ຈີນ​ບໍ່​ຢາ​ກເຫັນ “ສົງຄາມ​ການ​ຄ້າ​” ກັບ​ອາ​ເມ​ລິ​ກາ

ທ່ານ ຫຼີ​ເຄິ້ສຽງ ນາຍົກລັດຖະມົນຕີຂອງຈີນ​ກ່າວ​ໃນ​ວັນ​ທີ 15 ມີນາ​ທີ່​ຜ່ານ​ມາ​ວ່າ ປັກ​ກິ່ງບໍ່​ຕ້ອງການ​ເຫັນ​ສົງຄາມ​ການ​ຄ້າ​ກັບ​ອາ​ເມ​ລິ​ກາ ​ແລະ ຮຽກຮ້ອງ​​ໃຫ້​ມີ​ການ​ເຈລະຈາ​ລະຫວ່າງ​ສອງ​ຝ່າຍ​ເພື່ອ​ຫາ​ຂໍ້​ຕົກລົງ​ຮ່ວມ​ກັນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ​ຫຼີ​ເຄີ້ສຽງ ກ່າວ​ຖະ​ແຫຼ​ງຂ່າວ​ປະຈຳ​ປີ​ໃນ​ໄລຍະ​ປິດ​ກອງ​ປະຊຸມ​ລັດຖະສະພາ​ປະຈຳ​ປີ​ວ່າ: “ຈີນ​ບໍ່​ຕ້ອງການ​ເຫັນ​ສົງຄາມ​ການ​ຄ້າ​ໃດ​ໆ​ເກີດ​ຂຶ້ນ​ລະ​ຫວ່າງ​ສອງ​ປະ​ເທດ ນັ້ນ​ຈະ​ບໍ່​ເຮັດ​ໃຫ້ການ​ຄ້າ​ຂອງ​ເຮົາ​ຈະ​ເລີ​ນຮຸ່ງ​ເຮືອງ​ຂຶ້ນ”, ຄວາມ​ຫວັງ​ຂອງ​ຝ່າຍ​ຈີນ​ຄື ບໍ່​ວ່າຄວາມ​ສຳພັນ​ຂອງ​ເຮົາ​ຈະ​ພົບ​ກັບ​ສິງ​ໃດ ​ເຮົາ​ຫວັງ​ວ່າ ມັນ​ຍັງ​ຄົງ​ກ້າວໜ້າ​ຕໍ​ໄປ​ໃນ​ວິທີທາງ​ທີ່​ດີ. ​ເຮົາ​ມີ​ວິທີ​ການ​ທາງ​ຍຸດ​ທະ​ສາດ​ຕ່າງ​ກັນ ​ແຕ່​ຂ້ອຍ​ເຊື້ອ​ວ່າ ບໍ່​ວ່າ​ເຮົາ​ຈະ​ມີ​ຄວາມ​ແຕກ​ຕ່າງ​ກັນ​ພຽງ​ໃດ​ເຮົາ​ກໍ​ສາມາດ​ນັ່ງ​ລົງ ​ແລະ ​ໂອ້​ລົ​ມກັນ​ເພື່ອ​ຮ່ວມ​ມື​ກັນຫາ​ທາງ​ອອກ​ໄດ້.

ທ່ານ ຫຼີ​ເຄີ້ສຽງ​ກ່າວ​ຕື່ມ​ວ່າ ຄວາມ​ສຳພັນ​ຈີ​ນ-ອາ​ເມ​ລິ​ກາ​ຢູ່​ເທິງ​ຮາກ​ຖານ​ຂອງ​ການ​ຢຶດໝັ້ນ​ນະ​ໂຍບາຍ​ຈີນ​ດ່ຽວ ຊຶ່ງ​ອາ​ເມ​ລິ​ກາ​ຕ້ອງ​ຍອມຮັບ​ຈຸດ​ຢືນ​ຂອງ​ຈີນ​ວ່າ ຈີນ​ມີ​ພຽງ​ແຕ່​ໜຶ່ງ​ດຽວ​ເທົ່າ​ນັ້ນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.