ຈີ 20 ສົ່ງ​ເສີມ​ການ​ຄ້າ​ເສລີ

ລັດຖະມົນຕີ​ການ​ເງິນ ​ແລະ ຜູ້ວ່າການ​ທະນາຄານ​ກາງຂອງ​ກຸ່​ມປະ​ເທດ​ອຸດສາຫະກຳ​ຊັ້ນ​ນຳ ​ແລະ ​ເສດຖະກິດ​ເກີດ​ໃໝ່ 20 ປະ​ເທດ (ຈີ20) ​ໄດ້​ສະ​ແດງ​ຄວາມ​ເປັນ​ຫ່ວງ​ການ​ຂະຫຍາຍຕົວ​ຂອງ​ນະ​ໂຍບາຍ​ກີດ​ກັ້ນ​ການ​ຄ້າ​ທົ່ວ​ໂລກ ​ແລະ ​ເຫັນ​ດີ​ທີ່​ຈະ​ຊອກ​ຫາ​ຫົນທາງ​ໃນ​ການສົ່ງ​ເສີມ​ໃຫ້​ເສດຖະກິດ​ທົ່ວ​ໂລກ​ເຕີບ​ໂຕ​ແບບ​ຍືນ​ຍົງ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ຫຼັງ​ຈາກ​ສຳ​ເລັດ​ກອງ​ປະຊຸມ​ລະດັບ​ລັດຖະມົນຕີ​ກາ​ນ​ເງິນ ​ແລະ ຜູ້​ວ່າການ​ທະນາຄານ​ຂອງ​ກຸ່ມ​ຈີ 20 ທີ່​ຈັດ​ຂຶ້ນ​ເປັນ​ເວລາ 2 ມື້ຢູ່​ນະຄອນຫຼວງ​ວໍ​ຊີງ​ຕັນ​ຂອງ​ອາ​ເມ​ລິ​ກາ ທ່ານ ​ໂວ​ລກັງ ຊອຍ​ເບິ​ລ ລັດຖະມົນຕີ​ການ​ເງິນ​ຂອງ​ເຢຍລະ​ມັນ​ເຕືອນ​ວ່າ ການ​ຂະຫຍາຍ​ຕົວ​ຂອງ​ນະ​ໂຍບາຍ​ກີດ​ກັ້ນ​ທາງ​ການ​ຄ້າ​ທົ່ວ​ໂລກ ອາດ​ສົ່ງ​ຜົນ​ຕໍ່​ສະຖຽນ​ລະ​ພາບ ​ແລະ ຖ່ວງ​ດຶງ​ການ​ຂະຫຍາຍຕົວ​ຂອງ​ເສດຖະກິດ​ທົ່ວໂລກ, ຂະນະ​ທີ່​ທ່ານ ​ເຢນ​ໄວ​ດ​ແມນ ປະທານ​ທະນາຄານ​ກາງ​ເຢຍລະ​ມັນ​ກ່າວ​ວ່າ ຜູ້​ຮ່ວມ​ກອງ​ປະຊຸມ​ເກືອບ​ທຸກ​ຝ່າຍ​ເບິ່ງ​ເຫັນ​ຄວາມ​ສຳຄັນ​ຂອງ​ຕະຫຼາດ​ເສລີ ​ແລະ ການ​ສົ່ງ​ເສີມ​ໃຫ້​ເປີດ​ເສລີ​ທາງ​ການ​ຄ້າ, ທ່ານ ທາ​ໂຣ ອາ​ໂສະ ລັດຖະມົນຕີ​ການ​ເງິນ​ຍີ່ປຸ່ນ​ກ່າວ​ວ່າ ກາ​ນຄ້າ​ເສລີມີ​ຄວາມ​ສຳຄັນ​ຫຼາຍ​ຊ່ວຍ​ຂັບ​ເຄື່ອນ​ການຈະ​ເລີ​ນ​ເຕີບ​ໂຕ​ຂອງ​ເສດຖະກິດ​ທົ່ວ​ໂລກ ຢ່າງ​ໃດ​ກໍ​ຕາມ ການ​ທີ່​ລັດຖະບານ​ອາ​ເມ​ລິ​ກາ​ມຸ່ງ​ຍຶດຫຼັກ​ຜົນ​ປະ​ໂຫຍ​ດ​ແຫ່ງ​ຊາດ​ເປັນ​ທີ່​ຕັ້ງ ບໍ່​ໄດ້​ໝາຍ​ຄວາມ​ວ່າ ອາ​ເມ​ລິ​ກາ​ຈະ​ປະຕິ​ເສດ​ທາງ​ການ​ຄ້າ​ກັບປະ​ເທດ​ອື່ນໆ.

ກຸ່​ມປະ​ເທດ​ຈີ 20 ປະກອບ​ມີ: ອາກຊັງ​ຕິນ, ອົດ​ສະຕຣາລີ, ບຣາຊິນ, ອັງກິດ, ກາ​ນາ​ດາ, ສປ ຈີນ, ຝຣັ່ງ, ​ເຢຍລະ​ມັນ, ອິນ​ເດຍ, ອິນ​ໂດ​ເນ​ເຊຍ, ອິຕາ​ລີ, ຍີ່ປຸ່ນ, ​ເມັກ​ຊິກ, ຣັດ​ເຊຍ, ຊາ​ອຸ​ດິດ​ອາຣັບບີ, ອາ​ຟຣິກາ​ໃຕ້, ຕວັກ​ກີ, ອາ​ເມ​ລິ​ກາ ​ແລະ ສະຫະພາບ​ເອີຣົບ.

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *

This site uses Akismet to reduce spam. Learn how your comment data is processed.

Copy Protected by Chetan's WP-Copyprotect.