ຈີນ-ນູແວນເຊລັງເລັ່ງເຈລະຈາການຄ້າເສລີຄືນໃໝ່

ນູແວນເຊລັງ ແລະ ສປຈີນເປີດເຜີຍວ່າມີແຜນຈະເຈລະຈາຕໍ່ຮອງໃໝ່ໃນການຂະຫຍາຍຂໍ້ຕົກລົງການ ຄ້າເສລີ (ເອຟທີເອ) ໄລຍະ 9 ປີ.

ສຳນັກຂ່າວຕ່າງປະເທດລາຍງານວ່າ: ທ່ານ ຫຼີ່ເຄິ້ສຽງ ນາຍົກລັດຖະມົນຕີຂອງຈີນທີ່ເດີນທາງໄປຢ້ຽມຢາມ ນູແວນເຊລັງ ແລະ ໄດ້ພົບກັບ ທ່ານ ບິລ ອິງລິຊ ນາຍົກລັດຖະມົນຕີຂອງນູແວນເຊລັງພ້ອມລະບຸວ່າ ຂໍ້ຕົກລົງເອຟ ທີເອປະສົບຜົນສຳເລັດຫຼາຍໃນໄລຍະທີ່ຜ່ານມາ ແລະ ຍັງສົ່ງຜົນໃຫ້ການຄ້າທະວີພາຄີເພີ່ມຂຶ້ນ 3 ເທົ່າ ໂດຍການຍົກລະດັບຂໍ້ຕົກລົງຈະຊ່ວຍເພີ່ມມູນຄ່າການຄ້າຕໍ່ໄປ ໂດຍຈະເລີ່ມການເຈລະຈາໃນເດືອນໜ້າ. ດ້ານນາຍົກລັດຖະມົນຕີຈີນ ກ່າວຊື່ນຊົມຂໍ້ຕົກລົງທະວີພາຄີເຊັ່ນກັນ ແລະ ວ່າເປັນເທື່ອທຳອິດທີ່ຈີນລົງນາມກັບປະເທດພັດທະນາແລ້ວ ແລະ ຍັງນັບວ່າ ມີຄວາມຄືບໜ້າຫຼາຍທີ່ສຸດ.

ທັງນີ້ ນູແວນເຊລັງຫວັງວ່າ ການເຈລະຈາເອຟທີເອຮອບໃໝ່ ຈະຊ່ວຍໃຫ້ນູແວນເຊລັງສາມາດຈຳໜ່າຍ ຜະລິດຕະພັນນົມ ໄປຍັງຈີນໄດ້ຫຼາຍຂຶ້ນ ສ່ວນຈີນຫວັງຈະຫຼຸດຍອດຂາດດຸນການຄ້າກັບນູແວນເຊລັງດ້ວຍການສົ່ງອອກສິນຄ້າໄປໃຫ້ໄດ້ຫຼາຍຂຶ້ນ.

loading...

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.