ຈັບ​ຜູ້​ຕ້ອງຫາພ້ອມ​ສານ​ຜະລິດ​ຢາ​ເສບ​ຕິດ 1 ໂຕນ

ນັບເປັນອີກໜຶ່ງລາຍຄະ­ດີທີ່ມີການຂົນຍ້າຍສານຜະ­ລິດຢາເສບຕິດຈຳນວນຫຼວງ­ຫຼາຍເຖິງ 40 ເປົ໋າ ມີນ້ຳ­ໜັກ ລວມ 1 ໂຕນ ຊຶ່ງກຽມຈະນຳສົ່ງໄປປະເທດເພື່ອນບ້ານ ພ້ອມນັ້ນ ທາງເຈົ້າໜ້າ­ທີ່ພະແນກສະ­ກັດກັ້ນ ແລະ ຕ້ານຢາເສບຕິດ ປກສ ແຂວງຫຼວງນ້ຳທາ ກໍສາ­ມາດກັກຕົວຜູ້ຖືກຫາ ຊຶ່ງເປັນຊາຍຊາວຫວຽດນາມໄດ້ 3 ຄົນ.

ອີງຕາມການລາຍງານຂ່າວຂອງກຳ­ລັງປ້ອງກັນຄວາມສະ­ຫງົບເມື່ອອາທິດທີ່ຜ່ານມາໃຫ້ຮູ້ວ່າ  ເມື່ອວັນທີ 19 ເມສາ 2016 ຜ່ານມາ ເຈົ້າໜ້າ­ທີ່ ປກສ ແຂວງຫຼວງນ້ຳທາ ໄດ້ຮັບແຫຼ່ງຂ່າວວ່າ ມີກຸ່ມຄົນບໍ່ດີຈຳ­ນວນໜຶ່ງເຄື່ອນໄຫວຊື້-ຂາຍສານເຄມີທີ່ໃຊ້ຜະ­ລິດຢາເສບຕິດຢູ່ເຂດເມືອງສິງ ແລະ ເມືອງລອງ ຈາກນັ້ນ ຈິ່ງໄດ້ຈັດກຳ­ລັງສົມ­ທົບກັບກອງບັນ­ຊາການ ປກສ ເມືອງສິງ ແລະເມືອງລອງ ຕິດ­ຕາມພິ­ສູດແຫຼ່ງຂ່າວ ມາຮອດເວ­ລາປະ­ມານ 19:20 ໂມງ ຂອງວັນທີ 21 ເມ­ສາ 2016 ຈິ່ງພົບເຫັນເປົ້າໝາຍຂັບຂີ່ລົດຮຸນໄດສີ­ຟ້າ ໝາຍເລກທະ­ບຽນ ກກ 4286 ຫຼວງພະບາງ ມາຕາມເສັ້ນ­ທາງເມືອງສິງ­ຫາເມືອງລອງ ພໍຮອດເຂດ ບ້ານຫົວຂົວ 1 ເມືອງລອງເຈົ້າໜ້າ­ທີ່ ໄດ້ຂໍ­ອະ­ນຸ­ຍາດກວດ­ກາຈິ່ງພົບເຫັນສານ ເຄມີສີ­ຂາວຈຳ­ນວນ 40 ເປົ໋າ ຊຸກ­ເຊື່ອງ ຢູ່ໃນລົດກະ­ບະຈິ່ງໄດ້ກັກຕົວທ້າວ ຫຼາມ ອາ­ຍຸ 36 ປີ ທ້າວ ຕຽນ ອາ­ຍຸ 34 ປີ ແລະ ທ້າວ ລີງ ອາ­ຍຸ 24 ປີ ທັງສາມຢູ່ເມືອງຫວຽນເຈົາ ແຂວງເຊອານ ສສ ຫວຽດນາມ.

ຜ່ານການສອບສວນຂະ­ຫຍາຍຜົນໃນເບື້ອງຕົ້ນຜູ້ຖືກຫາທັງສາມຄົນຍອມຮັບສາ­ລະ­ພາບວ່າ ໄດ້ຮ່ວມກັນເຄື່ອນໄຫວຄ້າ­ຂາຍຢາເສບຕິດ ຊຶ່ງພາ­ກັນມາເຊົ່າເຮືອນຢູ່ເມືອງສິງ ແລະ ເມືອງລອງ ເພື່ອເປັນບ່ອນຄ້າ­ຂາຍຢາເສບຕິດ ສຳລັບສານເຄມີ 40 ເປົ໋າ ນ້ຳ­ໜັກ 1 ໂຕນ ກໍແມ່ນຂອງພວກຕົນແທ້ ແລະ ຈະນຳ­ໄປຂາຍໃຫ້ເຖົ້າແກ່ຢູ່ປະ­ເທດມຽນມາ ໃນລາ­ຄາ 1 ລ້ານບາດ (ເງິນສະ­ກຸນໄທ).

ປະ­ຈຸບັນເຈົ້າໜ້າ­ທີ່ຕຳ­ຫຼວດໄດ້ຢຶດສານເຄມີຈຳ­ນວນດັ່ງ­ກ່າວ ພ້ອມລົດຮຸນ ໄດ 1 ຄັນ ຕາໜ່າງ 20 ກໍ້ ແລະໂທລະ­ສັບ 4 ໜ່ວຍ ໄວ້ເປັນຂອງກາງ ເພື່ອດຳ­ເນີນພິ­ສູດຫາທີ່ໄປທີ່ມາ ແລະຂະ­ຫຍາຍຜົນຫາກຸ່ມແກ້ງຮ່ວມຂະບວນການ ເນື່ອງຈາກວ່າທ້າວ ຫຼາມ ເຄີຍຖືກເຈົ້າໜ້າ­ທີ່ ປກສ ແຂວງດຳ­ເນີນຄະ­ດີກ່ຽວກັບການຄ້າ­ຂາຍສານເຄມີທີ່ໃຊ້ຜະ­ລິດຢາເສບຕິດມາແລ້ວເທື່ອໜຶ່ງ.

ທີ່ມາ: ນສພ ວັນອາທິດ

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.