ຈັບໂຈນແປກ! ລັກຂ້າສັດ 3 ໂຕເອົາຊີ້ນໂລດຽວ

ໃນຍຸກແຫ່ງເຂົ້າຍາກໝາກແພງການທຳມາຫາກິນລຳບາກຜູ້ທີ່ຂີ້ຄ້ານມັກງ່າຍຜັນໂຕເປັນໂຈນຫາກິນທາງລັດ ແຕ່ໂຈນຜູ້ນີ້ແປກລັກຊັບຟຸມເຟືອຍ, ຂົ່ມຂືນ, ຂ້າງົວຄວາຍ 3 ໂຕພຽງເພື່ອເອົາຊີ້ນໂລດຽວມາປີ້ງກິນແລ້ວໜີ.

ໂດຍຂ່າວແຂວງວຽງຈັນລາຍງານວ່າ: ໃນຄັ້ງວັນທີ 1 ເມສາ 2017 ຜ່ານມານີ້ ເຈົ້າໜ້າທີ່ບໍລິການປະຊາຊົນກຸ່ມຈຸດສຸ່ມພັດທະນາຜາບ່ອງສົມທົບກັບເຈົ້າໜ້າທີ່ພະແນກຕຳຫຼວດ ປກສ ເມືອງຫີນເຫີບ ແຂວງວຽງຈັນໄດ້ກັກຕົວທ້າວ ວັນນາ ໄຊຍະວົງ ອາຍຸ 24 ປີ ວ່າງງານຢູ່ບ້ານນາຕ້າຍ ເມືອງຫີນເຫີບແຂວງວຽງຈັນ ມາດຳເນີນຄະດີໃນຂໍ້ຫາລັກຊັບຂອງພົນລະເມືອງປະເພດລົດຈັກ, ລັກຍິງງົວຄວາຍ ແລະ ຂົ່ມຂືນທຳສຳເລົາເດັກມາທຳການສືບສວນ-ສອບສວນ.

ຜ່ານການສືບສວນ-ສອບສວນຂອງ ເຈົ້າໜ້າທີ່ທ້າວ ວັນນາ ໄຊຍະວົງ ໄດ້ໃຫ້ການຮັບສາລະພາບວ່າ: ໃນລະຫວ່າງເດືອນກຸມພາ ປີ 2017 ຜູ້ກຽ່ວໄດ້ເລາະລັກລົດຈັກຄັນທີ 1 ລັກຢູ່ບ້ານໜອງຫຼວງ ເປັນລົດເວບຈີນສີແດງ, ຄັນທີ 2 ແມ່ນໄດ້ລັກລົດຈັກເປັນເວບໂຄລາວສີແດງ, ຄັນທີ 3 ແມ່ນໄດ້ໄປລັກລົດຈັກ ຢູ່ບ້ານນາອັບ, ຄັນທີ 4 ແມ່ນໄດ້ລັກຢູ່ບ້ານຫີນຕິດ ເປັນລົດເວບຈີນສີດຳ ແຕ່ລະຄັນລັກໄປນັ້ນແມ່ນຂີ່ນ້ຳມັນໜົດ ແລ້ວປະຖີ້ມຕົກມາເດືອນມີນາ ປີ 2017 ຜູ້ກ່ຽວໄດ້ໄປລັກໂທລະພາບສີຈໍແບນຈຳນວນ 1 ໜ່ວຍ ແລ້ວເອົາໄປເຊື່ອງໄວ້ປ່າ ແລ້ວໄປງັດຮ້ານຂາຍເຄື່ອງຢູ່ບ້ານນາພ້ອງ ໄດ້ປະເປົາເງິນ 1 ໜ່ວຍ ມີເງິນ 13.500 ກີບ, ສາຍໄຟຟ້າຈຳນວນ 1 ອັນ, ເຂົ້າໜົມຈຳນວນໜຶ່ງ ແລະໝໍ້ໄຟ 1 ໜ່ວຍ, ຕົກມາຮອດວັນທີ 16 ມີນາ 2017 ຜູ້ກ່ຽວໄດ້ໄປຊອກຫາເອົາປືນແກ໋ບ 1 ກະບອກ ແລ້ວໄປລັກຍິງຄວາຍ 2 ໂຕແລະງົວ 1 ໂຕ ເອົາແຕ່ຊີ້ນງົວ 1 ກິໂລ ຈາກນັ້ນກໍ່ໄປປີ້ງກິນຢູ່ຖຽງນາ, ຕໍ່ມາໃນຄັ້ງວັນທີ 11 ມີນາ 2017 ຜູ້ກ່ຽວແມ່ນໄດ້ໄປຂົ່ມຂືນ ນາງ ນ້ອຍ (ນາມສົມມຸດ) ອາຍຸ 15 ປີ ໄດ້ຮ່ວມປະເວ ນີຈົນສຳເລັດ 1 ຄັ້ງ ແລ້ວກໍ່ໜີເຂົ້າປ່າຕົກມາຮອດວັນທີ 17 ມີນາ 2017 ຜູ້ກ່ຽວແມ່ນໄດ້ກຸມຂົ່ມຂືນເດັກນ້ອຍ ນາງ ໃຫຍ່ (ນາມສົມມຸດ) ແຕ່ບໍ່ທັນສຳເລັດ ເພາະນາງເປັນຄົນໃຫຍ່ (ນາມສົມມຸດ) ດີ້ນແລ້ວຫຼຸດມືແລ່ນໜີໄປ.

ຜ່ານການສັງເກດຕີລາຄາຂອງເຈົ້າ ໜ້າທີເຫັນວ່າ ທ້າວ ວັນນາ ໄຊຍະວົງ ແມ່ນມີເຈດຕະນາລັກຊັບພົນລະເມືອງ, ຍັງໄດ້ເຄື່ອນໄຫວເອົາອາວຸດລ່າເນື້ອປືນແກ໋ບລັກຍິງງົວຄວາຍຂອງປະຊາຊົນ ແລະຍັງເຈດຕະນາເຄື່ອນໄຫວໃນການ ຂົ່ມຂືນທຳສຳເລົາເດັກການກະທຳຂອງ ຜູ້ກ່ຽວແມ່ນຜິດຕໍ່ກົດໝາຍອາຍາໃນມາດຕາ 119, 128 ແລະ 141 ແຫ່ງ ສປປລາວ.

ປະຈຸບັນ ເຈົ້າໜ້າທີ່ໄດ້ເກັບກູ້ຊັບພົນລະເມືອງດັ່ງກ່າວມາຮັກສາໄວ້ຢູ່ກຸ່ມຈຸດສຸມພັດທະນາຜາບ່ອງຈຳນວນໜຶ່ງ ແລະໄດ້ມອບສົ່ງຄືນໃຫ້ເຈົ້າຂອງເດີມເປັນທີ່ຮຽບຮ້ອຍແລ້ວ ຊຶ່ງໃຫ້ກຽດກ່າວມອບໂດຍທ່ານ ພັຕ ແສງທອງ ລໍວັນໄຊຮັກສາການຄະນະພັກຮາກຖານຈຸດສຸມ ຜາບ່ອງຫົວໜ້າຫ້ອງການບໍລິການປະຊາຊົນກຸ່ມຈຸດສຸມພັດທະນາຜາບ່ອງ ປກສ  ເມືອງຫິນເຫີບ ແຂວງວຽງຈັນ ແລະຕາງໜ້າຮັບແມ່ນ ທ່ານ ໄພທູນ ຫານວິລາດ ຕາງໜ້າເຈົ້າຂອງຊັບບ້ານຜາບ່ອງ ໂດຍຊ້ອງໜ້າພະນັກງານ-ນັກຮົບ ແລະປະຊາຊົນ ຂອງກາງທີ່ນຳມາມອບຄືນໃຫ້ເຈົ້າຂອງເດີມຈຳນວນດັ່ງ ກ່າວນັ້ນມີລົດຈັກ 2 ຄັນ, ໂທລະພາບ ສີຈໍແບນ 1 ໜ່ວຍ, ໂທລະສັບ 2 ໜ່ວຍ ສ່ວນຜູ້ຕ້ອງຫາປັດຈຸບັນເຈົ້າໜ້າທີ່ກອງບັນຊາການ ປກສ ເມືອງຫີນເຫີບພວມສະຫຼຸບສຳນວນຄະດີ ເພື່ອສຶບຕໍ່ດຳເນີນຄະດີຕາມລະບຽບກົດໜາຍໃນຂັ້ນຕໍ່ໄປ.

ຂ່າວ: ເສດຖະກິດ-ສັງຄົມ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.