ຈີນ​ຄວບ​ຄຸມ​ກົດລະບຽບ​ພັດທະນາ​ອະສັງຫາລິມະ​ຊັບ

ກະຊວງ​ທີ່ຢູ່​ອາ​ໄສ, ການ​ພັດທະນາ​ເມືອງ ​ແລະ ຊົນນະບົດ​ຂອງ​ຈີນ​ຮຽກຮ້ອງ​​ໃຫ້​ໃຊ້​ມາດ​ຕະການ​ກົດ​ດັນ​ຕໍ່ການ​ກະທຳ​ທີ່​ຜິດ​ກົດລະບຽບ ​ເພື່ອ​ໃຫ້​ຕະຫຼາດ​ອະສັງຫາລິມະ​ຊັບ​ຈີນ​ມີ​ສະຖຽນ​ລະ​ພາບ ​ແລະ ​ເຂັ້ມ​ແຂງ.

ສຳນັກ​ຂ່າວ​ຕ່າ​ງປະ​ເທດ​ລາຍ​ງານ​ວ່າ: ກະຊວງ​ທີ່ຢູ່​ອາ​ໄສ, ການ​ພັດທະນາ​ເມືອງ ​ແລະ ຊົນນະບົດຈີນ​ລະບຸ​ວ່າ ລັດຖະບານ​ຈະ​ເພີ່ມ​ຄວາມ​ພະຍາຍາມ​ໃນ​ການ​ກວາດ​ລ້າງ​ຜູ້​ພັດທະນາ ​ແລະ ຕົວ​ແທນ​ດ້ານ​ອະສັງຫາລິມະ​ຊັບ​ທີ່​ເຮັດ​ຜິ​ດກົດ​ລະບຽບ ສ່ວນ​ເຈົ້າ​ໜ້າ​ທີ່​ທ້ອງ​ຖິ່ນ​ຈະ​ເຂັ້ມ​ງວດ​ຫຼາຍ​ຂຶ້ນ​ເພື່ອ​ບໍ່​ໃຫ້​ມີ​ການ​ຜູກຂາດ​ຫຼື​ຄວບ​ຄຸມ​ໃນ​ຕະຫຼາດ​ຫຼື​ສ້າງ​ຂ່າວ​ລື​ໃດໆ​ທີ່​ຈະ​ຊີ້​ນຳ​ກະ​ແສ​ຄາດ​ຄະ​ເນ​ໄປ​ໃນ​ທາງ​ທີ່​ຜິດ, ​ໄປ​ຈົນ​ເຖິງ​ການ​ອອກ​ເອກະສານ​ປອມ, ນອກຈາກ​ນີ້ ໜ່ວຍ​ງາ​ນທີ່​ກ່ຽວ​ຂ້ອງ ຍັງ​ຈຳ​ເປັນ​ຕ້ອງ​ເຂັ້ມ​ງວດ​ກັບ​ການ​ປ່ອຍ​ກູ້​ເງິນ​ດາວ ​ແລະ ກິດຈະກຳ​ທາງ​ການ​ເງິນ​ເພື່ອ​ການ​ຊື້​ຂາຍ​ທີ່ຢູ່​ອາ​ໄ​ສທີ່​ຜິດ​ກົດໝາຍ​ອື່ນໆ ຊຶ່ງ​ທີ່​ຜ່ານ​ມາ​ກະຊວງ​ໄດ້​ຕຳນິໜ່ວຍ​ງານ ​ແລະ ຜູ້ພັດ​ທະນາ​ອະສັງຫາລິມະ​ຊັບ​ຫຼາຍ​ກວ່າ 30 ​ແຫ່ງ ທີ່​ລະ​ເລີຍ​ກົດ​ເກນ​ໃນ​ຕະຫຼາດ.

ກະຊວງ​ຍັງ​ຮຽກຮ້ອງ​ໃຫ້​ໃຊ້ມາດ​ຕະການ​ກົດ​ດັນ ຕໍ່​ການ​ກະທຳ​ທີ່​ບໍ່​ດີ ​ເພື່ອ​ໃຫ້​ຕະຫຼາດ​ອະສັງຫາລິມະ​ຊັບ​ຈີນ​ມີ​ສະຖຽນ​ລະ​ພາບ ​ແລະ ​ເຂັ້ມ​ແຂງ, ​ໃນ​ເມືອງ​ໃຫຍ່​ຄື ປັກ​ກິ່ງ ​ໄດ້​ມີ​ການ​ນຳ​ມາດ​ຕະການ​ໃໝ່ໆ​ມາ​ໃຊ້​ເຊັ່ນ: ການ​ເພີ່ມ​ຈຳນວນ​ເງິນ​ດາວ​ຂັ້ນ​ຕໍ່າ ສຳລັບ​ຜູ້​ຊື້​ເຮືອນ​ຫຼັງ​ທີ່​ສອງ ຫຼັງ​ຈາກ​ທີ່​ມີ​ການ​ເພີ່ມ​ກົດ​ລະບຽບ​ດ້ານ​ການ​ຊື້​ທີ່​ພັກ​ອາ​ໄສ​ມາ​ຕັ້ງ​ແຕ່​​ເດືອນ​ຕຸລາ​ໃນ​ຫຼາຍ​ເມືອງ​ເພື່ອ​ປ້ອງ​ກັນ​ບໍ່​ໃຫ້​ລາຄາ​ເພີ່ມ​ສູງ​ຂຶ້ນ​ຈົນ​ເກີນ​ໄປ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.