ຈິ່ວ ເໝົາ 5 ປະຕູ ຊ່ວຍ ປກສ ຖະຫຼົ່ມ ໄອດີຊີ ຈໍາປາສັກ 7-1 ຂຶ້ນນໍາລາວພຣີເມຍລີກ

ຈິ່ວ ນົນ​ມະ­ນີ ຍິງ​ຄົນ​ດຽວ 5 ປະ­ຕູ ການ​ແຂ່ງ­ຂັນ​ບານ­ເຕະ​ລາວ​ພຣີ​ເມຍ​ລີກ 2017 ປກສ ເປີດ​ບ້າ​ນະ​ຫຼົ່ມ ໄອ​ດີ​ຊີ ຈຳ­ປາ​ສັກ ໄປ​ແບບ​ໝົດ​ສະ­ພາບ 7-1 ເມື່ອ​ວັນ​ທີ 2 ເມ­ສາ​ທີ່​ຜ່ານ​ທີ່​ສະ­ໜາມ​ກີ­ລາ​ແຫ່ງ​ຊາດ ຫຼັກ 16 ພ້ອມ​ທັງ​ເຮັດ ປກສ ເອ​ັຟ​ຊີ ຢຶດ​ທີມ​ນຳ​ຕາ­ຕະ­ລາງ​ຄະ­ແນນ​ລວມ​ອາ­ທິດ​ທຳ​ອິດ.

ນັດ​ນີ້, ປກສ ເອ​ັຟ​ຊີ ຈັດ​ໜັກ​ສົ່ງ ຈິ່ວ ນົນ​ມະ­ນີ ຢືນ​ໜ້າ​ຄູ່​ກັບ ສຸກ​ຈິນ­ດາ ນັດ​ຜາ​ສຸກ, ສ່ວນ ໄອ​ດີ​ຊີ ຈຳ­ປາ​ສັກ ສົ່ງ ຣຽວ​ກ້າ ອິ​ກຸ​ຊິ ລົງ​ລ່າ​ປະ­ຕູ​ຮ່ວມ​ກັບ ສົມ​ຈິດ ສີ​ບຸນ​ເຮືອງ ປະ­ກົດ​ວ່າ: ປກສ ຫຼິ້ນ​ໄດ້​ຢ່າງ​ໂດດ​ເດັ່ນ​ທີ່​ສຸດ ເລີ່ມ​ເກມ​ພຽງ 2 ນາ­ທີ ຈິ່ວ ນົນ​ມະ­ນີ ກອງ​ໜ້າ​ຕົວ​ເກັ່ງ​ກໍ່​ມາ​ຍິງ​ປະ­ຕູ​ໃຫ້​ກັບ​ທີມ​ຂຶ້ນ​ນຳ 1-0 ກ່ອນ​ທີ່ ຕາ­ວັນ ສາຍ​ຕີ ກອງ​ຫຼັງ ໄອ​ດີ​ຊີ ຈຳ­ປາ​ສັກ ສະ­ກັດ​ເຂົ້າ​ປະ­ຕູ​ຕົວ​ເອງ​ນາ­ທີໆ 18 ແລະ ສຸ­ວັນ​ວິ­ໄລ ຍຸດ​ທະ​ວົງ ຈະ​ມາ​ຍິງ​ເພີ່ມ​ໃຫ້ ປກສ ນາ­ທີໆ 34 ໜີ​ຫ່າງ​ເປັນ 3-0 ແລະ ຈິ່ວ ຈະ​ມາ​ຍິງ​ເພີ່ມ​ອີກ 2 ປະ­ຕູ​ໃນ​ນາ­ທີໆ 38 ກັບ 44 ໃຫ້​ກັບ​ທີມ​ນຳ​ຫ່າງ 5-0 ກ່ອນ​ໝົດ​ເຄິ່ງ​ເວ­ລາ​ທຳ​ອິດ​ໄປ.

ຈິ່ວ ນົນ​ມະ­ນີ ເບີ 11 ເໝົາ​ຄົນ​ດຽວ 5 ປະ­ຕູ​ນັດ​ຊ່ວຍ ປກສ ຖະ​ຫຼົ່ມ ໄອ​ດີ​ຊີ ຈຳ­ປາ​ສັກ 7-1

ສ່ວນ​ເຄິ່ງ​ເວ­ລາ​ທີ 2 ປກສ ຍັງ​ສືບ­ຕໍ່​ຄອງ​ເກມ​ໄດ້​ເໜືອກ​ວ່າ ຂະ­ນະ​ທີ່ ໄອ​ດີ​ຊີ ຈຳ­ປາ​ສັກ ກໍ່​ພະ​ຍາມ​ເປີດ​ເກມ​ບຸກ​ສູ້​ແບບ​ບໍ່​ມີ​ຫຍັງ​ເສຍ ຈົນ​ມາ​ໄດ້​ປະ­ຕູ​ຕີ​ໄຂ່​ແຕກ 1-5 ນາ­ທີໆ 51 ຈາກ​ການ​ຍິງ​ຂອງ ໂພ​ລີ​ຕີ ( POLITEE ). ຢ່າງ­ໃດ​ກໍ່​ຕາມ,  ຈິ່ວ ທີ່​ມາ​ຍິງ​ໄດ້​ອີກ 2 ປະ­ຕູ​ໃນ​ນາ­ທີໆ 55 ແລະ 79 ຊ່ວຍ​ໃຫ້ ປກສ ເອົາ​ຊະ­ນະ​ໄປ 7-1. ສົ່ງ​ຜົນ​ໃຫ້ ປກສ ເກັບ 3 ຄະ­ແນນ​ທຳ​ອິດ​ໄປ​ຄອງ ເທົ່າ​ກັບ ມຊ ເອ​ັຟ​ຊີ ແລະ ສະ­ຫວັນ ຢູ​ໄນ​ເຕັດ ແຕ່ ປກສ ມີ​ປະ­ຕູ​ໄດ້​ເສຍ​ດີ​ກວ່າ ຂຶ້ນ​ເປັນ​ທີມ​ນຳ​ຕາ­ຕະ­ລາງ​ຄະ­ແນນ​ລວມ.

ຂ່າວ: ເສດຖະກິດ-ການຄ້າ

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.