ຈີນ-​ຟິລິບ​ປິນ​ເຊັນ​ສັນ​ການ​ຄ້າ​ມູນ​ຄ່າ 1,7 ຕື້​ໂດ​ລາ

ຕາມ​ຂ່າວ Cri ລາຍ​ງານ​ວ່າ ສປ ຈີນ-ຟີ​ລິບ​ປິນ​ເຊັນ​ສັນຍາ​ການ​ຄ້າ​ທີ່​ມີ​ມູນ​ຄ່າ 1,7 ຕື້ໂດ​ລາ​ສະຫະລັດ​ໃນ​ທ້າຍ​ອາທິດ​ທີ່​ຜ່ານ​ມາ.

ພິທີ​ເຊັນ​ສັນຍາ​ການ​ຄ້າ​ລະຫວ່າງ​ວິ​ສາ​ຫະກິດ​ຈີນ-ຟີ​ລິບ​ປິນ​ໂດຍການ​ເປັນ​ເຈົ້າພາບ​ຮ່ວມ​ຂອງກະຊວງ​ການ​ຄ້າ​ຈີນ ​ແລະ​ ກະຊວງ​ການ​ຄ້າ​ ແລະ ​ອຸດສາຫະກຳ​ຟີ​ລິບ​ປິນ​ເປັນ​ເຈົ້າພາບ​ໄດ້​ຈັດ​ຂຶ້ນ​ຢູ່​ນະຄອນຫຼວງມະ​ນິລາ​ປະ​ເທດ​ຟີ​ລິບ​ປິ​ນ​ໃນ​ທ້າຍ​ອາທິດ​ທີ່​ຜ່ານ​ມາ ​ໂດຍວິ​ສາ​ຫະກິດ​ຈີນ 21 ​ແຫ່ງ​​ພ້ອມ​ຄູ່​ຮ່ວມ​ມື​ວິ​ສາ​ຫະກິດ​ຟີ​ລິບ​ປິນ​ໄ​ດ້​ເຊັນ​ສັນຍາ​ການ​ຄ້າ​ທັງ​ໝົດ 73 ສະບັບ​ໃນ​ມູນ​ຄ່າ​ກວ່າ 1,7 ຕື້ໂດ​ລາ​ ​ເຊິ່ງກ່ຽວ​ພັນ​ເຖິງ​ຫຼາຍ​ຂົງ​ເຂດ​ເປັນ​ຕົ້ນ ກະສິກຳ,​ເສື້ອ​ຜ້າ​ອາພອນ, ອຸດສາຫະກຳ​ເຄມີ, ຢາ​ປິ່ນປົວ, ບໍ່​ແຮ່, ການ​ຄ້າ, ການ​ຂົນ​ສົ່ງ​ ແລະ ​ອື່ນໆ ຂະນະ​ທີ່​ວິ​ສາ​ຫະກິດ​ຈີນຈະ​ເພີ່ມ​ການ​ນຳ​ເຂົ້າ​ຜະລິດ​ຕະພັນ​ທີ່​ມີ​ທ່າ​ແຮງ​ຂອງ​ຟີ​ລິບ​ປິນ​ເປັນ​ຕົ້ນ​ກ້ວຍ​ຫອມ, ໝາກ​ນັດ, ນ້ຳມັນ​ໝາກພ້າວ,​ ໃຍ​ໝາກພ້າວ,​ ​ໄມ້, ​ແຮ່​ນິ​ເກນ​ ແລະ​ ອື່ນໆ.

ທ່ານ​ ຫວາງ​ຊິນ​ກ່າງ ຜູ້ອຳນວຍການ​ຂັ້ນ​ສູງ​ພະ​ແນ​ກການ​ຄ້າ​ເສື້ອ​ຜ້າ​ອາພອນ​ຂອງ​ກຸ່ມ​ບໍລິສັດ​​ເຫີ​ງທຽນ​ຈີນ​ທີ່​ເຂົ້າ​ຮ່ວມ​ກິດຈະກຳ​ດັ່ງກ່າວ​ຢືນຢັນ​ວ່າ ການ​ມາ​ຟີ​ລິບ​ປິນ​ເທື່ອ​ນີ້ບໍ່​ພຽງ​ແຕ່​ຈະ​ລົງ​ເລິກ​ການ​ຮ່ວມ​ມື​ລະຫວ່າງ​ສອງ​ຝ່າຍ​ເທົ່າ​ນັ້ນ​ຍັງ​ຈະ​ຊຸກຍູ້​ການ​ຄ້າ​ສອງ​ຝ່າຍ​ໃຫ້​ກ້ຳ​ເກິ່ງ​ກັນ​ອີກ​ດ້ວຍ.

 

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.