ແລະ​ບັນ­ດາ​ຫົວໜ່ວຍ​ທຸ­ລະ​ກິດ​ເຟີ​ນີ​ເຈີ​ໄມ້​ລາວ ໂດຍ​ສະເພາະ​ແມ່ນ​ການ​ສົ່ງ­ເສີມ​ການ​ຊື້-ຂາຍ​ສິນ ຄ້າ ແລະ​ຊອກ​ລູກ​ຄ້າ​ເພື່ອ​ເປີດ​ໂອ­ກາດໃຫ້​ຜູ້​ຊື້​ເຂົ້າ​ເຖິງ​ຜູ້​ຜະ­ລິດ​ໄດ້​ໂດຍ​ກົງ ຊຶ່ງໃນ​ນີ້ປະ­ເພດ​ສິນ­ຄ້າ​ທີ່​ສາ­ມາດ​ນຳ​ເຂົ້າມາ​ວາງ­ສະ­ແດງ ແລະ​ຂາຍ​ພາຍ​ໃນ​ງານໄດ້​ຄື:

  • 1). ຜະ­ລິດ​ຕະ​ພັນ​ເຄື່ອງ​ເຟີ​ນີ​ເຈີ​ທີ່ຜະ­ລິດ​ດ້ວຍ​ໄມ້​ຫວາຍ, ໄມ້­ປ່ອງ ແລະ ຈາກ​ວັດ​ສະ​ດຸ​ເສດ​ເຫຼືອ​ຕ່າງໆ​ທີ່​ເຮັດ​ເປັນເຄື່ອງ​ເຟີ​ນີ​ເຈີ,
  • 2). ຜະ­ລິດ​ຕະ​ພັນ​ຫັດ­ຖະ ກຳ​ແກະ­ສະ­ຫຼັກ​ຕ່າງໆ,
  • 3). ຜະ­ລິດ​ຕະ ພັນ​ເບ້ຍ​ໄມ້​ຕ່າງໆ,
  • 4). ອຸ­ປະ­ກອນ​ເຄື່ອງ ມື​ຮັບ​ໃຊ້ ແລະ​ເຄື່ອງ​ຈັກ​ຕ່າງໆ​ທີ່​ກ່ຽວ   ພັນ​ກັບ​ການ​ຜະ­ລິດ​ເຄື່ອງ​ເຟີ​ນີ​ເຈີ​ໄມ້.

ສຳ­ລັບ​ງານ​ວາງ­ສະ­ແດງ​ສິນ­ຄ້າ​ໃນຄັ້ງ​ນີ້​ຈະ​ໄດ້​ຈັດ​ຂຶ້ນ​ລະ­ຫວ່າງ​ວັນ​ທີ 1-9 ເມ­ສາ 2017,  ມີ​ຫົວ­ໜ່ວຍ​ທຸ­ລະ​ກິດ​ເຂົ້າ ຮ່ວມ​ວາງ­ສະ­ແດງ​ທັງ​ໝົດ 118 ຫ້ອງ, ມາ​ຈາກ​ຕ່າງ​ແຂວງ​ຈຳ­ນວນ 20 ຫ້ອງ ມີ 13 ຫົວ­ໜ່ວຍ ແລະ​ນະ­ຄອນ­ຫຼວງ​ຈຳນວນ 98 ຫ້ອງ, ມີ​ມູນ​ຄ່າ​ຈາ­ລະ​ຈອນ​ຊື້-ຂາຍ​ສິນ­ຄ້າ​ຄັ້ງ​ນີ້​ມີ​ທັງ​ໝົດ​ປະ­ມານ 30 ຕື້​ກີບ, ຄາດ​ວ່າ​ຈະ​ມີ​ການ​ຊື້-ຂາຍ​ປະ­ມານ 80% ຕົກ​ເປັນ​ມູນ​ຄ່າ​ຢູ່​ປະ­ມານ 24 ຕື້ກີບ ແລະ​ຄາດ​ວ່າ​ຈະ​ມີ​ຄົນ​ເຂົ້າ​ຊົມ​ງານສະ­ແດງ​ທັງ​ໝົດ​ປະ­ມານ 4 ແສນ​ກວ່າ ຄົນ​ພາຍ​ໃນ 9 ວັນ.

ໂດຍ: ກິ່ງ​ລັດ­ຕະ­ນະ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.