ຈັດ​ປະ​ກວດ​ເຕັກ​ໂນ​ໂລ​ຊີ​ສີ­ຂຽວ​ປູກ​ຈິດ​ສຳ­ນຶກ​ໄວ​ໜຸ່ມ​ລາວ​ຕໍ່​ການ​ອະ­ນຸ​ຮັກ​ສິ່ງ­ແວ­ດລ້ອມ

ຮິ​ຕະ​ຊິ ໂຊ​ເຊັນ ຊຶ່ງ​ເປັນ​ບໍ­ລິ­ສັດ​ອຸດ­ສາ­ຫະ­ກຳ ແລະ​ວິ­ສະ­ວະ­ກຳ​ຂອງ​ປະ­ເທດ​ຍີ່­ປຸ່ນ ໄດ້​ຮ່ວມ​ກັບກະ­ຊວງ​ພະ­ລັງ­ງານ ແລະ​ບໍ່​ແຮ່ ພ້ອມ​ດ້ວຍ ກະ­ຊວງ​ສຶກ​ສາ​ທິ​ການ ແລະ​ກິ­ລາ ຈັດ​ງານ​ປະ​ກວດ​ດ້ານ​ເຕັກ​ໂນ​ໂລ​ຊີ​ສີ­ຂຽວ “ລາວ​ກຣິນ​ເທັກ” ທີ່​ສູນ​ບູ​ໂດ​ລາວ-ຍີ່­ປຸ່ນ ນະ­ຄອນ­ຫຼວງ​ວຽງ​ຈັນ ກິດ­ຈະ­ກຳ​ດັ່ງ­ກ່າວ​ມີ​ຂຶ້ນ ເມື່ອ​ວັນ​ທີ 20 ມັງ­ກອນ 2018 ເພື່ອ​ຄົ້ນ​ຫາ​ບັນ­ດາ​ຕົວ​ແບບ​ຜ່ານ​ການ​ປະ­ດິດ ແລະ​ນຳ​ໃຊ້​ເຕັກ​ໂນ​ໂລ​ຊີ​ເຂົ້າ​ໃນ​ການ​ດຳ­ລົງ​ຊີ­ວິດ​ທີ່​ຕິດ​ພັນ​ກັບ​ການ​ອະ­ນຸ​ຮັກ​ສິ່ງ­ແວ­ດລ້ອມ​ໂດຍ​ມີ​ນ້ອງໆ​ນັກ​ສຶກ​ສາ​ເຂົ້າ​ຮ່ວມ​ຢ່າງ​ຫຼວງ­ຫຼາຍ.

ເຂົ້າ​ຮ່ວມ​ເປັນ​ປະ­ທານ ໃນ​ກິດ­ຈະ­ກຳ​ຄັ້ງ​ສຳ­ຄັນ​ນີ້ ໂດຍ ທ່ານ ສີ​ນາ­ວາ ສຸ­ພາ​ນຸວ​ົົງ ຮອງ​ລັດ­ຖະ­ມົນ­ຕີ ກະ­ຊວງ​ພະ­ລັງ­ງານ ແລະ​ບໍ່​ແຮ່ ທ່ານ ໂຕ​ຊິ​ຢຸ​ກິ ຊິ​ລາ​ກີ ຜູ້­ອຳ­ນວຍ­ການ​ໃຫຍ່ ບໍ­ລິ­ສັດ ຮິ​ຕະ​ຊິ ໂຊ​ເຊັນ ທ່ານ ກາ​ຊຸ​ຣິ​ໂລ ກຸ​ໂນ ຮອງ​ເອກ​ອັກ​ຄະ​ລັດ​ຖະ​ທູດ​ຍີ່­ປຸ່ນ​ປະ­ຈຳ ສປປ ລາວ ມີ​ບັນ­ດາ​ຄູ-ອາ­ຈານ ພະ­ນັກ­ງານ​ວິ­ຊາ​ການ ແລະ​ບັນ­ດາ​ໄວ​ໜຸ່ມ.

ທັງ​ນີ້ ຜູ້­ອຳ­ນວຍ­ການ​ໃຫຍ່ ບໍ­ລິ­ສັດ ຮິ​ຕະ​ຊິ ໂຊ​ເຊັນ ໃຫ້​ຮູ້​ວ່າ Hitachi Zosen ໄດ້​ເຊັນ ຂໍ້​ຕົກ­ລົງ​ວ່າ​ດ້ວຍ​ການ​ຮ່ວມ​ມື​ຮອບ­ດ້ານ ກັບ​ກະ­ຊວງ​ພະ­ລັງ­ງານ ແລະ ບໍ່​ແຮ່ ເພື່ອ​ພັດ­ທະ­ນາ​ໂຄງ­ການ​ໃນ​ຂົງ­ເຂດ​ພະ­ລັງ­ງານ​ສະ­ອາດ ແລະ ເປັນ​ມິດ​ກັບ​ສິງ​ແລດ​ລ້ອມ ບົນ​ພື້ນ­ຖານ​ຂໍ້​ຕົກ­ລົງ​ດັ່ງ­ກ່າວ ບໍ­ລິ­ສັດ ຮິ​ຕະ​ຊິ ໂຊ​ເຊັນ ກໍ​ພວມ​ພັດ­ທະ­ນາ​ພະ­ລັງ­ງານ​ທົດ​ແທນ​ທີ່​ສະ­ອາດ​ຢູ່ ສປປ ລາວ ເພື່ອ​ໃຫ້​ບັນ­ລຸ​ແຜນ ແລະ ວິ​ໃສ​ທັດ ຂອງ ສປປ ລາວ ຊຶ່ງ​ມັນ​ມີ​ຄວາມ​ຈຳ­ເປັນ​ທີ່​ຈະ​ຕ້ອງ​ໃຫ້​ພາກ​ລັດ ແລະ​ເອ­ກະ​ຊົນ ມີ​ສ່ວນ​ໃນ​ການ​ເຮັດ​ວຽກ​ຮ່ວມ​ກັນ ດ້ວຍ​ເຫດ​ນີ້ ບໍ­ລິ­ສັດ ຮິ​ຕະ​ຊິ ໂຊ​ເຊັນ ຈຶ່ງ​ມີ​ແຜນ​ຈັດ​ງານ​ປະ​ກວດ​ຄັ້ງ​ນີ້ ເພື່ອ​ເປັນ​ເວ­ທີ​ໃຫ້​ທຸກ​ພາກ­ສ່ວນ​ໄດ້​ຮ່ວມ​ສະ­ແດງ​ອອກ​ເຖິງ​ແນວ​ຄວາມ​ຄິດ ແລະ​ການ​ປະ­ດິດ​ສ້າງ​ເພື່ອ​ໂລກ​ສີ­ຂຽວ.

ໃນ​ໂອ­ກາດ​ດຽວ​ກັນ ຮອງ​ລັດ­ຖະ­ມົນ­ຕີ ກະ­ຊວງ​ພະ­ລັງ­ງານ ແລະ​ບໍ່​ແຮ່ ວ່າ ຈຸດ­ປະ­ສົງ​ຫຼັກ​ຂອງ​ງານ​ປະ​ກວດ​ຄັ້ງ​ນີ້  ແມ່ນ​ເພື່ອ​ປູກ​ຈິດ​ສຳ­ນຶກ​ໃຫ້​ກັບ​ນັກ­ຮຽນ-ນັກ​ສຶກ​ສາ ຮຽນ​ຮູ້​ກ່ຽວ​ກັບ​ບັນ­ຫາ​ສິງ​ແວດ​ລ້ອມ ແລະ​ຄວາມ​ສຳ­ຄັນ​ຂອງ​ການ​ຄ້ຳ­ປະ­ກັນ​ຄວາມ​ໝັ້ນ­ຄົງ​ທາງ​ດ້ານ​ພະ­ລັງ­ງານ​ຢູ່ ສປປ ລາວ ຊຶ່ງ​ຖື​ເປັນ​ອີກ​ໜຶ່ງ​ຊ່ອງ​ທາງ​ການ​ສະ­ໜອງ​ດ້ານ​ຂໍ້​ມູນ​ແກ່​ລັດ­ຖະ­ບານ ແລະ​ພາກ​ບໍ­ລິ­ສັດ​ເອ­ກະ​ຊົນ ລວມ​ເຖິງ​ມວນ​ຊົນ​ທົ່ວ​ໄປ ເພາະ​ໃນ​ງານ​ປະ​ກວດ​ຄັ້ງ​ນີ້ ນອກ­ຈາກ​ຈະ​ເປັນ​ເວ­ທີ​ສະ­ແດງ​ທັກ​ສະ​ໃຫ້​ກັບ​ນັກ­ຮຽນ-ນັກ​ສຶກ​ສາ ໄດ້​ນຳ​ສະ­ເໜີ​ແນວ​ຄວາມ​ຄິດ​ຂອງ​ຕົນ​ໃນ​ການ​ປະ­ດິດ​ຄິດ​ຄົ້ນ​ຕ່າງໆ​ແລ້​້ວ ຍັງ​ເປັນ​ການ​ສ້າງ​ກາ­ລະ​ໂອ­ກາດ​ໃຫ້​ນັກ­ຮຽນ-ນັກ​ສຶກ​ສາ ຈາກ​ບັນ­ດາ​ມະ­ຫາ­ວິ­ທະ­ຍາ­ໄລ​ຕ່າງໆ​ໃນ ສປປ ລາວ ໄດ້​ຄຳ­ນຶງ​ເຖິງ​ບັນ­ຫາ​ສິ່ງ­ແວ­ດລ້ອມ ແລະ​ພະ­ລັງ­ງານ​ສະ­ອາດ​ທີ່​ເປັນ​ມິດ​ກັບ​ສິ່ງ­ແວ­ດລ້ອມ​ອີກ​ດ້ວຍ.

ສຳ­ລັບ​ງານ​ປະ​ກວດ​ດ້ານ​ເຕັກ​ໂນ​ໂລ​ຊີ​ສີ­ຂຽວ “ລາວ​ກຣິນ​ເທັກ” ໃນ​ຄັ້ງ​ນີ້ ກໍ​ນັບ​ວ່າ ເປັນ​ຄັ້ງ​ທຳ​ອິດ ທີ່​ຈັດ​ຂຶ້ນ​ໃນ ສປປ ລາວ  ຊຶ່ງ​ມີ​ນັກ​ສຶກ​ສາ​ທີ່​ມາ​ຈາກ 10 ທີມ ເຂົ້າ​ຮ່ວມ​ປະ​ກວດ ແລະ​ມີ 6 ຫ້ອງ​ວາງ­ສະ­ແດງ​ຈາກ​ພາກ​ລັດ ແລະ​ເອ​ກະ​ຊົົນ ໂດຍ​ມີ​ຜະ­ລິດ​ຕະ​ພັນ​ທີ່​ນຳ​ສະ­ເໜີ ກໍ​ລ້ວນ​ແມ່ນ​ສິນ­ຄ້າ ເຕັກ​ໂນ​ໂລ​ຊີ ສຳ­ລັບ​ການ​ພັດ­ທະ­ນາ​ພະ­ລັງ­ງານ​ສີ­ຂຽວ.

ຂ່າວ: ນສພ ວັນອາທິດ

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.