ຈີນ​ສົ່ງ​ຍານ​ອະວະກາດຂົນ​ສົ່ງ​ລຳ​ທຳ​ອິດ​ສຳ​ເລັດ

ຈີນ​ປະສົບ​ຄວາມ​ສຳ​ເລັດ​ໃນ​ການ​ສົ່ງຍານ​ຂົນ​ສົ່ງ​ອາ​ວະ​ກາ​ດລຳ​ທຳອິດ​ຂຶ້ນ​ສູ່​ວົງ​ໂຄຈອນ​ໃນ​ວັນ​ທີ 20 ​ເມສາ​ທີ່​ຜ່ານ​ມາ ຖື​ເປັນ​ອີກ​ໜຶ່ງ​ບາດກ້າວ​ໄປ​ສູ່​ເປົ້າ​ໝາຍການ​ສ້າງ​ສະຖານີ​ອາ​ວະ​ກາດ​ຂອງ​ຕົນ​ທີ່​ມີ​ມະນຸດ​ຢູ່​ປະຈຳ​ພາຍ​ໃນ​ປີ 2022.

ສຳນັກ​ຂ່າວ​ຕ່າ​ງປະ​ເທດ​ລາຍ​ງານ​ວ່າ: ຍານ​ອະວະກາດ​ທຽນ​ໂຈ​-1 ຖືກ​ສົ່ງ​ຂຶ້ນ​ສູ່​ອະວະກາດ​ຢູ່​ຖານ​ປ່ອຍ​ຂອງ​ຈະ​ຫຼວດ​ເຫວິນ​ຊາງ ​ໃນ​ມົນທົນ​ໄຫ່ໜານ ຍານ​ອະວະກາດ​ດັ່ງກ່າ​ວຈະ​ເຂົ້າ​ໄປ​ຈອດ​ທີ່​ສະຖານີ​ວິ​ໄຈ​ອະວະກາດ​ທຽນ​ກົງ-2 ຂອງ​ຈີນ​ເພື່ອ​ສົ່ງ​ເຊື້ອ​ໄພ ​ແລະ ​ເຄື່ອງ​ຂອງ​ພ້ອມ​ກັບ​ເຮັດ​ການ​ວິ​ໄຈ​ອະວະກາດ​ກ່ອນ​ທີ່​ຈະ​ກັບ​ລົງ​ສູ່​ໂລກ, ຕາມ​ຂ່າວ​ຊິນ​ຮວາ​ລາຍ​ງານ​ວ່າ ຈີນ​ກຳລັງ​ຕັ້ງ​ເປົ້າ​ທີ່​ຈະ​ສ້າງ​ສະຖານີ​ອາ​ວະ​ກາດ​ໃຫ້​ໄດ້​ໃນ​ປີ 2022 ຊຶ່ງ​ຄາດ​ວ່າ ຈະ​ໃຊ້​ເວ​ລາ​ຕໍ່​ຈາກ​ນັ້ນ​ຢ່າງ​ໜ້ອຍ 10 ປີ​ໃນ​ການ​ດຳ​ເນີນ​ການ ​ໂດຍ​ການ​ປ່ອຍ​ຍານ​ຂົນ​ສົ່ງ​​ເທື່ອທຳ​ອິດ​ນີ້​ຈະ​ເປັນ​ຄັ້ງ​ສຳຄັນ​ທີ່​ຈະ​ຊ່ວຍ​ຮັກສາ ​ແລະ ສ້ອມ​ແປງ​ສະຖານີ​ອະວະກາດ​ໃນ​ຕໍ່ໜ້າ ຖ້າ​ຫາກ​ບໍ່ມີ​ຍານ​ອາ​ວະ​ກາດ​ສົ່ງ​​ເຄື່ອງ​ຂອງ​ແລ້ວ ສະຖານີ​ອາ​ວະ​ກາດ​ຈະ​ສູນ​ເສຍ​ພະລັງງານ ​ແລະ ຂອງ​ໃຊ້​ຈຳ​ເປັນ​ໃນ​ສະຖານີ​ຊຶ່ງ​ຈະ​ຕົກລົງ​ສູ່​ໂລກ​ກ່ອນ​ເວລາ​ທີ່​ກຳນົດ.

ສຳລັບ​ທຽນ​ໂຈ​-1 ​ເປັນ​ຍານ​ອະວະກາດ​ຂົນ​ສົ່ງ​ສິນຄ້າ​ຂະໜາດ​ຄວາມ​ຍາວ 9 ​ແມັດ​ກວ້າງ 3 ​ແມັດ ສາ ມາດ​ບັນທຸກ​ເຄື່ອງ​ຂອງ​ໄດ້​ຫຼາຍ​ເຖິງ 6.500 ກິ​ໂລກຣາມ ຖືກ​ອອກ​ແບບ​ໃຫ້​ສາມາດ​ເຕີມ​ເຊື້ອ​ເພີງ ​ແລະ ສະບຽງອາຫານ​ແກ່​ຫ້ອງ​ປະຕິບັດ​ການ​ທາງ​ອະວະກາດ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.